مەقسەت: سىزنىڭ يازغۇچىلار مۇنبىرىگە كىرىشتىكى مەقسىدىڭىز نېمە؟

ئەمەلىيەتتە، مۇنبەر بىركىم بىلەن يەنە بىر كىمنى ئۇرۇشقا سالىدىغان بوكۇس مەيدانى ئەمەس.ياكى، بىرسى بىلەن يەنە بىرسىنى ئەپلەشتۈرىدىغان قازىخانامۇ ئەمەس.
ھەرقانداق ئادەمنىڭ تەبىئىتىدە مەدىيەگە بولغان تەشنالىق بولىدۇ. ئەمما، مەدىيە بازاردىن سېتىۋېلىپ بېرىدىغان ماددىي بۇيۇم ئەمەس. مەدىيە ئۇ ئىنساننىڭ قەلبىدىكى نەرسە بولغاچقا سىز ئۇنىڭغا قانچېلىك تەشنا بولىشىڭىزدىن قەتئىي نەزەر قەلىبدىن ئىبارەت يۇكسەكلىكنى ئۇتۇشقا "قۇربىڭىز" يەتمىسە، چوقۇمكى تەييارلىقىڭىز بولىشى كېرەك....

      






      

    ئەقىل  ياشتا ئەمەس -  باشتا .  ئارتۇچ ئىنىمنىڭ ئەجرىگە تەشەككۈر !

تىما يوللىغۇچىنىڭ ھەر قانداق پىكرىگە ئوقۇرمەننىڭ قوشۇلۇپ چاۋاك چېلىش مەجبۇرىيتى يوق.  تىما توغىرىسىدىكى تالاش- تارتىشنى ئىناقلىق، ئىتتىپاقلىق بىلەن مۇناسىۋەتلەشتۇرۇش ئارقىلىق ئۆز تىمىسنىڭ، پىكىرىنىڭ ماختىلىشقا سازاۋەر بولۇش دەرىجىسنى يۇقىرى كۆتۈرۈشكە ئۇرۇنۇش تولىمۇ كۈلكىلىك. "بۇ پىكىرىم مەقسەت ئەپەندىگە قارىتىلمىدى"

...

...

....

    ياخشى مەقسەت بىلەن يازغان تىمىنىنىڭ خاراكتىرىنى ئۆزگەرتىپ نىمىگىمۇ ئىرشەرسىلەر ھە،مۇنبەردىمۇ شۇ ئۈندىدارنىڭ سالۇنلىرىدىمۇ شۇ،خوشاماتچىلىك گوپپاڭچىلىق گورۇھۋازلىق كەسىپۋازلىق شەخسى ئۆچ ئېلىش .ھەي موشۇ كۈنلەردە ئەدەبىياتنىڭ،شېئىرىيەتنىڭ مۇددىئاسىنى ئۆزگەرتىۋاتتىڭلار.
      بۇ سىلەرنىڭ شەخسى بوكىس مەيدانىڭلار ئەمەس.موشۇ مۇنبەردە ئەدەبىيات ئۈچۈن ئوت بولۇپ يېنىۋاتقان ھەۋەسكار ياشلار گاڭگىراپ قىلىۋاتىدۇ،بۇ مۇنبەردە نەزىرىيە ۋە ئەمەلىيەت جەھەتتە خىلى پىشقانلارمۇ بار ئۇرۇشتىن كىيىن قەھرىمان بولغىلى ھەممىمىز تەييار ئەمما باشقىلارغا يول كۆرسىتىش جەھەتتە كۆزىمىزنى يۈمۇپ تۇرۋالدۇق.
      ئەڭ ياخشىسى شاياتۇنلارنىڭ دېپىغا ئۇسۇل ئوينىمايلى.بىزنىڭ باشقىلارنىڭ شەخسى ئىززىتىگە تېگىدىغانغا ھىچ قانداق ھەققىمىز يوق.

