شەۋكەت ئىبراھىم: بىر سۆزنىڭ كېچىسى

شەۋكەت ئىبراھىم · ۋاقتى: 2016-2-24 11:42:47


	بىر سۆزنىڭ كېچىسى ئۇيقۇ مېنى ئۇخلايمەن دەيدۇ ، مەن ئۇيغۇنى بەرسەم سۆزلەرگە . مېنى كېچە قىلدى خىيالچان ، بىرلا سۆزنى ئىچىمدە يادلاپ بۇ خىيالنى پۇركەيمەن زەرگە . بۇ خىيالدىن چىچىلغان جۇلا ، بىرلا سۆزنىڭ كېچىسى ئۈچۈن . بۇ كېچىدە چۈشلەر بەك تولا چۈشلەر كۆرەر ئۆزىنى ئەركىن ، ھەر بىرىدە بىر دېڭىز تۈگۈن . بۇ دېڭىزنىڭ سۆزى سۇ ئەمەس ، ياكى سۇدىن يىراقراق ئەمەس . سۇنىڭ كۆزى دېرىزە بولۇپ رېئاللىقنى تاشلاپ ئالدىڭغا ، بۇ تۇرمۇشقا باشلار سېنى بەس ! شۇ دېڭىزنىڭ قاينىمى پىنھان ، چوڭقۇرىدا باردۇر ئاشۇ سۆز . بىر ئاڭلاشقا قاچان يېتەرمىز ؟ كۇتۇش ئوتى قىلماقتا تۆت كۆز . بۇ يول تېخى ئۇزۇن بىر خىيال مېنى ئۇنچە قىلما تەقەززا . بىرلا سۆزنىڭ كېچىسى بىلەن ، ئاقىرىدۇ چىچىم كېچىدەك ئاقارغاندەك تاڭلارمۇ گويا ... ... ... بىرلا سۆزنىڭ كېچىسى قات –قات ، تىرەنلىكى ئارمانغا قانات . 2014 – يىلى 19 – ئىيۇن

شەۋكەت ئىبراھىم · ۋاقتى: 2016-2-24 12:10:02


	شۇنداق يەر ئۇ ... تامچىلاپ خىيال چوغلانغاندا مېنىڭ دەردىمنى كۆيدۇرەرلەسەنمۇ ؟ قۇمۇشلۇققا مۆككەن ۋاقىتنىڭ چۈشىدەك مېنى بىر ئەسلەپ ، كەينىمدىن قارارسەنمۇ ؟ ‹‹ ۋاي ... تاڭ ›› دېگەن سۆزنى ئاڭلىغىم يوق ، ئاڭلىسۇن مېنى ئاسمىنىڭ پەرۋازى بىلەن . ئاڭلاتسۇن يۈرىكىڭ دەرياغا سۇلارنىڭ سازى بىلەن ... كۆكلەپ چىقار سۇنىڭ ئۈنى ، خۇددى قۇمۇشلار كۆكلىگەندەك . بۇ ھاياجاننى سەن ماڭا ، مەن ساڭا يەتكۇزەيلى قومۇشلۇقتىكى چېغىر يولدەك گويا بىر ئۇمىدنى ئىككى قوللاپ سۇنغاندەك ! ... بۇ خىيالدىكى قۇمۇشلۇق ئەمەس ، مەھەللىمىزنىڭ ئايىغىدىكى كېگىزچىلىق قالغان نوزۇگۇمغا قوشاق ئۆگەتكەن بارچە كەچمىشنى كۆرگەن بىر ئۇزۇن تارىخنى ، قومۇشنى قەلەم قىلىپ مانا بىزگە يېزىپ قالدۇرغان ... شۇنداق يەر ئۇ مېھرى ئوتلۇق ، قۇياشنىمۇ خىيال بىلەن مۇڭلارغا سالغان . 2016 – يىلى 27 – يانۋار

ئەزىز ھېيت كۈن · ۋاقتى: 2016-2-24 12:12:48


	بىرلا سۆزنىڭ كېچىسى بىلەن ، ئاقىرىدۇ چېچىم كېچىدەك ئاقارغاندەك تاڭلارمۇ گويا ... شېئىرىي تىلنىڭ شېئىرىي تىل بولالىشى ئۈزلۈكسىز يېڭىلانغانلىقى -ئىجات قىلىنغانلىقىدا. شەۋكەت ئىبراھىم -ئەتىدىن كەچكىچە مۇنبەرگە ياكى كىتاب ئىچىگە ئۆزىنى سولىۋالدىغانلار غا ئوخشىمايدۇ.... ئۇ ئۆزلۈكسىز ئۆزىنى يېڭىلىۋاتقان ،تىلىنى يېڭىلىۋاتقان شائىر.تىلىنى يېڭى لاشتىن توختىغان كۈنى جەزمەن شېئىر ھەققىدىكى يۇلقۇنىشىنىمۇ توختىتىدۇ...

polat · ۋاقتى: 2016-2-24 12:39:49


	دوستۇم شاۋكەت،ياخشى تۇرىۋاتامسەن؟شېئىرىڭنى ئوقۇپ چىقتىم.ھەرقېتىملىق شېئىرىڭ ئۆگنچە شرئىرىي تىل بىلەن جۇلالىنىپ تۇرىدۇ.سۆز ئىچىدە قات-قات مەنا... مەن بۇندىن كېيىنكى ئىجادىيىتىڭگە يەنىمۇ ئۇتۇق تىلەيمەن.ئائىلەڭ بەختلىك بولسۇن.

