ئۇيغۇرچە Windows8 نى ئىشلەتكۈڭىز بارمۇ؟ ئۇنداقتا تېز بولۇڭ

‏ئەسسالامۇئەلەيكۇم ھۈرمەتلىك ئەھلى ئۇيغۇر قېرىنداشلار ! كومپىيۇتېر مەشغۇلات سېستىمىسى بولغان Windows8 گە ئۇيغۇر كومپىيۇتېر ئىشلىرىدىكى تۆھپىكارىمىز ئالىم ئەھەتنىڭ كۈچ چىقىرىشى ۋە مىھنەت قىلىشى بىلەن ئۇيغۇرچە تىل بولىقى قوشۇلۇپ ، ئۇيغۇر كومپىيۇتېر ئىشلىرىنىڭ تەرەققىياتى ئۈچۈن يېڭى بىر سەھىپە ئېچىلدى . ئۇزۇندىن بۇيان Windows مەشغۇلات سېستىمىسىنى ئانا تىلىدا ئىشلىتىشنى ئارزۇ قىلىپ كەلگەن بارلىق قېرىنداشلارغا نىسبەتەن ناھايتى زور خۇشاللىق ئىش بولغان بولسىمۇ ، زور كۆپ ساندىكى قېرىنداشلىرىمىزنىڭ تورغا چىقىش شارائىتىنىڭ يوقلىقى ياكى بۇ ئىشقا مۇناسىۋەتلىك ئۇچۇرلارنىڭ تارقىلىش دائىرىسىنىڭ چەكلىكلىكى ، شۇنداقلا پىسخىكىمىزدىكى پەرۋاسىزلىق ، بىخۇتلۇق تۈپەيلىدىن Windows مەشغۇلات سېستىمىسىنىڭ ئۇيغۇرچە بولۇپ كەتكەنلىكىدىن ئىبارەت ئالەمشۇمۇل ئىشلاردىن بىخەۋەر يۈرمەكتە . بىلسىمۇ پەرۋاسىز يۈرمەكتە .
‏بۇ ئىشلار مۇشۇنداقلا ئۆتۈپ كەتسىمۇ مەيلىتى . بىراق ، مىكروسوفت شېركىتىنىڭ سىتاتسكىلىق سانلىق مەلۇماتىدا ئۇيغۇرلارنىڭ ئۇيغۇرچە تىل بولىقى قوشۇلغان مەشغۇلات سېستىمىسىنى ئىشلىتىش دەرىجىسى تۆۋەن بولۇپ قالسا ، مۇنداقچە ئېيتقاندا ، بىزنىڭ بۇ ئىشقا تۇتقان پوزىتسىيەرىمىز تازا قىزغىن بولمىسا ، شۇنداقلا ، مىكروسوفتنىڭ Windows مەشغۇلات سېستىمىسىغا ئۇيغۇرچە تىل بولىقى كىرگۈزۈش ئۈچۈن سالغان مەبلىغى كىرىمى چېقىمىنى قاپلىيالمىسا كىيىنكى قېتىملىق مەشغۇلات سېستىمىسىنى ئىشلەيدىغان ۋاقىتتا ئۇيغۇر تىلىنى قۇشۇشنى ئويلاشمايدۇ - دە ، شۇنىڭ بىلەن ئۇيغۇر كومپىيۇتېر تەرەققىياتى تىبەت ، موڭغۇل ... قاتارلىق مىللەتلەرنىڭ ئارقىسىدا قېلىش خەۋپى كېلىپ چىقىدۇ . ئەلۋەتتە ، بۇ ھىچقايسىمىز كۆرۈشنى خالىمايدىغان ئاقىۋەت .
‏يەنە بىر جەھەتتىن ، ئىشەنچىلىك مەلۇماتلاردىن قارىغاندا 2013 - يىلى 1 - ئاينىڭ 1 - كۈنىدىن باشلاپ ئۇيغۇرچە تىل بولىقى قوشۇلغان بۇ مەشغۇلات سېستىمىسى تەخمىنەن 1280 يۈەنگە ئۆسۈپ كېتىش ئېھتىماللىقى ئىنتايىن چوڭ . ھالبۇكى ، يېڭى يىلغا بىر نەچچە كۈنلا قالدى . ئەمدى ئالدىرىمىسىڭىز كىيىن قانچىلىك پۇشايمان قىلغىنىڭىز بىلەنمۇ ھەرگىز ئورنىغا كەلمەيدۇ . ھەم ، سىزنىڭ بۇ قەدەر پەرۋاسىزلىقىڭىز ئۇيغۇر كومپىيۇتېر تەرەققىياتىنىڭ چېكىنىپ كېتىشىگە سەۋەب بولۇپ قېلىشى مۇمكىن . مىللەتنى سۆيۈش ئېغىزىڭىزدىكى قۇرۇق شۇئار ھالەتتە بولۇپ قالمىسۇن ، ئەمەلى ھەرىكەتكە كېلىش قۇرۇق گەپ ساتقاندىن مىڭ ھەسسە ئەۋزەل !
‏بۇ مەشغۇلات سېستىمىسىنى www.alimahat.com غا كىرىپ ، ياكى ، www.uyghurbeg.com غا كىرىپ ئۇيغۇربەگ بىلەن ئالاقىلىشىپ سېتىۋالسىڭىز بولىدۇ . ئۇيغۇربەگ بىلەن ئۈندىداردا ئالاقىلىشىش ئۈچۈن ئۈندىدارىڭىزنىڭ باشقىلارنى قوشۇۋېلىش سېستىمىسىنى قوزغىتىپ Uyghurbeg نى ئىزلەپ قۇشۇۋالسىڭىز بولىدۇ .
‏تىزرەك ھەرىكەتكە كېلىڭ ! پۇرسەت تىزلا ئۆتۈپ كەتمەكتە . كىيىنكى پۇشايمان ئۆزۈڭگە دۈشمەن ! ئۇيغۇر تەرەققىياتى ئۈچۈن بىر كىشىلىك ھەسسىڭىزنى قوشۇپ ، ئۇيغۇرچە مەشغۇلات سېستىمىسىدا ئانا تىلىڭىزنىڭ ھوزۇرىنى سۈرۈڭ !

