پولات ۋىلاخۇن ئىلى: بارمىقىنى شۈمىۋاتقان بالا

بۇ يازمىنى ئاخىرىدا   Erchin تەھرىرلىگەن. ۋاقتى  2016-2-26 05:17 PM  

بارمىقىنى شۈمىۋاتقان بالا
    پولات ۋىلاخۇن ئىلى


بارمىقىنى شۈمەۋاتقان بالا،
ئۇنتۇلغان بار دۇنيا.
ئۇ ياشايتتى شۇنداق شېرىن
شۇنداق لەززەت قوينىدا.

بارمىقىنى شۈمەۋاتقان بالا،
سېڭىپ كەتكەن ئۇ بارمىقىغا.
بارمىقىنى قويۇپ بەرگۈسى يوق زادى،
بالا ياشايتتى ئۆز دۇنياسىدا.

بارمىقىنى شۈمەۋاتقان بالا،
تۇپراقنى يېرىپ چىققان مايسىدۇر گويا.
چېھرىسىدە ئاينىڭ كۈلكىسى،
ئۇنىڭغا ھەرۋاقىت تەبىئەت ھەمراھ.

بارمىقىنى شۈمەۋاتقان بالا،
بارمىقىنى كۆرسىتەر ئاداشلىرىغا.
سۈزۈلگەن بارماق گويا ئانا ئەمچىكى،
چوڭقۇرمېھىر بار قاراشلىرىدا...

بارمىقىنى شۈمەۋاتقان بالا،
ئۇ ياشايتتى ئۆز دۇنياسىدا...

       2014-يىلى 13-ماي يېزىلغان

پولاتكا،موشۇنداق بالىلار شېئىرلىرىنىمۇ يېزىپ تۇرغىن،بۇ شېئىرىڭ ياخشى چىقىپتۇ مانا!...

ئۇنتىغان بار دۇنيا-دىگەن مىسرانى-ئۇ ھەممىنى ئۇنتىغان مانا-دەپ ئالساڭ ياخشى بولامدىكىن دەپ قالدىم...

مەسلىھەت بەرگىنىڭگە رەھمەت.سەن دېگەن پىكىرنى ئويلىشىپ كۆرسەم بولغىدەك،رەھمەت.

سۈزۈلگەن بارماق گويا ئانا ئەمچىكى، -- سۈزۈلگەنمۇ ،سوزۇلغانمۇ؟ مەيلى قانداقلا بولسۇن "ئانا ئەمچىكى" نىڭ ئورنىغا "ئانىنىڭ كۆكسى" دەپ ئېلىنسا چىرايلىقراق تۇرامىكىن دىدىمغۇ. شەخسى پىكىر جۇمۇ بۇ.

   پىكىر بەرگىنىڭگە رەھمەت ئۇكام.‹‹سۈزۈلگەن››دەپ ئوقارسەن.بالىنىڭ شۇ چاغدىكى ھىسياتىغا شۇنداق ئالسام مۇۋاپىقمىكىن دەپ قارىدىم.سېنىڭمۇ پىكىرىڭنى ئويلىشىپ ككرىمەن.يەنىمۇ پىكىرلىشىپ تۇرايلى.ساڭا ئامانلىق تىلەيمەن.

ئەتىگەن سۈتكە كېتىۋېتىپ بارمىقىنى شۈمەپ كېتىۋاتقان بىر ئوماق بالىنى كۆرۈپ

مەسلىكىم كەلگەن ئىدى، كومنى ئېچىپلا بۇ شېئىرىڭىزنى ئوقۇپ ھوزۇرلانغاچ ئەتىگەنكى ئوماق

بالا كۆز ئالدىمدا قايتا نامايەن بولدى ،شۇنچىلىك تەبى ياخشى چىقىپتۇ ،قەلىمىڭىزگە

قۇۋۋەت تىلەيمەن...