داڭگال · ۋاقتى: 2016-2-24 13:25:23


	شەۋكەتكامنىڭ چىرايلىق ئۈنىنى ئاڭلىمىغىنى ئۇزۇن بوپتىكەن مانا بۈگۈن "ئاختىۋەك" كە ماڭغاچ ئىشىك ئالدىمىزغا كېلىپ توۋلاپ قويدى.

ق.ئوسمان غازى · ۋاقتى: 2016-2-24 14:42:08

شەۋكەت ئىبراھىم · ۋاقتى: 2016-2-24 15:56:39


	بۇ شېئىرلىرىمنى ئوقۇغان ، ماڭا ئىلھام بەرگەن قەلەمداش ، تورداشلارغا رەھمەت ! داڭگال ئۇكام ، 80 - يىللاردا ‹‹ ئاقتۆۋەك ›› كە قۇمۇشلۇققا چىقىپ ، توشقانمۇ قوغلىغان ئىدىۇق ، ئۇ چاغلاردا ئۇ يەردىكى قۇمۇشلۇق بىپايان ئىدى ، خۇددى نوزۇكتەك باغرىغا كېرىۋالغۇڭ كېلەتتى ، ھازىرچۇ ، ئۇنچىلىك ئەمەس ، بىزنىڭ كۈرەنىڭ ئايىغىدىكى قۇمۇشلۇقلار قويالغىنى نىكەم ... ھەي ... دەپ قالىمەن بەزىدە . شۇ خاتىرلىرىنى ۋاراقلاپ شېئىرغا كىرگۇم كېلىدۇ ، ئۆزۇمگە سۆزلەپ . كەڭ تەبىئەتنىڭ ئۆزى شېئىر ، مەن ئۇنى ئوقۇيمەن ، ئۇ مېنى ئوقۇيدۇ ... شۇنىڭ بىلەن مۇشۇنداق يېزىلىپ قالىدۇ ... بارچە قوللاشلار ، ئىلھاملار بىرگە بولسۇن ... ئامان بولۇڭلار شېئىرغا بىىللە كېرەيىلى ...

قەلبىنۇر ئېلياس · ۋاقتى: 2016-2-25 09:55:27


	بۇ دېڭىزنىڭ سۆزى سۇ ئەمەس ، ياكى سۇدىن يىراقراق ئەمەس . سۇنىڭ كۆزى دېرىزە بولۇپ رېئاللىقنى تاشلاپ ئالدىڭغا ، بۇ تۇرمۇشقا باشلار سېنى بەس ! بۇ سۆزلەر بەرھەق ! ئارمان رىياللىق سىرىتمىغىدا ئۆزىنى تاۋلايدۇ يا تۈگەيدۇ .تۇرمۇش سېھىرلەنگەن . ئەمما يالغانچىلىق بىلەن خۇشى يوق . ئۇ ئىنسان ئۈچۈن تالاي چېكىت، پەش ، سۇئال، ئۈندەش بەلگىلىرىنى تاشلايدۇ .

azatjan · ۋاقتى: 2016-3-4 19:09:33


	شاۋكەت ئىبراھىم ھارماس شائىر.لېكىن باشقىلارنىڭ ماىتىشىدىن پەخىرلىنىشنى بىلگەندەك باشقىلارغىمۇ ئىلھام بېرىشنىمۇ بىلسىكەن دەيمەن!

شەۋكەت ئىبراھىم · ۋاقتى: 2016-3-4 22:01:27


	قايتىشىم شۇ بولسا كېرەك شامال ئېلىپ كەتتى پىراق ھىدىنى شىۋىرلىغانچە قەلبىڭگە . مەن يەڭگىللەپ قالدىم ، ئېچىلىپ ئىشق لەھزىدە يىنىك تېنىپ ، بىر كۈي بەرگىدە ... ئىچىدە يەڭگىللەش ئەڭ شېرىن بەخت سەن يېنىمدا تۇرغاندەك . مىسكىن كۈنلەر تالادا يۈرەر ، سەرسانلىقىنى بايان قىلىپ كۈزدىكى ياپراقتەك . لەيلەپ چۇشكەن ياپراققا قوندى بىر مىسرا ، كۈزنى ئەكەتمەك بولۇپ . ئىزاھلىدى شادلىقىنى زەر جىلۋىسىگە پەۋەس تولۇپ . بۇ بىر قايتىش ھەم بىر مۇساپە ، يولنى – يولغا چېتىۋاتقان . كۈزنىڭ بەددى سۈرىتى قىزىقتۇرار قىزغىن ھېسلارنى ... بىردەمدىن كېيىن كۆرىمىز بىر قۇياشنى ھامان ، ئۆزىگە ئېرىغانچە پېتىۋاتقان . ... ... ... قايتىشىم – شۇ بولسا كېرەك ، مەن روھىڭغا باشلانغان . ئۇندىكى ئىخلاسىم ، ئىشقىڭغا - دەريا بولۇپ تۇتاشقان . 2016 – يىلى 2 – مارت