ئەدەبىياتنىڭ نېمىلىكىنى بىلمەي تۇرۇپ، «ئەدەبىياتنىڭ ئىشقىدا كۆيۈپ كۈل بولۇپ كەتكەن» ماۋۇ ئاداشلارنىڭ نەسىھىتىدىن ئۆرگىلەي، مەنمۇ شۇ بۇ يەردە ئەدەبىي ئەسەردىن مەقسەت كوچىلايدىغان، ئەدەبىياتنى شەخسىي بوكس مەيدانى، يەنە كېلىپ، سىياسىنىڭ دېدىكىگە ئايلاندۇرۇش خەۋپىدە كېتىۋاتقان، شەكلى ئۆزگەرگەن مەدەنىيەت ئىنقىلابىچە ئوبزورچىلىقنىڭ، ئىناقسىزلىقنىڭ يوشۇرۇن مەنبىئىي بولۇپ كېلىۋاتقان بىچارىچىلەرچە ئىڭراشلارغا ھاي دەۋاتىمەن.
نەدىكى، نام ـ ئەمەلىنىڭ تايىنى يوق چىدىغۇسىز ئىنسانلارنى بىردىنلا نەسىھەتچىلىك كۇرسىدا كۆرۈشتىنمۇ ئېچىنارلىق ھالەت يوق ئىكەن.

جىدەل دىسە بىر داستىخان نان بىلەن ماڭدىغان دوستلارغا سالام.ئۇلۇغ نىيەت،بۈيۈك مەخسەتلىرىڭلار چىچەك ئاچقاي جاناپلار!javascript:void(0)

كاتتىلارغا ئايلىناي،

  يۇقۇرىقى  تېمىغا  رەسمى  ئالاقىدار  ئۈچ   مەسىلە  بار .

1.  سىزنىڭ  يازغۇچىلار  مۇنبىرىگە  كىرىشتىكى  مەقستىڭىز نېمە؟ ياكى سىز قانداق ئارزۇ  بىلەن يازغۇچىلار  مۇنبىرىگە  كىردىڭىز ؟
2  .  ئەدەبىي  ئوبزورچىلىق  قانداق ئېلىپ  بېرىلىشى كېرەك؟ ھەر قايسى ژانىرلاردىكى ئەدەبىي ئىجادىيەت قانداق  ئېلىپ  بېرىلىشى  كېرەك؟  ئەدەبىي ئوبزورچىلىق بىلەن ئەدەبىي ئىجادىيەت نىڭ ھەر خىل ئۇسلۇپتا  ئېلىپ  بېرىلىشىنىڭ مۇقەرەرلىك ئىكەنلىكى نېمىلەر  تەرىپىدىن بەلگىلەنگەن؟
3.  ئۇيغۇر يازغۇچىلىرىنىڭ  چىقىش يولى قايەردە ؟ ئۇيغۇر  ئەدەبىياتىنى قانداق قىلغاندا
دۇنياۋى ئىلغار  ئەدەبىيات  دەرىجىسىگە  كۆتۈرگىلى  بولىدۇ؟

    ئۇنىڭدىن باشقا ھۆرمەتلىك قەلەمداشلار  بىز قانۇن ئالدىدا،ئادىمىيلىك ئالدىدا باراۋەر بولۇپ  قالماستىن يەنە  ئەدەبىيات  ئالدىدىمۇ تەڭ -باراۋەر !  بىرىمىز ئېگىزدە بىرىمىز تۆۋەندە  تۇرىۋاتقاندەك پوزىتسىيەدە  تۇرۇپ گەپ قىلىشتىن ساقلىنايلى.  بىر ھەۋەسكارنىڭ بىر ئەسەرگە يېڭى تۇتۇش قىلىشى بىلەن كامال  تاپقان يازغۇچىنىڭ بىر ئەسرگە يېڭى تۇتۇش قىلىشى ھەم مەتبۇئات،نەشريات  ئۆلچىمىگە  دۈچ  كېلىشى ئوخشاش ! ئاۋال ئەسەرنى تارازىغا  سېلىش ،ئاندىن ئاپتورنى نەزەرگە ئېلىش  ئېلان قىلىش،نەشر قىلىشنى خاتالىققا يولۇقتۇرمايدۇ .

