شەۋكەت ئىبراھىم : ئىككى شىڭگىل

ياتاي ئاڭلاپ  

كۆچتۇم قاراقىڭغا
ياناي دەپ تۈنلىرىمدە .
مۆكتۇم كىرپىكىڭگە
ئاتاي دەپ ،
بىر ئاھۇنى ‹‹ پاڭڭىدە ›› ...

گەر بويالسا قانغا ئۇ  
بىلگىن ،
شەپەقكە پۈركەنگىنى شۇ .
بۇ قىلمىشىم تۈپەيلى
مەن ئايلانسام قاتىلغا ،
ئېتىپ كىرپىكىڭدە
قويغىن مېنى
سۆيگۈ ناملىق قەۋرەڭگە .
ياتاي ئاڭلاپ ،
ھەم چۆمۇلۇپ
يۈرەك – كۈيلىرىڭگە ...
2016 – يىلى 9 – مارت

تاش ئېتىش

مەندىن بۇرۇن ، مەندەك بىرسى
كەزگەن كوچا بۇ ،
ناخشىسىدا ياماپ دەردىنى ...
كۆرسىتىپ قويغان ئىدى
گاھىلارغا ئۆزىنى .

كوچا – ئازاب بىلەن شادلىق قوشۇلغان
ئۇزۇن بىر سەپەر ،
ئايىقى چىقماس .
مېڭىۋاتىمىز تېخىچە
مېڭىۋاتىمىز  ھازىرغىچە
سۆزلىگەندە ئۆپكەڭنى بىردەم باس .

دېيىشىپ نۇرغۇن سۆزلەرنى ،
مەنا ئىزدەپ ھاياتتىن
ھاياتتىكى مەناغا يېتەلمەي
ئاۋارىمىز بۇلاقتىن ،
قانغىدەك سۇ ئىچەلمەي .

تاش ئاتما سۇغا
دولقۇن- دولقۇن چەمبەر ياساپ .
كۆڭۈل خۇشلىقى ئۇ ئەمەس ،
بولالمايمىز بۇ ھاياتنى
سەن ، مەن ، ئۇ مەڭگۈ ياشاپ ...

تاش ئاتقاندىن مىڭ ياخشى
قاش ئېتىپ ياشاش ،
ئېھ ، يۈرىكى ئوتقاش !
2016 – يىلى 11 – مارت

ياخشى شېئىرلار ئىكەن، قەلىمىڭىزگە ئۇتۇق تېلەيمەن،شەۋكەت.

شېئىرلىڭزنىڭ ھەممىنى دىگۈدەك ئوقۇدۇم ئاكا ... بىر بىرسىدىن ئېسل شېئىركان .   ياخشى شېئىرنىڭ ئۆلچىمى تىل يېڭى ئىستىلىستىكا جانلق بولۇش لازىم.
بۇ  شېئىرلارمۇ شۇنداق ياخشى چىقىپتۇ.  سۆزلەر ئورنىنى تېپىپتۇ.

ناخشىسىدا ياماپ دەردىنى ...
مېڭىۋاتىمىز  ھازىرغىچە
ئىزدىنشلىرىڭزغا ئۇتۇق تىلەيمەن...

شاۋكەت ئاكامنىڭ بۇ شېئىرى ھەقىقەتەن يۈرىگىمنى لەرزىگە سالدى! بەرىكەت تېپىڭ ئاكا!

غازىباي ! بۇ شېئىرنى  مۇنداق ئۆزگەرتىپ قويغىنىڭغا رەھمەت ... مانا بۇ رىغبەت ، مانا بۇ ئىلھام
سېنىڭ بۇ سەمىمى كۆڭلۈڭ ماڭا تىگىل بولدى . بۇ شېئىرىمنى  مۇشۇنداق ئۆزگەرتىپ قوياي رەھمەت ساڭا ... ئامان بول ئىنىم ...

"تاش ئېتىش" نى ئوقىۋىتىپ كىچىك چاغلىرىمدىكى "دامبا" بويى ئېسىمگە كەلدى.

شېئىرىي تىلنىڭ نەقەدەر گۈزەللىكىنى تۈزۈتىلگەن شېئىرىڭدىن تېخنمۇ بىلدىم.غازىماي ئىنىمغىمۇ كۆپ رەھمەت.دوستۇم ،تارتىملىق شېئىرلارنى يوللاۋاتقىنىڭغا رەھمەت.