نۇربىيەنىڭ يۇلتۇزلىرى (48)

    نۇربىيە ئابدۇكېرىم 1986- يىلى 4- ئاينىڭ 20- كۈنى باي ناھىيەسىدە تۇغۇلغان، 1998 ـ يىلىدىن  باشلاپ ئىجادىيەتكە كىرىشكەن. «تارىم غۇنچىلىرى»، «مۇزات دولقۇنلىرى»، «باي گېزىتى »، «ئاقسۇ ئەدەبىياتى»، «ئاقسۇ گېزىتى »، «شىنجاڭ ياشلىرى»، «مىللىي يازغۇچىلار» ، «تەڭرىتاغ» قاتارلىق مەتبۇئاتلاردا 100 پارچىدىن ئارتۇق شېئىر، نەسىرلىرى ، خەنزۇ تىلى ۋە ئېنگىلىز تىللىرىدىن تەرجىمە قىلغان تەرجىمە ئەسەرلىرى ئېلان قىلىنغان، بىر قىسىم ئەسەرلىرى روياپقا چىقىش ئالدىدا تۇرغان توپلاملارغا تاللانغان. 2015- يىلى توردا ئۆتكۈزۈلگەن «چوغدا شېئىرىيەت مۇكاپاتى» پائالىيىتىدە 2- دەرىجىلىك مۇكاپاتقا ئېرىشكەن. ئۇ 2006 ـ يىلىدىن تارتىپ ھازىرغىچە ئۈرۈمچى شەھرىدە ئۆگىنىش ۋە ئىجادىيەت بىلەن شۇغۇللانماقتا.


    [ئاپتوردىن] مەن ئۈچۈن، شېئىر ئىنساننىڭ جانلىق تىلدا ئىپادىلەش ئىمكانىيىتى بولمىغان ئىچكىي تۇيغۇلىرى ۋە كەچمىشلىرىنى يېزىق تىلىغا ئايلاندۇرۇپ، سۆزلەر ئوتتۇرىسىدىكى يېڭى مەنە مۇناسىۋەتلىرىدە سۆزلەش شەكلىدۇر، بۇ نۇقتىدىن ئېيتقاندا، شېئىر ئىنساننىڭ روھىي دۇنياسىدا ئۇلۇغلانغان ئەسلىي ئانا تىلى بولۇشى مۇمكىن. مېنىڭ شېئىر يېزىشتىكى مەقسىدىم روھىمدىكى ئېنىق ۋە ئېنىقسىز تۇيغۇلاردىن بوشىنىش ۋە شۇ ئارقىلىق كۆرگىلى، تۇتقىلى بولمايدىغان تۇيغۇلارنى شەكىلگە كەلتۈرۈش ۋە جان بېرىش. ئۆزۈمگە خاس تۇيغۇلىرىمنىڭ ئەۋجى بىلەن روياپقا چىققان ھەر بىر شېئىرىم ئوقۇلۇۋاتقاندا، ئوقۇرمەن ئۇنىڭدىن ئۆزىنى كۆرەلىسە، ھېچ بولمىغاندا يازغان شېئىرلىرىم ئومومىيلىقنى چىقىش قىلغان ھالدا ئورتاق كەچمىش ۋە ئورتاق تۇيغۇغا ئايلىنالىسا، مەندىن تارىلىپ كەڭرى دائىرىدە داۋالغۇيالىسا مانا بۇ مېنىڭ غەلىبەم.


    نۇربىيە ئابدۇكېرىمنىڭ شېئىرلىرىدىكى تىل مۇناسىۋەتلىرى ئۆزگىرىشچان، شېئىرلىرى كەيپىيات جەھەتتىن ئېغىر بېسىق، شېئىرىي شەكىل جەھەتتە مۇتلەق ئەركىن بولۇپ ئوقۇرمەننىڭ ئەنئەنىۋى شېئىر ئوقۇش ئادىتىنى بۇزۇپ تاشلايدۇ. ئايال شائىرلار ئىچىدىكى بۇ ئۆزگىچە شېئىرىي دۇنياغا ئىگە شائىرەنىڭ تېنىگە ساقلىق، ئىجادىيىتىگە تېخىمۇ يۈكسەكلىك تىلەپ بىر يۈرۈش شېئىرلىرىنى ھوزۇرۇڭلارغا سۇندۇق.

