ئۈمىدجان قادىرى: جان ئامان،جانان ئامان

ئۈمىدجان قادىرى · ۋاقتى: 2016-3-7 21:34:06


	جان ئامان،جانان ئامان ئۈمىدجان قادىرى تاشتا ئۈنگەيمەن ھامان تۈن كېچە،تىمتاس چىغىرغا تۇيغۇنى قىلسام بايان، ئەتتىلەر گۈلگۈن ھىلال ئاي چېھرىنى يارنىڭ ئايان. كۈيلىسەم مەرغۇللىرىمدا سۆيگۈنى ئىشقىم بىلەن، لەرزىگە كەلدى ئېقىنلار،بەرقىدە ئۆركەش-قىيان. ئىككىمىز بولغاندا زاھىر ئوي-خىيالىمدا شۇ تاپ، سىرغىبان يۇلتۇز بېشىمغا،ئاقتى كىرپىكلەر تامان. ياندۇرۇپ مەشئەل ئىشەنچتىن،قارىسام كەڭلىك ئارا، لالە-گۈلزارلىق كۆرۈندى تۇغۇلۇپ ئۆسكەن ماكان. بى ئەجىر قۇتنى كۈتۈش ئۇ ئەسلى ئەخمەقلىق ئىكەن، يەرگە رىشتە باغلىغاندا تارتمىقىم ۋاجىپ ساپان. سۆيۈنۈش تاپتى دىلىم شاد ئەھلى رىغبەتتىن بۇدەم، ئارمىنىم بىخلاپ،ئەجىردىن تاشتا ئۈنگەيمەن ھامان. ئەتىدىن ۋايىم يېمەككە يوق ئۈمىدجان رەۋىتى، ياشنىغاي ساھىل بويىدا جان ئامان،جانان ئامان. ئاشىقلىم مۆرىسىدە كۈن كۆتۈرگەن كەلدى بىر قىز«ۋاھ!»دېدىم. خۇش ھىدىدىن مۈشكى ئەمبەرلەر خىجالەت«پاھ!»دېدىم. ئاتتى كۆكسۈمگە ئۇدۇللاپ،كىرپىكىنى ئوق قىلىپ، قان چىقارماي ئەتتى نىمجان،مەنكى گۇمران،ئاھ دېدىم. ئىزغىرىندەك ئۆتتى،كەتتى،بەلكى سەزمەستىن مېنى، مىڭ يۈكۈندۈم ئىزلىرىغا سۆيگۈ سۇلتان-شاھ دېدىم. قاتتى جۈپ كۆز ئۇل تاماندا،نەدە جۈرئەت بارغىلى!؟ يوق ئۇنىڭدىن ئۆزگە ھېچبىر مەن ئۈچۈن جەرراھ دېدىم. مىسلى ياپراقتەك ۋۇجۇدنىڭ باردى ئاۋۇپ تىترىشى، كۇللى ئالەم بى كېرەك،شۇ بىرسىلا دىلخاھ دېدىم. گەپ بولۇندى خلمۇ-خىلچە مەلە-كويلاردا ماڭا، ھەممە سۆزلەرگە جاۋابىم ئويدا بار ھەمراھ دېدىم. زارلىنىپ ئۆتمەس ئۈمىدجان بۇ ھاياتنى چىن سۆيۈپ، چۈشلىرىمدە بولسا زاھىر جىلۋىلىك يار گاھ دېدىم. 2016.يىل 7.مارت پىيالما.

艾力 · ۋاقتى: 2016-3-8 10:23:32


	ياندۇرۇپ مەشئەل ئىشەنچتىن،قارىسام كەڭلىك ئارا، لالە-گۈلزارلىق كۆرۈندى تۇغۇلۇپ ئۆسكەن ماكان. بەكلا ياقتۇردۇم ،ھارمىغايلا ئۈمىدجان.

ئا.توختى · ۋاقتى: 2016-3-8 11:08:03


	غەزەللىرىڭىزنى ھاياجان ئىلكىدە ئوقۇپ چىقتىم!مۇبارەك بولسۇن.

كومپاس · ۋاقتى: 2016-3-8 15:22:03


	گەپ بولۇندى خلمۇ-خىلچە مەلە-كويلاردا ماڭا، ھەممە سۆزلەرگە جاۋابىم ئويدا بار ھەمراھ دېدىم.

كومپاس · ۋاقتى: 2016-3-8 15:22:07


	غەزەلخانلىقتىكى ماھارىتىڭىزگە ئاپىرىن!

فارخان · ۋاقتى: 2016-3-8 21:25:13


	ئىزدىنىشلىرىڭىزگە مۇۋاپپىقىيەتلەرنىڭ يار بولۇشىنى تىلەيمەن! ياخشى غەزەللىرىڭىز ئۈزۈلمەي داۋاملاشسۇن!!

ئەلتۈرك · ۋاقتى: 2016-3-9 09:29:01


	غەزەللىڭىز ياخشى چىقىۋاتىدۇ.داۋاملىق مۇشۇنداق يېزىپ تۇرغايسىز!

سەدەپ · ۋاقتى: 2016-3-9 11:59:13


	ھەر ئىككى غەزىلىڭىز ياخشى چىقىپتۇ ياختۇرۇپ ئوقۇدۇم.

سەزگۈر · ۋاقتى: 2016-3-9 15:18:07


	قەلىمىڭىز ھارمىسۇن.

ئۇپقۇن1 · ۋاقتى: 2016-3-9 15:42:38


	ئىجادىيىتىڭزدىكى يېڭىلىنىشتىن خۇش بولۇۋاتىمەن!

ئارف · ۋاقتى: 2016-3-9 18:36:43


	زارلىنىپ ئۆتمەس ئۈمىدجان بۇ ھاياتنى چىن سۆيۈپ، چۈشلىرىمدە بولسا زاھىر جىلۋىلىك يار گاھ دېدىم. بۇ مىسرا ياخشى يىزىلىپتۇ .....

ۋارىس1 · ۋاقتى: 2016-3-10 00:14:58


	ئۆمرىڭىزگە بەرىكەت، ئىجادىيىتىڭىزگە زەپەر تىلەيمەن داد.مەڭگۈ سالامەت بولۇڭ!!

ئۈمىدجان قادىرى · ۋاقتى: 2016-3-10 11:19:19


	مەدەتلىك ئىنكاسلىرىڭلار ئارقىلىق قوللىغىنىڭلارغا رەھمەت دىلكەشلىرىم.

بالقىشى · ۋاقتى: 2016-3-11 12:10:04


	زەپەر يار بولسۇن!