ئالىپ ئوغۇز(ت): رىلكى ـــ ئىككى شېئىر

بۇ يازمىنى ئاخىرىدا   Erchin تەھرىرلىگەن. ۋاقتى  2016-2-22 11:48 AM  

ئىككى شېئىر
نۇرمۇھەممەد تۇرسۇن ئالىپ ئوغۇز تەرجىمىسى

راينېر مارئىا رىلكى (1875ـ 1926) نېمىس تىلى ئەدەبىياتىدا تەسىر ئىنتايىن زور بولغان ئاۋسترىيىلىك شائىر

كىشىلەردىن كۈتىمەن ياساشنى ماڭا

كىشىلەردىن كۈتىمەن ياساشنى ماڭا ،
بۆشۈك ئەمەس بىر تاۋۇت پەقەت .
يۇمۇلسا لەۋلىرىم مەڭگۈ تۇن ئارا ،
راھەتلىك تۇيغۇغا چۆمەتتىم قەۋەت .


بەڭۋاش ئويلار ئىلكىدە ئۇ چاغ ،
تەشۋىشلىنىپ سوقمايتى يۈرەك .
ئەسلەپ يۈرمەيتتى ئۇنى باشقىلار ،
ئۇ ئالقانچە يەرنى ئەيلىگەچ تۆشەك .


پەقەت ئۆرلەيتتى قاۋۇل ،ياش بىر روھ ،
ئاستا ـ ئاستا پەر قېقىپ يۈكسەك .
نە ئۈچۈن كىشىلەر ياسىماس ماڭا
كىچىكى بىر تاۋۇت خۇددى بۆشۈكتەك ؟

سېزىمەن، بىر ئۆي ماڭا تەۋە

سېزىمەن، بىر ئۆي ماڭا تەۋە ،
ئولتۇرىمەن ئىشىكىدە ئۇزاق.
قۇياش پېتىپ زاۋال كەلگەندە .
چېكەتكىلەر باشلايدۇ    قوشاق ،
تۇرۇپ ئەتراپىدىكى شاخلار كەينىدە .
ئوخشار مۇغ باسقان ئۆگزىسى ،
يېشىل رەڭلىك يۇمشاق سەللىگە.
ھەل بېرلگەن زىچ راملىرىنىڭ  
سۈزۈك ـ يورۇق ئەينىكى ،
قۇچاق ئاچار تەلمۈرۈپ سەھەرگە.
تۈن قوينىدا جىمىرلىغان يۇلتۇزنى،
چۈشلىرىمدە تۇتىمەن قول سۇنۇپ .
ئاڭلىنىدۇ كەنتتىن‹‹مەريەمگە دۇئا...››
نىشانسىز بىر كېپىنەك يۈرىدۇ ئۈچۈپ ،
ئاپئاق يەسىمەن گۈلى شېخىدا.
بالا چوپان چالىدۇ ئۈشتەك ،
ئۆتىدۇ ئۈزۈلمەي ھارغىن پادا.
سېزىمەن ،دىل تارام ئۈنلەيدۇ لەرزان ،
مەن ئاڭلايمەن ئۇنى ئۇيقىدا .

شىرىن چۈش پىروگىراممىسىدا ئورونلىسا بولىدىغان نۇمۇر ئىكەن.

      توۋا دەيمەن، مۇشۇ كەمدە ئىنكاس ھۆددىگەرلىرىنىڭ يازغان بىر- بىرىدىن قاملاشقان ، بەك تەسىرلىك ئىنكاسلىرىغا قاراپ.
2016  - يىلى مەلۇم بىر نەشىرىيات تاققا- تۇققۇ ئىنكاسلار توپلىمى چىقىرىش پىلانىنى تۈزگەنمىش، پات ئارىدا تەستىق چىقسا مۇنداق ئىنكاسلار چەتتە قالمىسىكەن دەيمەن...

بەكمۇ توۋا دەپ كەتمەڭ ئۇكام تۇرغۇنجان،ھەر بىر ئادەم ئۆزنىڭ تەپەككۇر قىلىشىغا ئاساسەن ئىنكاس يازىدۇ.يازغان ئېنكاسىمنىڭ ئىلمىي ئاساسى بار.