باي گېزىتى دەپ گېزىت بارلىغىنى  ئەمدى بىلۋالدىم.

نۇربىيەنىڭ شېئىرلىرى ھەقىقەتەن شەكىل جەھەتتىن ئەركىن بولۇش بىلەن بەزى مىسرالاردىكى مەنا قاتلاملىرى كىشىنى قايتىلاپ ئوقۇپ بېقىشقا دەۋەت قىلىدۇ. ئۆزى ئوماق بۇ شائىرە سىڭلىمنىڭ بۇنىڭدىن كېيىنكى ئىجادىيەتلىرىگە يۈكسەك بىر پەللە تىلەش بىلەن بىرگە تېنىگە سالامەتلىك ئائىلىسىگە بەخت تىلەيمەن

بۇ شېئېرلاربولىدىكەن،  قەلىمى قۇت تاپسۇن.

نۇربىيەئابدۇكېرىمنىڭ ئىجادىيەتلىرىگە زۇر ئۇتۇقلارنى تىلەيمەن

مۇبارەك بولسۇن گۈزەل قىز.

مەن ،بۇ قىزدا شېئىرىيەتكە نىسبەتەن ئالاھىدە بىر خىل ئىقتىدارنىڭ بارلىغىنى ئۇنىڭ ،‹‹21- بەتتىكى ھادىسە›› ناملىق شېئىرىدىلا ھىس قىلغان ئىدىم .
بۇ قىز ،بۇندىن كېيىن ‹‹بالا››،‹‹ئۆي››دەپ بوشىشىپ كەتمىسىلا ،كەلگۈسىدە چوقۇم ئەل قەلبىدىكى شائىرە بولۇپ قالىدۇ .
يەنىمۇ تىرىشىڭ سىڭلىم، ئۇتۇق-ئامەت سىزگە يار بولسۇن.!

تۇرمۇش ئاتلىق قاينام نۇرغۇن تالانتلىقلارنى يالماپ كەتكەن، ببۇ قىزنىڭ يالماۋۇزدىن ئامان قېلىشىنى، بىزنى ئېسىل شېئىرلاردىن بەھىرلەندۈرۈپ تۇرىشىنى ئۈمۈد قىلىمەن.

شېئىرىيەت بېغىدىكى يەنە بىر خۇشپۇراق گۈلنى كۆرگىنىمدىن خوشالمەن . نۇربىيە سىڭلىمغا ئۇتۇقلاريار بولسۇن !

بۈگۈن تورغا چىقمىغاچقا بۇ تېمىنى تېخى ھازىر كۆرۈپتىمەن.
مۇبارەك بولسۇن نۇربىيە سىڭلىم!
نۇربىيە ئۇزۇن يىل ئېنېرگىيە توپلاپ، بىراقلا يالقۇن چىقارغان ساناقلىق شائىرەمىزنىڭ بىرسى. نۇربىيەنىڭ شېئىرىيەت سەپىرىنىڭ داۋاملىق ئوڭۇشلۇق بولۇشىغا تىلەكداشمەن!  

مۇبارەك بولسۇن . نۇربىيەنىڭ شېئىرلىرىنىڭ سادىق ئوقۇرمەنىمەن . ئۇنىڭغا يېڭى پەللە ۋە يېڭى مەنزىل نىسىپ بولغاي .

مۇبارەك بولسۇن..ئىشلىرىڭىز تېخىمۇ ئۇڭۇشلۇق بولغاي::

گۈزەل شېئىرلىرىڭىزغا ھەشقاللا!