رەشىدەم مۇھەممەدجان: ياخشى يارنىڭ ئىلكىدە بەختىڭ

بۇ يازمىنى ئاخىرىدا   Erchin تەھرىرلىگەن. ۋاقتى  2016-2-23 12:33 AM  

ياخشى يارنىڭ ئىلكىدە بەختىڭ

رەشىدەم مۇھەممەدجان

ياخشى يارنىڭ ئىلكىدە بەختىڭ ،
تىكلىنىدۇ شاھانە تەختىڭ .
ماڭالايسەن سايەڭگە قاراپ ،
شايى -توندۇر ئۇچاڭدا رەختىڭ .

رام قىلمىسۇن كۆزۈڭنى دۇنيا ،
تىلەكلىرىڭ ياخشى يار بولسۇن .
ئەقلى بىلەن قارا كۆزۈڭنىڭ ،
تەلەي قۇشى بېشىڭغا قونسۇن  .

ياندا بولسا چىراقتەك يارىڭ ،
نە ھاجىتى تەلپۈنىش ئايغا .
قورايلىقتا بولسىمۇ ئۆيۈڭ  ،
ئايلاندۇرار ئۇ سېنى بايغا .

ياخشى ھەمرا تاڭدىكى چولپان ،
پارلاپ تۇرغان چىققۇچە قۇياش .
ساڭا ئاتار ئەقلى - جىسمىنى ،
يوقتۇر ئۇندا كۆزۈڭنى بوياش .

سائادەتنىڭ سايىسى ئۇندا ،
سايىۋەندۇر سەپەرلىرىڭدە .
كەتمەن تۇتساڭ ،گۈرجەك قولىدا ،
بىللە يەنە خەتەرلىرىڭدە .

بۇ سودىسى ئۆمۈرنىڭ ئەسلا ،
خالىمايدۇ يۈزەكى ئوينى .
قىياس قىلما بىردەملىك يول دەپ ،
سەن باسىسەن  ئۆمۈرلىك يولنى .

ياخشى يارنىڭ قولىدا بەركەت ،
دىلىدىكى پاكلىق ناخشىسى .
قوشالايدۇ ئەقلىڭگە ئەقىل ،
كېرەك ئەمەس ئۇندىن ياخشىسى  !

2016- يىل 2- ئايىڭ 22- كۈنى

رەشقىدەم مۇھەممەدجان : ياخشى يارنىڭ ئىلكىدە بەختىڭ

ئاپپاق ھەدە  ھاممامنىڭ ئىسمىدەك چىرايلىق  ئىسمىڭىزنى توغرا يېزىڭە بىر.

سەنەۋەر تۇرسۇنغا بەرگۈدەك چېقىپتۇ-بولمىسا شېئىرىڭىز.

شېئىرىڭىز ئاجايىپ تېتىملىق چىقىپتۇ .خۇددى دادىڭىزنىڭ [ئۆز يارىڭ ]دىگەن شېئىرىدەك .بىراق ،مۇشۇ ئىسمىڭىزنىڭ ئملاسى ...........

ئىجادىيەتلىرىڭىزگە بەرىكەت تىلەيمەن.....!

ئىنىم تېچلىقمۇ ؟ ۋاي قاراڭا شۇنچە ئەسكەرتىپ تۇرساڭلارمۇ  خاتا يېزىپ سالغىنىمنى ، يىغىپ ئېيتقاندا خەتنى بېسىش جەريانىدا ق ھەرىپىگە تېگىپ ساپتىمەن ، شېئىرىمنى توغۇرلاپ چىقىپتىەن ، ئىسمىمغا قاراپ باقماپتىمن ، رەخمەت ئىزاھلاپ تۇرغىنىڭىزغا .

تېچلىقمۇ ؟ ھەيييي ، شۇ ھەدىڭىزنىڭ ئالدىراقسانلىقى بولمامدۇ !

رەخمەت ، سىڭلىم شھنازە ،

    رەخمەت ، خوش  بولدۇم ، خۇددى دادام يازغادەك « مەن تۇرغاندا غەم قىلىپ يۈرمە ،
         قاردا قالغان خامانلىرىڭدىن .
            غەلۋېر تۇتۇپ ئۈزۈم ئايرىيمەن ،
            چەشلىرىڭنى سامانلىرىڭدىن » دەپ  ، مەنمۇ سىلەردەك تايانچىلىرىم بولغاچ غەم قىلىپ كەتمىدىمغۇ !

قەلىمىڭىز تېخىمۇ نۇسرەت تاپقاي،

بۇ يازمىنى ئاخىرىدا   ئۈمەر تەھرىرلىگەن. ۋاقتى  2016-2-26 11:39 AM  

شېئىرلىرىڭىز بارغانچە يۈكسەكلىككە قاراپ تەرەقى قىلىۋاتىدۇ ، داۋاملىق تىرىشىڭ ، قەلىمىڭىزگە بەرىكەت ۋە يەنىمۇ قۇۋۋەت تىلەيمەن .

مۇھەممەدجان ئۇستازىمىزنىڭ ئىز بازار قىزى، سۆيۈملۈك رەشىدەم ھەدەم، قەلەم ئىزلىرىڭىزنى كۆرۈپ سۆيۈندۈم ھەدە

ئەسسالامۇ ئەلەيكۇم !سىزنىڭ شېئىرىڭىزنى تۇنجى قېتىم ئوقۇشۇم ،ئىسىل چىقىپتۇ !!ئۇتۇقلار يار بولغاي !

ئەسسالاممۇ ئەلەيكۇم،ھەدە.ياخشى تۇرۋاتامسىز؟شېئىرىڭىز ياخشى چىقىپتۇ. تولىمۇ سۆيۈندىم.سىزگە يەنىمۇ ئۇتۇق تىلەيمەن.

ھېلىقى كۈنى ئۆز تۇرمۇشىڭىز ھەققىدە بەخىت تۇيغۇڭىزنى سۆزلەپ ، بىر قىسىم تۇترۇقسىزلارغا نەپرىتىڭىزنى بېگىز قىلىپ سانجىغان ئىدىڭىز . مانا بۇ شىئېرىڭىزدىن قەلبىڭىزنى كۆردۈم.
قەلەم تۇتۇشقا ئاجىز كەلگەن مەھەمەتجان دادىمىزنىڭ ئورنىنى تولدۇرۇشقا تىرىشۋاتىسىز ئىلىدىكى ئۇيغۇر ئايال ئەدىبەلەر سىزدىن زور ئۈممۈت كۈتمەكتە !

رەخمەت ئىنىم