ئۈمىدجان قادىرى: رۇجەك چەككەن ئىلھاملار

ئۈمىدجان قادىرى · ۋاقتى: 2016-3-3 20:06:13


	رۇجەك چەككەن ئىلھاملار ئۈمىدجان قادىرى ئەسلەپ قاپتىمەن نەۋ باھار،باغلار ئارا كۈلكەڭنى ئەسلەپ قاپتىمەن، قوزغىتىپ قەلبىم يارا،تۈلكەڭنى ئەسلەپ قاپتىمەن. قاپلىشىپ قالدى نەپەس،يىغلامسىراپ دىل«ئاھ!»لىبان، ئايرىلىش ۋەجىگە سۆز تۈرتكەڭنى ئەسلەپ قاپتىمەن. كەچمىشىم ئىكرانىدا يازغان تالايلاپ خەتلىرىڭ، ئۆرۈلۈپ كەتتى دېگەن ئۆپكەڭنى ئەسلەپ قاپتىمەن. شۈنچىلىك يارقىن يەنە قەلبىمدە نۇرلۇق سۈرىتىڭ، جىلۋىسى كۆز چاقنىتار سۆكەڭنى ئەسلەپ قاپتىمەن. زاھىرى سەزدى قۇلاق بۇلبۇل ئۈنۈڭنى قايتىدىن، گاھى سۆزلەرگە قوشار سىركەڭنى ئەسلەپ قاپتىمەن. ئەسلىشىم ئەتتىم داۋام جىملەپ بالامنى پەپىلەپ، بەرگىنىڭ يىپقا تىزىپ ئۈچكەڭنى ئەسلەپ قاپتىمەن. كۆنمىكىڭ كەلگەن ئېغىر ئۈشبۇ ئۈمىدجان يۇرتىغا، سەن تۇرار ئاۋات شەھەر ئۆلكەڭنى ئەسلەپ قاپتىمەن. ئۆمۈر گۈللەيلى جۈپلۈكتە ساناقسىز ئىزلىرىم يولدا،نىگارىم پاتتا بارغايمەن، ئېزىقماي ئۆتسە ئالۋۇندىن ئامانىم ئاتتا بارغايمەن. زىلالدۇر ئۇخچىغان ھېسلار،خىيالىم ئالىمى گۈلگۈن، قېتىپ ناخشامغا ۋەسلىڭنى ناۋالىق شادتا بارغايمەن. مۇساپە مەنزىلىم مۈشكۈل،ئىشەنچىم مەشئىلى ئۆچمەس، سۈكۈتكە بەرمەيىن ئىمكان،بۈيۈك مۇرادتا بارغايمەن. مۇھەببەت قۇدرىتى ئەۋجى ئۇلاپ يوللارنى مەلەڭگە، ھېرىققان دەمگە نە پۇرسەت ئارام راباتتا،بارغايمەن. قۇچۇپ سەھرانى سەيلانە باھار ئەييامى نورۇزدا، ئۆمۈر گۈللەشكە جۈپلۈكتە،ئېتىپ غەم ماتتا بارغايمەن. سابا ئۇچقۇر ئېلىپ كەتكەن تىنىقلار يەتتى ھۇجراڭغا، دېرەكنى شۈنچە پىنھان تۇت،ۋاپا يوق ياتتا؛بارغايمەن. كۆڭۈل رەللەڭنى چۆرۈپلا،قەدىم دوقمۇشقا ئۈن كەچتە، ئۈمىدجان بەختى بەرھەمگە ھامان نىجادتا بارغايمەن. 2016.يىل 3.مارت پىيالما.

ئەلتۈرك · ۋاقتى: 2016-3-4 00:22:38


	قۇچۇپ سەھرانى سەيلانە باھار ئەييامى نورۇزدا، ئۆمۈر گۈللەشكە جۈپلۈكتە،ئېتىپ غەم ماتتا بارغايمەن. سابا ئۇچقۇر ئېلىپ كەتكەن تىنىقلار يەتتى ھۇجراڭغا، دېرەكنى شۈنچە پىنھان تۇت،ۋاپا يوق ياتتا؛بارغايمەن. قۇت بولسۇن!

艾力 · ۋاقتى: 2016-3-4 11:05:00


	مۇبارەك بولسۇن ئۈمىدجان.

پەرىدە توختاخۇن · ۋاقتى: 2016-3-4 16:38:01


	ئېسىل غەزەللىرىڭىزدىن ھوزۇرلاندىم ،ئىلھاملىرىڭىز تېخىمۇ بەركەتلىك بولغاي

قۇربانجان · ۋاقتى: 2016-3-4 18:54:04


	قاپىيە ئ‍ېھتىياجى بىلەن بەزى سۆزلەر جايىغا چۈشمەپتۇ ،مەسىلەن تىزىقنى ئ‍ۈچكىدە ئ‍ەمەس مېغىزدا قىلىدۇ،يەنە تۈرتكەڭ دىگەن قانداق سۆز....

ئۇپقۇن1 · ۋاقتى: 2016-3-4 19:04:59


	مۇبارەك بولسۇن ئۈمىدجان ئاكا لىرىكىلىرىڭىزدىن ھۇزۇرلاندىم.

كومپاس · ۋاقتى: 2016-3-4 21:19:23


	يېقىشلىق غەزەللىرىڭىز ئۈزۈلمىسۇن.سىزگە ئامەت يار بولسۇن!!

كومپاس · ۋاقتى: 2016-3-4 21:19:28


	يېقىشلىق غەزەللىرىڭىز ئۈزۈلمىسۇن.سىزگە ئامەت يار بولسۇن!!

ئا.توختى · ۋاقتى: 2016-3-5 10:32:39


	ياخشى غەزەللىرىڭىزدىن داۋاملىق بەھىرلەندۈرۈپ تۇرۇشىڭىزغا ئىشەنچىم كامىل.

ئا.توختى · ۋاقتى: 2016-3-5 10:33:02


	تەكرار كەتتى!

بالقىشى · ۋاقتى: 2016-3-5 12:47:03


	يېڭى غەزەللەرگە قۇت بولسۇن !

ئەزھەر36 · ۋاقتى: 2016-3-5 12:58:42


	ئىلھاملىرىڭىز تېخىمۇ بەركەتلىك بولغاي !

فارخان · ۋاقتى: 2016-3-5 15:21:23


	ياقتۇرۇپ،تەكرار-تەكرار ئوقۇپ چىقتىم.رەھمەت!!

تامچە315 · ۋاقتى: 2016-3-6 01:31:53


	غەزەللىرىڭىزدىن ھۇزۇرلاندىم ، ئىلھاملىرىڭىز زىيادە بولغاي

ئۈمىدجان قادىرى · ۋاقتى: 2016-3-7 22:22:03


	يېتەكلەش پىكىرلىرىنى ۋە مەدەتلىك ئىنكاسلىرىنى مەندىن ئايىمىغان ئەزىز مۆھتىرەملەرگە ئېھتىراملار بولسۇن!!