  1.  مەسىلىگە  قىسقا  جاۋابىم :  مەزكۇر  مۇنبەرگە  كىرىش ،ماڭا  ئۆزۈم  ئويلىمىغان پاي دىنى  يەتكۈزدى. مەن نەزەر كەڭ بولۇشنى،  ھەر خىل پىكىر، ئۇسلۇپنىڭ  بىرلىكتە تەڭ مەۋجۇت بولۇپ تۇرىشى كېرەكلىكىنى،  يېزىش ۋە پىكىر قىلىش ئۇسۇلىنى ھەركۈنى يېڭى لاپ  تۇرۇشنىڭ  زۈرۈرلىكىنى ھېس  قىلدىم. مەن مۇنبەرگە كىرگەن 4 يىلدا   ئىلگىرى 10 يىلدا ئىگە بولۇپ بولالمىغان نەزەر ۋە  ئەدەبىي ئەقىلگە ئىگە بولدۇم.
2. مەسىلە  ۋە  3. مەسىلە  ھەققىدە  ۋاقىت  يار بەرگەندە  قارىشىمنى مۇشۇ ئىنكاس بوشلۇقىغا ئەڭ مېغىزلىق قىلىپ ئوتتۇرىغا قويىمەن.  تەپسىلاتىنى  ھازىر يېزىلىش باسقۇچىدا كېتىۋاتقان چوڭ  تىپتىكى بىر قانچە  ماقالەمدە  ئوتتۇرىغا  قويىمەن.

     قەلەمداشلارنىڭ  ئىلمىي  مۇنازىرە  قىلىشىنى ،گەپنىڭ ئادەم ئۈستىدە ئەمەس ئەدەبىي مەسىلىلەر ھەققىدە  بولۇشىنى، ئوخشىمىغان كۆزقاراش ۋە ئۇسلۇپ تىكىلەرنىڭ بىر-بىرىنى مەنسىتمەسلىك، كۆزگە  ئىلماسلىق  پوزىتسىيەسىدە  ئەمەس  گەپنى يولىدا ، ئىلمىي پوزىتسىيە قېلىپىدىن چىقىپ  كەتمىگەن ئاساستا پىكىر قىلىشىنى ئۈمىد  قىلىمەن. بىزگە مۇھىم بولغىنى بىرەر گەپتە باشقىلاردىن ئۈستۈنلۈك تالىشىش، باشقىلارنى يېڭىلىۋېلىش بولماستىن ئۆزىمىز ۋە باشقىلارنى قايىل قىلايدىغان ئاتالغۇ ھەققىدىكى ياكى ماھارەت ھەققىدىكى، مۇلاھىيزە ھەققىدىكى يېڭى ئوي، پىكىر،يېڭى  ئۇچۇرلارنى  ئوتتۇرغا  قويۇش. قەلەمداشلارنىڭ سەۋىيىسى ۋە يېزىش قابىلىيىتى ئوخشاش  ئەمەس.
    مېنىڭچە  مۇشۇ  تېمىدا  زۈرۈردىن  ئەڭ  زۈرۈر بولغىنى  ھەر بىر  تورداش  نېمە ئۈچۈن مۇشۇ  مۇنبەرگە كىردىڭىز ؟ نېمىگە ئېرىشمەكچى ؟  ئاخىرىدا   ئەدىب  بولماقچىمۇ ؟  ياكى باشقىلار بىلەن كۆپ  زۇكۇنلىشىپ ،مۇنبەردىن قوغلاندى  بولماقچىمۇ ؟  شەرمەندىلىكنى شەرەپ بىلمەكچىمۇ ؟.....

