ئۈمىدجان قادىرى: ئانا تىلىم

ئۈمىدجان قادىرى · ۋاقتى: 2016-2-21 00:03:20


	بۇ يازمىنى ئاخىرىدا ئۈمىدجان قادىرى تەھرىرلىگەن. ۋاقتى 2016-2-21 04:40 PM ئانا تىلىم ئۈمىدجان قادىرى بولسا سايلام،بارچە تىلغا شاھى-سۇلتاندۇر تىلىم، گاھ شىۋىرلار ئىزغىرىندەك،گاھى ۋۇلقاندۇر تىلىم. جان ئانامنىڭ مېھرى بىرلە قوزىچاقتەك شادلىنىپ، تۇنجى ئېيتقان سۆزلىرىممۇ سەندە بولغاندۇر تىلىم. سۆيگۈ كۈيلەپ سېخى يىللار سوغىتىدىن ياشلىقىم، يارغا يازغان خەتلىرىممۇ سەندە تولغاندۇر تىلىم. قالسا سەيياھ يول تاپالماي چۆلدە ئالۋۇن قەستىدىن، سەندە تاپقان زور تەسەللى،قەلبى گۇلخاندۇر تىلىم. ھەق ئۈمىدجان ماختىنىشقا بۇ ئانا تىل زەۋقىدىن، بارچە تىلدۇر مىسلى يۇلتۇز،ئانداچولپاندۇر تىلىم.

ئەلتۈرك · ۋاقتى: 2016-2-21 23:17:49


	ئانا تىل كۈيلەنگەن پاساھەتلىك غەزەلگە ئاپىرىن!

چاخچاق · ۋاقتى: 2016-2-22 04:20:53


	ئانا تىلىمىز كۈيلەنگەن ئېسىل غەزەللىرىگە بارىكاللا!

艾力 · ۋاقتى: 2016-2-22 10:35:36

ئالىم ياسىن · ۋاقتى: 2016-2-22 13:55:49


	يەنە ئازراق كۈچەيدىغان ئىش ئىكەن.بۇ ھەقتە يېزىلغان ئەسەرلارمۇ خېلى بار ئىدى،يازغاندىكىن ئەشۇلاردىن بېسىپ چۈشكىدەك تەسۋىرلەش كېرەك ئىدى.

سەزگۈر · ۋاقتى: 2016-2-22 17:00:27


	ئىجادىيەتتە ھەر كىم ئ‍ۆز تالانتى ، ئىقتىدارى بويچە قەلەم تەۋىرتىدۇ. يازغانلىرىنىڭ ھەممىسى ئ‍الاھىدە ياخشى چىقىشى ناتايىن ھەم ئ‍ۆزىنى باشقىلار بىلەنبىلەن سېلىشتۇرۇپ ئ‍ۇنىڭدىن ئ‍ېشىپ كېتىمەن دەپ ئ‍ەسەر يازىدىغانلار بەك ئ‍از ئ‍ۇچرايدۇ. شۇڭا تىرناقتا توختايدىغان سەۋەنلىك بولسا كۆرسىتىپ بېرەيلى .

ئا.توختى · ۋاقتى: 2016-2-22 17:30:48


	بۇ غەزەل مەيلى تىل ياكى تەسۋىر جەھەتتىن بولسۇن ماڭا يارىدىغۇ!

كومپاس · ۋاقتى: 2016-2-22 18:34:48


	سۆيگۈ كۈيلەپ سېخى يىللار سوغىتىدىن ياشلىقىم، يارغا يازغان خەتلىرىممۇ سەندە تولغاندۇر تىلىم. قۇت بولسۇن!

ئۇپقۇن1 · ۋاقتى: 2016-2-23 00:38:20


	ئانا تىل ئۈچۈن غەزەل پۈتكەن قوللارغا ئاپىرىن!

ئۇپقۇن1 · ۋاقتى: 2016-2-23 00:41:01


	ئانا تىل ئۈچۈن غەزەل پۈتكەن قوللارغا ئاپىرىن!

ئىمىر · ۋاقتى: 2016-2-23 11:03:01


	مۇبارەك بولسۇن ئۈمىدجان قادىرى ئەپەندى. ئانا تىل ھەققىدە يېزىلغان بۇ شېئىرىڭىز مەزمۇن يېقىدىن ماڭا بەكمۇ تېتىدى. ئانا تىل ھەققىدە قەلەم تۇلپارىمىزنى توختىماستىن چاپتۇرۇشىمىز كېرەك. ئىزدىنىشىڭىز ۋە ئىجادىيىتىڭىز يەنىمۇ ئۇتۇقلۇق بولسۇن!

فارخان · ۋاقتى: 2016-2-23 19:56:47


	ئانا تىل ئۇلۇغلۇقى ـــــــ مىللەتنىڭ ئۇلۇغلۇقى. رەخمەت غەزەل پۈتكەن قولىڭىزغا!

ئۈمىدجان قادىرى · ۋاقتى: 2016-2-23 22:07:16


	بۇ يازمىنى ئاخىرىدا ئۈمىدجان قادىرى تەھرىرلىگەن. ۋاقتى 2016-2-25 12:46 AM مۇھەببەت رىشتىمنى قىلىپ مەن بەدەل، ئېرىشمەك بولغىنىم ئەمەس بىر گۈزەل. سۈيىدە ئاققىنىم، ئوتىدا كۆيۈپ، ئارۇزنىڭ بەرقىدە جىلۋىلىك غەزەل.

مېھرى1 · ۋاقتى: 2016-2-24 18:09:46


	سۆيگۈ كۈيلەپ سېخى يىللار سوغىتىدىن ياشلىقىم، يارغا يازغان خەتلىرىممۇ سەندە تولغاندۇر تىلىم.

ئۈمىدجان قادىرى · ۋاقتى: 2016-2-25 00:35:57