مەخەت مۇئەللىم ‹‹قاريۇمۇر››تۈسىدە ئىنكاس يېزۋاتقان بولىشى مۈمكىن...

   بۇ تەرجىمە ئەمگىگىڭدىن بەكلا سۆيۈندۈم. شېئىرلاردىكى شېئىرىي پىكىر ۋە شېئىرىي موھىتقا ئاساسلىنىپ، بۇ تەرجىمىنى ئۆزگەرتىپ باقتىم. ئەسلى ئەسەر  مەنبەسىگە مۇۋاپىق كېلەمدۇ- يوق، سېلىشتۇرۇپ باققىن. بىلەرمەنلىكىمنى ئەپۇ قىلغىن، دوستۇم. قولۇڭغا دەرت كەلمىسۇن، ئىشلىرىڭ تېخىمۇ خەيىرلىك بولسۇن!


ئىككى شېئىر
نۇرمۇھەممەد تۇرسۇن ئالىپ ئوغۇز تەرجىمىسى

( راينېر مارىيا رىلىك- نېمىس ئەدەبىياتىدا زور تەسىرگە ئىگە  ئاۋسترىيىلىك شائىر، 1875ـ يىلدىن 1926- يىلغىچە ياشىغان.)

كىمىلەردىن كۈتىمەن ياساشنى ماڭا


كىملەردىن كۈتىمەن ياساشنى ماڭا ،
بۆشۈكتەك سېھىرلىك بىر تاۋۇت پەقەت .
يۇمۇلسا لەۋلىرىم چەكسىز تۈن ئارا ،
لەززەتلىك تۇيغۇغا چۆمەتتىم قەۋەت .

تىنىچسىز، بەڭۋاش ئوي- خىيال ئىلكىدە،
تەشۋىشلىك سوقمايتتى بۇ نىمجان يۈرەك .
كىملەردۇر ئەسلەپمۇ يۈرمەيتتى بەلكىم ،
ئالقانچە يەرنى ئۇ ئەيلىگەچ تۆشەك .

ئۆرلەيتتى بەردەم ،ياش، يىگانە بىر روھ ،
چەكسىزلىك باغرىغا پەر قېقىپ يۈكسەك .
نە ئۈچۈن كىشىلەر ياسىماس ماڭا
كىچىكرەك بىر تاۋۇت خۇددى بۆشۈكتەك ؟

سېزىمەن، بىر ئۆي ماڭا تەۋە

سېزىمەن، بىر ئۆي ماڭا تەۋە ،
ئولتۇرىمەن ئىشىكىدە ئۇزاق.
زاۋال پەيتى، شاخلار كەينىدە .
چېكەتكىلەر باشلايدۇ قوشاق.

ئوخشار مۇخلار باسقان ئۆگزىسى ،
يېشىل رەڭلىك يۇمشاق سەللىگە.
راملاردىكى سۈزۈك ئەينەكلەر،
تەلمۈرىدۇ سېخىي سەھەرگە.

تۈن چۈشىدە تۇتتۇم يۇلتۇزنى .
كەنت قىلار مەريەمگە دۇئا...
بىر كېپىنەك ئوينار نىشانسىز ،
ئاق يەسىمەن گۈلى شېخىدا.

بالا چوپان چالىدۇ ئۈشتەك ،
ئۆتەر سېپى ئۈزۈلمەس پادا.
زىل دىل تارام ئۈنلەيدۇ لەرزان ،
مەن تىڭشايمەن شىرىن ئۇيقۇدا.

تۇردى سۇلتان ئىزچى بۇرادەر تەرجىمىدە بوشاشماي ئىزدىنۋاتقانلىقىدىن تولىمۇ خوش بولدۇم .تەرجىمەڭ بەك ياخشى چىقىپتۇ !!!

يۇقارقىدەك ئىلمى روھقا ئىگە قەلەمكەشلەرنىڭ ھەمكارىدىن مەلۇم بىر ھەقىقەت بالقىپ تۇرىدۇ...