     يوشۇرۇش ھاجەتسىزكى مەندە ۋە كۆپۈنچە قەلەمكەشتە : باشقىلارنىڭ مەندەك ،بىزدەك يېزىشىنى،پىكىر قىلىشىنى تەلەپ قىلىش،ئۆلچەم قىلىۋىلىش ناھايىتى كۈچلۈك بولۇپ كەپتۇ. شۇڭا تالاش-تارتىش ،جىدەلىلىشىش بېسىقماي كەپتۇ. بۇ  ئويلىىنىشقا  تېگىشلىك بىر نۇقتا.بىز ھەر خىل قاراشتىكى،ئۇسلۇبتىكى ئادەملەردىن ئەدەبىيات قوشۇننى ۋە ئەدەبىيات بارلىققا كېلىدىغانلىقىنى ئويلىغىنىمىز دا ئاندىن "تىنچلىقتا،ئىتتپاقلىقتا بىللە تۇرۇش" نىڭ مۇھىملىقىنى بىلىلەيمىز. يەنە بىرى : مۇنازىرە سەھنىسىدىكى مەن بىلەن تۇرمۇشتىكى مەننىڭ ئىككى ئادەمگە ۋەكىللىك قىلىدىغانلىقى مەسىلىسى. ئەڭ يېقىن ئىككى ئاغىنە ،كەسپداش شائىر مۇنازىرە سەھنىسىدە قاتتىق تاكاللاشتى. گەپ تۈگىگەندە قىزىرىشنى چۈرۈپ ،قەدەھ كۆتۈرگىلى بىللە ماڭدى...

  يازغۇچىلار مۇنبىرىگە كىرىش ، ماڭا  ئۆزۈم  ئويلىمىغان  يېڭى ئۇچۇرلارنى يەتكۈزدى. مەن نەزەرنىڭ كەڭرەك بولۇشنى،  ھەر خىل پىكىر، ئۇسلۇپنىڭ  بىرلىكتە تەڭ مەۋجۇت بولۇپ تۇرۇشى كېرەكلىكىنى،  يېزىش ۋە پىكىر قىلىش ئۇسۇلىنى ھەركۈنى يېڭىلاپ  تۇرۇشنىڭ ھەقىقەتەن زۆرۈرلىكىنى چوڭقۇر ھېس  قىلىپ  يەتتىم  .

ھەي ،  مۆھتىرەملەر  .......

تورداش دوستلارنىڭ يازغۇچىلار مۇنبىىرىگە كىرىش مەقسىدى توغرىلىق ئورتاقلىشىشنى ئويلىغان ئىدىم. دوستلار ھەر خىل ئۇسۇلدا ئويلىغانلىرىنى ئوتتۇرىغا قۇيۇپتۇ. ھېس قىلىپ ئويلىغانلىرىمنى مۇشۇ تېمىدا ئاساسەن ئوتتۇرىغا قويغان ئىدىم.  مەيلى يازغۇچىلار تورى بولسۇن ياكى باشقا ئۈنۋېرسال تور بەتلەر بولسۇن، تور دۇنياسىدا ھەر خىل مىجەزلىك، ھەر خىل نىيەت-غەرەزدىكى، ھەر خىل خىزمەت تۇنۇشى-پۇزىتىسىيەسى كىشىلەر بولغاچقا، ئۇلار ئۆزلىرىنىڭ  تەربىيەلىنىشى، خىزمەت مۇھىتى، سەۋىيە-ساپاسى، ئادەت-خۇيلىرى بويىچە  ئۆزلىرىگە ماس ھالدىكى ئىنكاس يازىدىغانلىقى  ئېنىق ئىدى. شۇڭا، كۆپ سانلىق تورداش دوستلار مۇۋاپىق پىكىرلىرىنى مۇۋاپىق ئۇسۇلدا ئوتتۇرىغا قۇيۇپتۇ.
ئەمما، بەزىلەر يېزىدىكى يۇۋاش، ساددا دېھقانلارنى نامۇۋاپىق ئۇسۇلدا ئەيىپلەپ باشقۇرۇپ ئۆگىنىپ قالغان ناچار مىجەزلىرىنى بازارغا سېلىپ، توغرا تەكلىپ-پىكىر بەرگەنلەرنىڭ ھەممىسىگە دۈشمەنلىك بىلەن مۇئامىلە قىلىدىغان ئەدەبىيات ئاشقۇنلىغىغا گىرىپتار بولغاندەك بىلىنىدىكەن.  "ئۆزىنى ماختىغان بىرىنچى ئەخمەق" دېگەندەك ئۆزىنى ئۆزى ماختاپ يۈرۈيدىغانلارمۇ باركەن...
تېمىنىڭ تەشەببۇسىنى تولۇقلاپ رەسىملىك ھالەتتە ئەقلى ھېكمەتلەرنى يوللىغان دوستلارنىڭ ياخشى نىيىتىگە تەشەككۇر!