تۆرىبەگ قىزى: خۇرجۇنىمنىڭ ئىككى تەرىپىدە

خۇرجۇنىمنىڭ ئىككى تەرىپىدە


پاتىگۈل قاسىم تۆرىبەگ

جاھان غەۋغالىرىنى تەرىك ئېتىپ،
كېتەي ئىشىق باياۋىنىغا.
ئىسكىلىتلار ئارىسىدا ياشىغاندىن
تۇپراق ئاستىدا كۆكلىگەن ئەلا.
چۈنكى
جاھاندىن داۋاسى تېپىلمايدىغان
ئاشىقلىق دەردىگە بولدۇم مۇپتىلا.
جاناندىلا بار،سېتىلمايدىغان
ۋىسال لەززىتىگە بوپقالدىم خۇمار.
ھافىزلارنىڭ غەزەللىرىدە
يارىمنىڭ ئىسمى شاھۇ ئەنبەر.
چالدىم ساپايەمنى،مېنى چالدى يار،
ھەلقىگە چۈشتۇق بولۇپ بىرچەمبەر.
تەننى جانغا ئۇلىدۇق،
تۈننى تاڭغا ئۇلىدۇق.
بىر سەۋدايى شائىرەدۇرمەن
ياردىن باشقا ھېچنىمىسى يوق.
يۈرۈپ شامۇ-سەھەر
كېزىپ سەھرا-شەھەر
يىرتىلدى كۆڭلۈم
يارىمغا قەدەر.

ھايات دەپتىرىدە
ئاشىقلىق دېگەن ئاچچىق ھېكايە.
ئۇچامدا جەندە،
ئۆشنەمدە خۇرجۇن،
چالدىم ساپايە.
ئارقامدا دەرد-غەم،
ئالدىمدا غايە.

ياخشى يېزىلغان ئەسەر  .كۆڭلۈمدىكى  گەپلەر دىيىلگەندەك ھېس قىلدىم.

بىدە-كۆك چېقىپتۇ دە

بىرسەۋدايى شائىرەدۇرمەن.      ھا.ھا.ھا.ھا.مەنمۇئىتراپ قىلدىم.باشقىلارنېمەدەركىن.....

شىمالدا كۆك چىقمىغان بىلەن جەنۇپ ئىسسىق .

ساپايىڭىزنىڭ جاراڭلاپ تۇرغىنىنى ئاڭلىدىم.

ھەقىقەتەن ئىسىل چىقىپتۇ، بەك ياقتۇردۇم.

بۇ بۆلىكى:
« ھايات دەپتىرىدە
ئاشىقلىق دېگەن ئاچچىق ھېكايە.
ئۇچامدا جەندە،
ئۆشنەمدە خۇرجۇن،
چالدىم ساپايە.
ئارقامدا دەرد-غەم،
ئالدىمدا غايە.»
شۇنداق بەرنا، يېقىشلىق، تېتىملىقكەن...

جاھاندىن داۋاسى تېپىلمايدىغان

ئاشىقلىق دەردىگە بولدۇم مۇپتىلا...


بىر سەۋدايى شائىرەدۇرمەن

ياردىن باشقا ھېچنىمىسى يوق.

ئاجايىپ ياقتۇردۇم قولىڭىزغا دەرد كەلمىسۇن جېنىم.

شىئېر دېگەننى مۇنداق يازسا ئەجەپ تېتىملىق بولىدىكەن دېسە.

شېئىرىڭىز ناھايىتى ياخشى چىقىپتۇ.مېنىڭ قارىشىمچە ئۇيغۇر شېئىرىيىتىنىڭ بەدىئىي سەۋىيىسى  سىز ۋە سىلەردەك قەلىمى ئۆتكۈر شائىرلار ئارقىلىق يۇقىرى پەللىگە قاراپ ئىلگىرىلەۋاتقان ،ئەمما پروزىچىلىقنىڭ تەرەققىيات سەۋىيىسى  كونا ئىزىدا توختاپ قالغاندەك  بىر ھالەت شەكىللىنىپ قاپتا.چوڭقۇر مەنىلەرگە تويۇنغان ياخشى  شېئىر يازىدىغانلارغا ھەۋىسىم كېلىدۇ.

  قېرىندىشىم [دوستۇم ]  تۆرىبەگ قىزىنىڭ ‹‹  خورجۇنى ›› نىڭ ئىككىلا بېشىدا مەن باردۇرمەن،  چۈنكى، بىز ئوقۇپ تۈگىتەلمەيدىغان كىتابدۇرمىز ، ‹‹ خورجۇن ›› ئىچىدىكى ........

شۇتاپتا قۇلاق تۈۋۇمدە جاراڭلىق بىر سادا ، گويا بوۋام چالغان ساپايىنىڭ ئ‍اۋازىدەك ....

.
ئىسكىلىتلار ئارىسىدا ياشىغاندىن
تۇپراق ئاستىدا كۆكلىگەن ئەلا.................

پاتىگۈل قاسىم تۆرەبەگ يازمىنىڭزدىن شۇنداق سۆيۈندۈم .سىز بىلەن كۆرۈشكىنىمدىن ھەم خۇشالمەن .ئاللاھ ئىگەم قوللىرىڭىزغا دەرت بەرمىسۇن .