كۆكيار: ئىككى شېئىر

بۇ يازمىنى ئاخىرىدا   bagyar تەھرىرلىگەن. ۋاقتى  2016-2-28 03:22 PM  



ئىككى شېئىر

ئەنقەر ئەيساجان كۆكيار

كارتون دۇنيا ـــــــ لاي قەلئە
يەتتە پاپا ياسىدىم،
سېغىز لايدا بىر ھازا.
ياسىدىم ھەم چىرايلىق،
قار مەلىكە پاھ قارا
ياسىدىم شىر پادىشاھ،
ياسىدىم بىر چوڭ قەلـئە .
كۆز ئالدىمدا بىر دۇنيا،
پەيدا بولدى يېڭىچە.
بۇ ئوڭۇممۇ،چۈشۈممۇ ،
پاھ ،نېمدىگەن گۈزەل ـــ ھە؟
مۇشۇ پېتى تۇرارمۇ ؟
ئەتە قوپسام سەھەردە ؟
لاي بوپ كەتتى قوللىرىم،
قەلئە ياساپ بولغىچە،
دادام قاقشاپ كېتەرمۇ؟
ھېلى ئۆيگە كىرگەندە .
...
كارتون دۇنيا ـــــــ لاي قەلئە ،
چىقماس ئەستىن مەڭگۈگە ...
•••
قونچىقىم
قونچىقىم بار بەكمۇ جىق،
بىر ـ بىرىدىن چىرايلىق.
بارچىسىغا قوماندان،
قوڭۇر رەڭلىك شوخ ئېيىق.
ئوماق،كەپسىز،مۇلايىم،
توشقان،مۈشۈك،ياغاچ ئات.
بىللە ئويناپ ھارمايمەن،
ئۆتەر كۈنۈم بەكمۇ شاد.
يان ـ يېنىمدا ھەر كۈنى،
قىلار بەزمە يېغىلىپ،
بولار ھەمرا تۈن بويى،
قۇچىقىمدا تەڭ يېتىپ.
...
قونچىقىم بار بەكمۇ جىق،
بىر ـ بىرىدىن چىرايلىق ...
مەنبە : ‹‹ياشلار ژۇرنىلى نەشىرىياتى›› «تارىم غۇنچىلىرى ژۇرنىلى » 2013 ـ يىل 6 ـ ئاي سانى «سابىرى » بالىلار ئەدەبىياتى مۇكاپات ئەسرى

بەك ياخشى چىقىپتۇ، داۋاملىق يوللاپ تۇرۇڭ!

  ئەنقەر ئەيساجان كۆكيارنىڭ بالىلارغا ئاتالغان ئىككى شېئىرى ناھايىتىمۇ ياخشى چىقىپتۇ، بالىلارنى ئەمەس، چوڭلارنىمۇ  مەپتۇن  قىلىدىكەن .

رەھمەت  ھەدە ياقتۇرغىنىڭىزغا .خۇش بولدۇم تېخىمۇ تاتلىق ئىجادىيەتلەرنى سىلەرگە سۇنۇشقا تىرىشىمەن ۋە ئىزدىنىمەن .

رەھمەت  ھەدە ياقتۇرغىنىڭىزغا .خۇش بولدۇم تېخىمۇ تاتلىق ئىجادىيەتلەرنى سىلەرگە سۇنۇشقا تىرىشىمەن ۋە ئىزدىنىمەن .