بۇ تېمىنى يوللاپ، مۇنبەرداشلارنى خەۋەردار قىلغىنىڭىزغا كۆپ رەھمەت. بىلىشىمچە 2013-يىلى 2-ئاينىڭ 1-كۈنىدىن باشلاپ باھاسى 1000يۈەندىن ئېشىپ كىتىدۇ.
مەن تېخى يازغۇچىلىرىمىز ئارىسىدىمۇ زور غۇلغۇلا بولۇپ كىتەرمىكىن دېگەنىدىم (ئۆزىمىزنىڭ تىلىدا چىققان تۇنجى سېستىما ئەمەسمۇ)، نەدىكىنى جىمجىتلا...
ئەگەر سېتىۋالىمەن، ياكى بۇ سېستىمىنى چۈشىنىپ باقماقچىدىم دەيدىغانلار بولسا بۇ نۇمۇرنى قۇشۇۋالساڭلار بولىدۇ 530714269
ھېلىھەم قولۇم كۆكسۈمدە. ياردەملىشىپ سېتىۋېلىشىپ بىرىمەن ياكى چۈشەندۈرۈپ قويىمەن. ھازىرقى باھاسى 248يۈەن. پەقەت توردىلا سېتىلىدۇ.
بۇرۇنقىدەك دىسكىغا ئويۇپ ساتىدىغان ئىش يوق.
ئولتۇرۇپ «ئانا تىلىم» دەپ بىر قوشاق قاتقاندىن قولىمىزدىن كەلسە ئەمەلىيراق ئىشتىن بىرنى قىلغىنىمزى ئەۋزەل. خەقلەر شۇنچە زور مەبلەغنى سېلىپ سېستىمىنى ئانا تىلىمىزدا چىقىرىپ بەردى. بۇ سېستىمىنى ئۇلار ھەر ۋاقىت ئىستاستىكىلاپ تۇرىدۇ. ئەگەر ئۇيغۇرلارنىڭ بۇ سېستىمىنى ھەقىقەتەن كۆپ ئىشلىتىۋاتقىنىنى بىلسە، كېيىنكى ھەر قانداق سېستىما ياكى دېتاللاردا ئىككىلەنمەي ئانا تىلىمىزنىمۇ ئويلىشىدۇ دېگەن گەپ. ئەگەر بىز ئۆزىمىز بۇ ئىشقا سەل قارىساق خەقمۇ بىزنى تاشلىۋېتىدۇ...

    ئابدۇرىشىتنىڭ بۇ قىممەتلىك ئۇچۇر ھەققىدە ۋاقتىدا ئاگاھلاندۇرغانلىقىغا ئاپىرىن. يېقىندا بىرەيلەندىن ئاڭلىسام، بۇ سېستىمىنىڭ ھەجمى تۆت گىگابايىت ئىكەن. ھازىر ئىشلىتىۋاتقان كومپىيوتىرلىرىمىزنىڭ ئىچكى سىغىمچانلىقى بۇنداق زور ھەجىملىك سېستىمىنى سىغدۇرۇشقا ئاجىزلىق قىلامدۇ، قانداق؟ بۇ ھەقتە تېزراق ئۇچۇر بەرسەڭ، ئاداش!  

ئەمەلىيەتتە Windows8 ئۇنىڭدىن ئىلگىرى چىققان سېستىمىلاردىن كۆپ يىنىك (مەسىلەن ۋىن7 ياكى ۋىستادىن) ياكى كۆپ پەرىقلىنىپ كەتمەيدۇ( مەسىلەن windows xpدىن). شۇڭلاشقا ئەگەر كومپىيوتىرنى ئىشلىتىۋاتقىلى يەتتە-سەككىز يىللار بوپ قالمىغان بولسىلا سىغىم جەھەتتىن ئەنسىرىشىڭىزنىڭ تامامەن ھاجىتى يوق.

