گۈلنىسا ئىمامنىياز: يامغۇر بولۇپ كەلسەڭچۇ جېنىم.

بۇ يازمىنى ئاخىرىدا   Erchin تەھرىرلىگەن. ۋاقتى  2016-2-27 03:18 PM  

يامغۇر بولۇپ كەلسەڭچۇ جېنىم

گۈلنىسا ئىمامنىياز

ئولتۇرىمەن تەنھا مۇڭلىنىپ،
بويۇن قىسقان دەرەخ تۈۋىدە.
ھىجرانىڭدا كەتتىم مۈكچىيىپ،
كاككۇك مۇڭلۇق كۈيىن تۆككەندە.

يامغۇر بولۇپ كەلسەڭچۇ جېنىم،
ئېتىزلىقلار كەتتى قاغجىراپ.
مەجنۇنلۇقتا چۇۋۇلدى چېچىم،
شامال كەبى قوياتتىڭ تاراپ.

كۆز گۆھىرىم تۈگىدى ئېقىپ،
تىكىلگەنچە ئۇپۇقلىرىڭغا.
مەجنۇنتالىم كەتتى مۈكچىيىپ،
لىۋى يەتمەي بۇلاقلىرىڭغا.

تۈنەپ قالدىڭ قايسى باغلاردا،
تاڭ ساباسى ئەپكەلدى ھىدىڭ.
سېپىلمەكتە شەبنەم يولۇڭغا،
ياش يۇقىدا نەملىنەر ئىزىڭ.

يامغۇر بولۇپ كەلسە، ئۇ پەقەت يامغۇرلا بولالايدۇ، خالاس. لېكىن سىزنىڭ سېغىنغىنىڭىز يامغۇر ئەمەس بەلكى ئۇ. شۇڭا كەلسە يامغۇر بولۇپ ئەمەس ئۆزى بولۇپ كەلسۇن، شۇ چاغدىلا ئۇ سىز ئۈچۈن ھەممە بولالايدۇ.

بارغانچە ئېسىل يازىدىغان بولۇپ كىتىۋاتىسىز-جۇمۇ ھەدە كۆز تەگمىسۇن!

ياخشىكەن

    شېئىرىڭىز ئۇبدان چىقىپتۇ.تىلمۇ خىلى تاۋلىنىپتۇ.ئىلگىرلەش ياخشى.يەنىمۇ تېرىشىڭ.ئۇتۇق تېلەيمەن.
    يەنە بىر گەپ،‹‹ئۇنىڭ يۈرىكىدە بىر ئوت بار››ناملىق ئوچېرىكىمنى كۆرۈپ باققان  بولسىڭىز.يەنە قانداق تەكلىپ-پىكىرلىرىڭىز بار بىلگەن بولسام.ھازىرچە تورداشلارنىڭ پىكىرى ياخشى بولىۋاتىدۇ.مالال قىلىدىغان بولدۇم.

گۈلنىسا خانىم بۇ لىرىكىڭىز شۇنداق تېتىملىق لىرىكا بوپتۇ. مېنىڭ «يامغۇر بولۇپ ياغمىدىڭ بىر رەت ›› دىگەن مىسرالىرىمنى ئەسلىتىپ قويدى.

يامغۇر بولۇپ كەلسەڭچۇ جېنىم،
ئېتىزلىقلار كەتتى قاغجىراپ.
مەجنۇنلۇقتا چۇۋۇلدى چېچىم،
شامال كەبى قوياتتىڭ تاراپ.

شۇنچە يەڭگىل ، شۇنچە تاتلىق چىقىپتۇ ، ھوزۇرلاندىم .

يۈرۈكىڭىزدىكى ئوتنىڭ تېخىمۇ يېلىنجىشىغا تىلەكداشمەن.  تىرىشچانلىقىڭىزغا ئاپىرىن.

ئەسسالامۇ ئەلەيكۇم،ئاددى يازمامغا قىممەتلىك تەكلىپ پىكىرلەرنى بېرىپ مىنى قوللىغان،

رىغبەتلەندۈرگەن ئەزىزلىرىمگە كۆپ تەشەكلكۈر...

مۈمكۈنسىزلىك دۇنياسىغا غايىپ بولغان بالىلىقتىكى چۈشنى  تاتلىق ئەسلەپسىز .

ئىنسان ئازاپقا تولغاندا تۇرۇپلا غۇبارسىز بالىلىق ئەسلىمىسىگە قايتىدۇ مۇشۇنداق .غايىبلىق دۇنياسىدىن مۈمكۈنسىز ۋىسال ئىزدەش شائېر- شائېرەلەگىلا خاس شىئېرى تۇيغۇ ...بەلكىم

توغرا دەيسىز ،كۆپ تەشەككۇر.