پەرىدە ئىسمايىل مېھرى: ئەي سابا

بۇ يازمىنى ئاخىرىدا   ARKZAT تەھرىرلىگەن. ۋاقتى  2016-2-24 10:57 AM  

                      ئەي سابا

          پەرىدە ئىسمايىل مېھرى

ئەي سابا، ئېپكەل ئىشىق ، ئاشىق قەدىرداندىن خەۋەر،
قەھرى ئەر، ئەلنى سۆيەر ، مەردانە-مەرداندىن  خەۋەر.

كى قەسەم   باغرىمدىكى  گۈلزارلىقىمنىڭ تەختىدە،
سۆيگۈسى يەكتا جېنىم ،ئۆمرۈمگە  سۇلتاندىن خەۋەر.

بۇ ھايات جەڭگاھىنىڭ مىڭ بىر مۇشەققەت جامىدا،
كەۋسەرى جانىمغا جان ،    دەردىمگە   دەرماندىن خەۋەر.

توپ-تولۇق نۇردىن يورۇق چاچقاندۇ شولا    كۆزلىرى ،
قوينىغا سالغان ئۇنى  بەرگاھى   قورغاندىن خەۋەر.

شائىرىمنىڭ لەۋلەرى  دەۋرەيدۇ ۋولقان  لەھزىدە،
ئەي سابا،  ئېپكەل كۆڭۈل  سەردارى  پەرماندىن خەۋەر.


              2016-يىلى 24-فېۋرال، ئاتۇش

تىلى يېقىشلىق، گۈزەل لىرىكىغا تويۇنغان غەزىلىڭىزدىن سۆيۈندۈم.

تىلى ناھايىتى راۋان چىقىپتۇ،
بارگاھ،توپتولۇق دەپ يېزىلسا ئىملاسى توغرا بولىدۇ.

ئاددى،ئەمما قىسقا يېقىشلىق.

قەلىمىڭىز توختاپ قالماي،يېڭى پەللە سىزگە يار بولسۇن.

ماختاش شائىرلارنى ھورۇن قىلىپ قويىدۇ.

شېئىرىڭىزدىكى گۈزەل تىللاردىن بەكمۇ ھوزۇرلاندىم، داۋاملىق غەيرەت قىلىپ، تېخىمۇ گۈزەل شېئىرلارنى ۋۇجۇدقا كەلتۈرگەيسىز

مۇبارەك بولسۇن.

-مىھرى خانىمنىڭ ماۋۇ غەزىلىدىن ‹ تىرىشقان ئۇزار›دېگەن ماقالنىڭ مەنىسىنى چوڭقۇرھىس قىلدىم،يەنە بۇ ماقالنى ئېسىدە تۇتقاي:‹قىيىن ئىش يوق ئالەمدە،كۆڭۈل قويغان ئادەمگە› !

    رەھمەت ، تېنجىپ قالسام كوكۇلامىن تارتىپ چىقىرىپ، ئۆتۈپ كەتسەم نوختامنى تارتىپ يىتەكلەپ تۇرغان ئۇستالىرىمدىن سۆيۈنۈپ تۇرۇپتىمەن.

   

ئەسكەتىش:

    رەھمەت ، تېنجىپ قالسام كوكۇلامىن تارتىپ چىقىرىپ، ئۆتۈپ كەتسەم نوختامنى تارتىپ يىتەكلەپ تۇرغان ئۇستالىرىمدىن سۆيۈنۈپ تۇرۇپتىمەن...


« ئۇستاز» دېمەكچى ئىدىم....

سىڭلىم مىھرىنىڭ ئەسەرلىرىگە مۇۋاپىقىيەت تىلەيمەن

ياخشى چىقىپتۇ.