شاھزادەم: سەھرايىم

بۇ يازمىنى ئاخىرىدا   Erchin تەھرىرلىگەن. ۋاقتى  2016-2-18 11:07 AM  

مېھرى ئىسسىق شۇ گۈزەل سەھرا،

چەكتى مېنىڭ قەلىب خانەمنى.

قاچقان ئۇيقۇم شۇ كېچىدە .

خىياللىرىم  كېزەر سەھرانى .

چىللاپ قوق-قوق ھەر كۈنى خوراز،

يېڭى نۇرلۇق سابانى باشلاپ.

ئاستا-ئاستا كېلەتتى سەھەر،

تۈن قىزلىرى كەتكەندە ياشلاپ.

ئۇرغۇياتتى قېنىمىزدا  قان،

ئۇزاتقاندا ئانام سۈتلۈك چاي.

ئۇنتۇلاتتى دادام جاپاسى،

توقۇغانچە بىر مۇڭلۇق ناي-ناي.

دەرياسىدا سەھرا چىمەننىڭ،

ئوينايتىم شوخ بېلىقچاق بولۇپ.

ئۇچۇپ كەلسە سەھرا شامىلى،

گاھ قوياتتىم ھېكايە توقۇپ.

ئانام  مېنى  ئۇزاتقان  كۈنى،

خوشلاشتىم شۇ سەھرالىرىمدىن.

ئۆسكەن يۇرتتىن بالىلىقتىنمۇ ،

گۈل غۇنچە، ئەركە چاغلارىمدىن.

مەن قوينىدىن ئۇزىغان بىلەن،

قېنىمغا قانداش ئەسلىمىلەر.

ئۇنتۇلمايدۇ ئۆسكەن سەھرايىم،

ئۆتمۇشلەرگە تۈكۈلسىمۇ قار.

2016-يىل2-ئاينىڭ16-كۈنى

              چىمەن

يەنە بىر يېڭى ئەسىرىم ئېلان قىلىندى، تولىمۇ  خۇشالمەن .

شاھزادەم ئابدۇللا ئارف-- ناملىق  ئەسىرىڭىز ئېلان قېلنىپتۇ راس،مۇبارەك بولسۇن!

ئۇرغۇياتتى......بۇ سۆزنى ئويلىشىڭ.
ئېرچىن ئەپەندىمنىڭ يىراقنى كۆرەرلىگى كىشىنى قايىل قىلىدۇ،يېڭىدىن بۇ كوچىغا كىرگەن قىزنىڭ شتلىقىنى كۆزدە تۇتۇپ تەھرىرلىگەن بۇ ئەسەردىن مەنمۇ يىراق سەھرالارنى ئارىلاپ باقتىم.ئاددى،ئەمما سۆيۈملۈك ماكان،ئەشۇ ماكاندىكى ساددا كەچمىش،ئىلھاملانغان شائېرانە تۇيغۇ،مۇبارەك بولسۇن!

بېلىقچاق دىگەن سۆزنىڭ ئ‍ورنىغا بېلىجان دەپ قويساق تىخىمۇ ماسكىلىدۇ ، بىر قىسىم سۆزلەر تازا دىگەندەك جايىغا چۈشمەپتۇ، يەنىمۇ پىششىقلاڭ،توغرا كۆرسىڭىز!

ئاخىردىكى بىر كۇپلىتنى باشقىچە يېزىپ باقسىڭىز بوپتىكەن.

مەن ئاشۇنداق [پۇتاق چىقىرىمەن دەپلا تۇرغان....]،چاخچاق-ھە!

بولىدۇ رەھمەت.

بولىدۇ. رەھمەت  سىلەرنىڭ ياردىمىڭلەر ماڭا زور ئىلھام.

كۆپچىلىكنىڭ مېنىڭ ئەسىرىمگە ئىلھاملارنى بەرگىنىگە رەھمەت تېخمۇ تىرىشىمەن.

بۇ شىئېرىڭىزنىڭ مەزمۇنى ياخشى چىقىپتۇ،داۋاملىق تېرىشىڭ!ئېجادىيتىڭىزگە ئۇتۇق يار بولسۇن.

يىڭى ئىلھاملىرىڭىزغا ئاپىرىن !

ئىلھامىڭىز ئۈزۈلۈپ قالمىغاي ، رەھمەت .

ماقۇل رەھمەت.

ماقۇل رەھمەت.