رەشىدەم مۇھەممەدجان: بۈگۈنگە خوش دېدىم قىيمىغان ھالدا

بۇ يازمىنى ئاخىرىدا   Erchin تەھرىرلىگەن. ۋاقتى  2016-2-18 04:14 PM  

بۈگۈنگە خوش دېدىم قىيمىغان ھالدا

رەشىدەم مۇھەممەدجان

بۈگۈنگە خوش دېدىم ،قىيمىغان ھالدا ،
بىر گۈلۈم شېخىدىن سۇنغاندەك بولۇپ .
ئاھ ئۇردۇم قېپقىزىل شەپەققە قاراپ ،
پېتىپ كۈن كۈندۈزگە سالغاندا قۇلۇپ .

بۈگۈنگە خوش دېدىم ،قىيمىغان ھالدا ،
بۈگۈندۇر ئەتەمگە دەستىلەر تۇتقان .
بۈگۈننىڭ خۇرۇچى ئەتەمگە مەلھەم ،
چۈنكى ئۇ ئەتىگە   يانداش ھەم تۇغقان .

بۈگۈنگە خوش دېدىم ، قىيمىغان ھالدا ،
چۈنكى ئۇ ھاياتىم شېخىنى يىرغاچ .
ھەر گۇگۇم باسقاندا ئۆكۈنىش ، ھەسرەت ،
چۈنكى ئۇ يىللارنىڭ غولىنى قىرغاچ .

بۈگۈنگە خوش دېدىم  ،قىيمىغان ھالدا ،
پۈتمىگەچ ئەتىگە چاپقان ئېرىقىم .
بۈگۈندىن پۈتكىنىم بولسىمۇ ئاددى ،
ئەتەمگە چېكىتتەك چۈشەر يورىقىم .

بۈگۈنگە خوش دېدىم ، قىيمىغان ھالدا ،
كۆزلىرىم نەملىنەر ، قولۇمدا ياغلىق .
سۆيمىسەم بۈگۈننى ، ھەر بىر سائەتنى ،
بولمامدۇ ھاياتتىن سۈزگىنىم چاغلىق ؟

بۈگۈنگە خوش دېدىم ،قىيمىغان ھالدا ،
بۈگۈندۇر ئەتەمگە پېلەكلەر يايغان .
قويمىسام ئەتىگە بەلگە قىپ كۆچەت ،
بولمامدىم ماڭالماي يولۇمدىن قايغان .

بۈگۈنگە خوش دېدىم ، قىيمىغان ھالدا ،
كەلدى ھەم ئېسىلغۇم بىلەكلىرىگە .
بېقىپ قوي ئارقاڭغا مەندەك ئۇز قىزىڭ -
يۈگرەيدۇ يەتكۈز دەپ تىلەكلىرىگە !

2016- يىل 2- ئاينىڭ 18- كۈنى

مانا شېئىر يېزىپ بوپۇنچە سەمرىپ كېتىپسىز-ھەدە! مۇشۇندالا مېڭىپ ئارزۇ-تىلەكلىرىڭىزمۇ سەمرىپ كەتسۇن-ئامىن!

كونىلاردا بىرگەپ بارغۇ ، ئاتا كەسپىنى قەدىرلىگەن مەڭگۈ خار بولماس دەپ .
مۇھەممەتجان ئاكىنىڭ ئىزىنى بېسىپ ،سىزنىڭمۇ ئەل قەلبىدىن چوڭقۇر ئورۇن ئېلىشىڭىزغا تىلەكداشمەن .

نەزەر ئىنىم تېچلىقمۇ ؟ مەندىن سىزگە ئوتلۇق سالام ! بۇ شېئىرىمنى ئوقۇپ ياخشى باھالارنى بەرگىنىڭىزدىن سۆيۈندىم ، كۆپ رەخمەت !

ھۆرمەتلىك رەشىدەم خانىم ، قەلىمىڭىز  تېخىمۇ بەرىكەت تاپقاي، سىز ئارقىلىق ئۆزىنىڭ ئىسىل ئەسەرلىرى بىلەن پۈتۈن ئۇيغۇر خەلقىنى ئىنسانى ئەخلاقنىڭ مۇقەددەس مەنزىلىگە باشلاپ كىتىۋاتقان مۆھتىرەم ئۇستاز مۇھەممەدجان راشىدىن ئاكىنىڭ تېنىگە سالامەتلىك ۋە ئۇزۇن ئۆمۈر تىلەيمەن!

بۇ شېئىرىڭىزمۇ ياخشى يېزىلىپتۇ، شېئىرلىرىڭىزدا ئۇستازىمىز مۇھەممەتجان راشىدىننىڭ ئۇسلۇبى روشەن چاقناپ تۇرىدىكەن، تېخىمۇ بەرىكەتلىك بولۇڭ رەشىدەم!

ھەربىر شىېئرىڭىزنى ئوقۇپ كېلىۋاتىمەن،پەلسەپەۋىلىككە چىلانغان تەربىيىۋى قىممىتى بار شىئېرلىرىڭىز كىشىگە زوق بېغىشلايدۇ.

ھارمىغايسىز ، چارچىمىغايسىز ، ھەدە ، ھەم ئىجادىيتىڭىز ئۈزۈلمىگەي ، سىزگە سالامەتلىك ۋە ئۇزۇن ئۆمۈر يار بولغاي ، تەشەككۈر يۈرەكنى تىترىتىدىغان ئۈنچىلىرىڭىزگە ..
ھەر گۇگۇم باسقاندا ئۆكۈنىش ، ھەسرەت ،
چۈنكى ئۇ يىللارنىڭ غولىنى قىرغاچ .
قاتارلىق ..

ياخشىمۇسىز ھەدە، قەلىمىڭىزنىڭ قۇت تېپىشىنى تىلەيمەن............

بۇ شېئىرمۇ ياخشى يېزىلىپتۇ رەشىدەم ئىجادىيىتىڭىزگە ئۇتۇق،ئەزىز تېنىڭىزگە

سالامەتلىك تىلەيمەن...

   ئەسسالاممۇ ئەلەيكۇم،رەشىدەم خانىم.ئۇستاز مۇھەممەتجان ئاكا،دادىڭىزنىڭ سالامەتلىكى ياخشىدۇر.سىلەرگە ۋە ئائىلەڭلەرگە ئامانلىق تىلەيمەن.
   سىزنىڭ بۇ شېئىرىڭىزنى ئوقۇپ تولىمۇ سۈيۈندىم.بۇ كوچىغا كىرگەن سۆيۈملۈك‹‹ساراڭ››لارنىڭ بۇندىن كېيىنكى ئىشلىرىغا بەخت تىكەيمەن.

ئ‍وستاز ئ‍زىدىن كەلگەن قەدەملىرىڭىزدىن گۈللەرئۈنگەي،

شېئىرىي پۇراققا تويۇنغان شېئىرلىرىڭىزدىن ھوزۇرلاندىم،ھارمىغايسىز.....

ئەسسالامۇ ئەلەيكۇم ئىنىم تېچلىقمۇ ؟ ياخشى تىلەكلىرىڭىزسىن خۇ بولدۇم ، دادامغىمۇ تىلىگەن تىلەكلىرىڭىز نېسىپ بولغاي !

ئىنىم تېچلقمۇ ؟ ئارزۇ -ئارمانلىرىم سەمەرسىمۇ سەمەرسۇن ، ئەمما ئۈزۈمگە سېمىزلىق تىلىمەڭ ھە ئىنىم ؟