ئەدىھەم ئىبراھىم: دىيالۇگ

بۇ يازمىنى ئاخىرىدا   Erchin تەھرىرلىگەن. ۋاقتى  2016-2-25 07:22 PM  

دىيالۇگ
(بىر ئاتا بىلەن بالىنىڭ دىيالۇگى)

ئەدىھەم ئىبراھىم

-قارا ئوغلۇم؟
-يەنە يازدىڭما؟
-ئاڭلاپ باقامسەن؟
-قويغىنا دادا !
-قۇياش كۈلدى ساھىپجامالدەك
-يالغان!
-بۇلاقلارنىڭ كۆزلىرى ئايدەك
-يالغان!
-ياپراقلاردا شەبنەم جۇلاللىق
-يالغان!
-باھار ھۆسنى گويا ئاناردەك
-يالغان!
-چۈشەنمەيسەن شېئىرنى بالام
-نىمە قىلاي چۈشۈنۈپ دادا !
-چۈشەنگەندە بىلىپ قالاتتىڭ
-چۈشەنسەممۇ بەرىبىر ماڭا !
-ھەي ھارمى يەنە بىر دەرە؟
-نىمە دىگەن تېتىقسىز سەن-ھە!....

بۇ يازمىنى ئاخىرىدا   باشتۇغ تەھرىرلىگەن. ۋاقتى  2016-2-26 10:30 AM  

ھەي ھارمى يەنە بىر دەرە ؟

ئۆز بالىسىنى ‹‹ ھارىمى ›› دەپ ئاتايدىغان قانداق دادا ئۇ ؟

«ئەبلەخ» دەپ تىللىسا بولارمۇ يا باشتۇغ؟«پوق قوڭ» دەپ تىللىسىغۇ تازا ماس كېلەتتى. لېكىنزە  
يېڭى يومۇر ئوقۇغاندەك تۇيغۇغا كېلىپ قالدىم ئەدھەم ئاكامنىڭ بۇ «دىيالوگ»ىنى كۆرۈپ.

ئەدىھەم، ماۋۇ مىسرادىكى:« -ھەي ھارمى يەنە بىر دەرە؟»دىكى « دەرە» دېگەن سۆز بىزنىڭ ئۇيغۇر تىلى لۇغىتىمىزدە بارمۇ؟ مەن ئۇچراتماپتىكەنمەن. سىزمۇ ئىملاغا سەل ئەھمىيەت بېرىپ قويۇڭ. قەلەم پىشقانچە دىققەت قىلىدىغان ئىشلارنىڭ بىرى مۇشۇ...سىزگە ئامەت يار بولسۇن، دوستۇم...

    ئىنىم ئەدىھەم،بۇ بالىلار شېئىرىڭنى كۆرۈپ چىقتىم ھەم سۆيۈندىم.
بۇ ھەم ئۆزگىچە ئۇسلۇپتىكى شېئىر بولۇپتۇ.ساا ئۇتۇق تىلەيمەن.
   

"دوست ئاغرىتىپ ئېيتار"
                                 ——خەلق ماقالى

دوستۇم، بۇ بالىلار شېئىرىنى دەرىجىدىن تاشقىرى ناچار يېزىپسىز، ھېچبولمىسا بۇنداق دەرىجىدىن تاشقىرى خام، ھەتتا ئەسەر دېگەن مۇشۇ سۆزگە ھەرگىز يۈز كېلەلمەيدىغان بۇ شېئىرنى مۇنبەرگە يوللىماسلىقىڭىز كېرەك ئىدى.

   مەنمۇ بىر نەرسىنى دېمىسەم بولمايدىغاندەكلا ھىس قىلدىم.بولۇپمۇ شېئىردىكى تورداشلار دېگەن نوقساندىن باشقا‹‹تېتىقسىزسەن››دېگەن سۆزنىڭ مەنىسى.بالىلارنىڭ چوڭلارغا بۇنداق گەپ قىلىشى ئاز ساندا ئۇچراپ تۇرسىمۇ،ئەمما شېئىردىكى ھالەتتە ئۇ گەپ جايىغا كەلمىدىمۇ قانداق؟ ئويلىنىپ باقارسەن.

بالىلار شىېئرىنى يېزىۋاتقاندىكى ھېسيات ياخشى،ئىچكى مۇددىئا،دىئالۇگنىڭ چوڭقۇرلىقىنى بىر ياخشى بايان قىلىپ كېلىۋاتقاندا،بىر نەچچە ھاقارەتلىك سۆزلەر ئاڭلىنىپلا ئەينەنلىككە تەسىر يەتكەن.

ماڭا بەك قىزىقارلىق تۇيۇلدى بۇ شېئىرىڭىز...

مەن بۇ شېئىرىمدا ئاتا بىلەن بالىنىڭ دىيالۇگى ئارقىلىق بەزى كىشىلەرنىڭ شېئىردىن بىزار بولۇش ھېسىياتىنى ئىپادىلىدىم،پاق-پاق شېئىرلاپ كۆپىيىپ كېتىۋاتقان بۈگۈنكى كۈندە جەمىئىيىتىمىزدە موشۇنداق نارازىلىقلار ئەلۋەتتە بار.ئاتا بىلەن بالا سېمۇۋۇللۇق تىپ بولۇپ،ئاتا شۇئارۋاز،مەدىيىۋاز،تەقلىدچى ...شائىرلارغا ۋەكىللىك قىلىدۇ،بالا بولسا ناچار شېئىرلاردىن سەسكىنىپ كەتكەن خەق ئاممىسىغا ۋەكىللىك قىلىدۇ.شۇڭا بۇ شېئىرنى شۇنداق يازدىم....
ئەمدى ئاتا بىلەن بالا ئوتتۇرىسىدا بولۇنغان ئاخىرقى قوپال سۆزلەر ئىلىدىكى تارانچى يېزىلىرى ۋە تۇرپان يېزىلىرىدا دائىم ئۇچىراپ تۇرىدۇ،شۇڭا بۇنىڭدىن ھەيران قالمىساقمۇ بولىدۇ...چۈنكى بۇ تۇرمۇشتا بار گەپ!...
بىراق يازغۇچى ئەنۋەر جۇلانىڭ شېئىرى دىتىدىن ھەيران قالدىم،ئۇ قۇساق كۆپىكىدە قىزىققانلىق قىلىپ يوقارقى ئىنكاسنى يېزىپ قويغان ئوخشايدۇ،ھېچقىسى يوق دوستۇم،سىز دىگەندەك بۇ چوڭقۇر مەنىلىك بىر ‹ناچار ›شېئىر!...

پەيزى چىقىپتۇ بەك ياقتۇردۇم ئاكا، قەلەمگە نۇسرەت،قۇۋۋەت،تەنلەرگە سالامەت تىلەيمەن تەڭ تىرىشايلى كۆپ تەلىم بەرگەيسىز.

بۇ قانداقسىگە بالىلار شىېرى بولسۇن. شىېرنىڭ شەكلى ئىخچام، ئىشلىتىلگەن سۆزلەر ئاددى بولسىمۇ ،دىمەكچى بولغان مەزمۇنى چوڭقۇرلۇقتا ئۆزۈنى نامايەن قىلغان. ھەممىمىز دىىيىشكە ئىنتىلىۋاتقان، ئاز بىرقىسىم ئىلغارلىرىمىز تەكىتلەپ چارچاپ كىتىۋاتقان بىزدىكى قاتماللىقنى شىېر شەكلىدە يۇرۇتۇپ ،مۇنبەرگە سۇنغان قەلەم ئىگىسىگە رەخمەتلەر بولسۇن...