   تەكرارلىنىپ قالغاچقا تەھرىرلەندى. بۇ يازمىنى ئاخىرىدا   ئۈمىدى تەھرىرلىگەن. ۋاقتى  2012-12-27 21:54  

     سامسوڭ ماركىلىك كومپىيوتېرنى سېتىۋالغىلى تېخى ئىككى يىلمۇ بولمىدى، ( سېتىۋالغاندا، ۋىندوۋس 7 نى قاچىلاپ بەرگەن ئىدى. ) بىراق ئۇنىڭ ئىچكى ساقلىغۇچى ئىككى گىگابايىت.   بۇ يازمىنى ئاخىرىدا   ئۈمىدى تەھرىرلىگەن. ۋاقتى  2012-12-27 21:52  

سېتىۋالغاندا ۋىن7 نى قاچىلاپ بەرگەنىدى دەپسىز، ۋىن7 نى سۆرەپ كىتەلىگەن بولسا ۋىن8 گە گەپ كەتمەيدۇ. خاتىرجەم سېتىۋېلىپ ئىشلىتىڭ. مەن بىر دوستۇمنىڭ 1.5 گىگا لىق كومپىيوتىرىغا قاچىلاپ بەرگەنىدىم. شۇنداق ياخشى كېتىۋاتمامدۇ...

     ئابدۇرېشىت، يېڭى ئۇچۇردىن خەۋەر تاپتىم، رەھمەت!
     ئەگەر بۇ سېستىمىدىن بىرنى سېتىۋالساق، بىرلا كومپيۇتېرغا ئىشلىتىلەمدۇ؟ ياكى ئىشخانىدىكى باشقا كومپىيۇتېرلارغىمۇ چاتقىلى بولامدۇ؟ كۆرسەتمە بەرسىڭىز.

ئۈمىدى ئاداش، قۇتتېكىن ناھايىتى ياخشى جاۋاب بېرىپتۇ، شۇنداق، ئەنسىرىشىڭنىڭ ھاجىتى يوق.

سالام ئۇستاز، ئالدى بىلەن بۇ تېمىنىڭ دىققىتىڭىزنى تارتقىنىدىن سۆيۈندۈم. مەن بۇ تېمىغا خېلى زور ئۈمىد باغلىغان، قەلەمكەشلىرىمىز ئىچىدە تەخىرسىز مەسىلىگە تەخىرسىز پوزىتسىيە تۇتالايدىغانلار يوقنىڭ ئورنىدىكەن. مەن دەيدىغان نەق گەپنى قۇتتېكىن دەپ بولۇپتۇ. تەكرارلىماي!
سىز سورىغان مەسىلىگە كەلسەك، بۇ ۋاقىتلىق ئېتىبار باھا پەقەت يەككە كومپيۇتېر نۇسخىسىنىڭ باھاسى. دېمەكچىمەنكى، سىز Windows8 دىن بىرنى سېتىۋالسىڭىز پەقەت ئۆزىڭىزگە تەۋە بىرلا كومپيۇتېردا مەڭگۈ ئىشلىتەلەيسىز.
مىللەتكە، تىل-يېزىقىمىزنىڭ تەقدىرىگە مۇناسىۋەتلىك بۇنداق مەسىلىگە ئەستايىدىلراق مۇئامىلە قىلساقكەن! ھەي!...

مەن بىر كېچە-كۈندۈز ھەپىلىشىپ، بۇنى توردىن چۈشەلمىدىم، يەنى 248يۈەننى تاپشۇرالمىدىم، پايپالدا تىزىملىتىپ ئىككى كارتىنى ئىشلەتسەم، ئىككىلىسىدە پۇل چىقىم قىلغىلى بولمىدى. ئىناۋەت كارتىسىنىڭ بىرىنىڭ 6-ئايدا ۋاقتى ئۆتۈپ كېتىپتۇ، يەنە بېرى نامدا ئىناۋەت كارتىسى بولسىمۇ، لېكىن مەمۇرلار كارتىسى (公务卡) بولغاچقا بۇنىڭدىمۇ پۇل تاپشۇرغىلى بولمىدى. قانداق قىلىشنى بىلەلمىدىم. يول كۆرسەتسەڭلار.

ئابدۇرىشىتكا، ماڭا خېلى ئوبدانلا ئىش تېپىپ بەردىڭىز جۇمۇ!
ئاخشام بىر كېچە  ئۇخلىماي كۈرەش قىلىپ ئاران دېگەندەwin7 نى يۇيۇپ كومپىيوتېرنى ئېچىلماس قىلىپ  تىندىم. ئەتىگەندىن بېرى سىغىمى كىچىك winXPنى قاچىلاپ  سۆيۈملۈك win8نى قايتا چۈشۈرۋاتىمەن. بىر يېرىم سائەتتە چۈشۈپ  بولغۇدەك.  جاپا تارتقانغا چۇشلۇق ئىش بولسا مەيلىدى. بۇ يازمىنى ئاخىرىدا   zeperi تەھرىرلىگەن. ۋاقتى  2013-1-8 13:50