مەخەت ئابدۇرېھىم: ئاچچىق ھېسلار

mahatjan · ۋاقتى: 2016-2-9 21:49:42


	بۇ يازمىنى ئاخىرىدا ARKZAT تەھرىرلىگەن. ۋاقتى 2016-2-9 22:46 ئاچچىق ھېسلار مەخەت ئابدۇرېھىم 1.تارىخىي پاكىتلاردىن مەلۇمكى،خائىنلار كۆپ چىققان ئەلنىڭ تەقدىرى زاۋاللىققا يۈزلىنىدۇ. 2. ئەجدادلارنىڭ تارىخى ئەۋلاتلار ئۈچۈن خەرىتە بولۇشى كېرەككى، ھەرگىزمۇ چېرتىيوژ بولۇپ قالماسلىغى كېرەك. 3. تارىخ تەۋەككۇلچىلارنىڭ ئىزىدىن باشلىنىپ،تىڭىرقغانلارنىڭ كۆز يېشىدا ئاخىرلىشىدۇ. 4. ئۇمۇ دېسە: «سەن قانچىلىك؟بۇمۇ دېسە: «سەن قانچىلىك؟» ،نېمىشقا دېمەيدىغاندىمىز زادى «مەن قانچىلىك؟». 5. ھايۋان ئىچىدىكى ئەڭ قورقۇنۇچلىقى ئادىمى ھايۋاندۇر،چۈنكى ئۇ بىلىپ تۇرۇپ ھايۋاننىڭ قىلىقىنى قىلىدۇ. 6. ئورنۇڭدىن دەس تۇرىمەن دېسەڭ،پىشىڭغا ئېسلىۋالغانلارنى سىلكىۋەت. 7. «سەن قانچىلىك ئادەم»دېگەن سۆزنىڭ ۋەزنى دۇنيانى تىترىتەلەيدۇ. 8. كىتاب ئوقۇمايدىغان مەنسەپدار ئالدىدا ئىلىم قەدىرسىز. ئۇرۇشقا قاتناشمىغان گېنرال ئالدىدا جان قەدىرسىز. 9. ئەسسالامۇ ئەلەيكۇم، بۇرادەر، مەن بىلەن دوست بولۇشنى خالامسىز؟ئۇنداق بولسا، مېنى يازغۇچىلار مۇنبىرىدە ساقلاڭ! 10. دوستۇڭ يىراقتا بولسا خەت كېلەر،دۈشمىنىڭ يېقىندا بولسا دەرد كېلەر. 11. ئاتا-ئانىلار بالىلارغا بولسا قانچىكى يۇمشاق، بالىلار بولىدۇ شۇنچىكى ئۇرۇشقاق. 12. كۆرگەننى سوراش قىزلارنىڭ ئادىتى، بىلگەننى سوراش بالىلارنىڭ ئادىتى. 13. يىگىتلەر تولا ھىجايسا ۋىجدانى ئۆلەر، قىزلار تولا ھىجايسا ئىپپىتى ئۆلەر. 14. ياش تۆككەنلەرنىڭ ھەممىسى ئاجىز ئەمەس، رەقىبى ئالدىدا باش ئەگكەنلەر ئاجىز كىشىلەردۇر. 15. ھېسسيات كۈچەيگەندە قىزلارنىڭ كۆزى خۇمارلىشىدۇ، ئوغۇللارنىڭ كۆزى غۇۋالىشىدۇ. ( مەنبە: خاتىرەمدە ساقلىغانلىرىمدىن )

ARKZAT · ۋاقتى: 2016-2-9 22:48:37


	ئالتۇنغا بەرگۈسىز ئېسىل ھېكمەتلەر ئىكەن. ھېسسيات كۈچەيگەندە قىزلارنىڭ كۆزى خۇمارلىشىدۇ، ئوغۇللارنىڭ كۆزى غۇۋالىشىدۇ. ماڭا ماۋۇ ھېكمەت بەكلا يارىدى.

داڭگال · ۋاقتى: 2016-2-9 23:48:05


	خاتىرىڭىزدە يەنە قانداق ئېسىل دۇردانىلەر باركىن-قىزقىۋاتىمەن.

ئىمىر · ۋاقتى: 2016-2-10 12:01:33


	تۇرمۇش تەجرىبىلىرىدىن ھاسىل بولغان، ئۆزلىرىنىڭ چوڭقۇر ئىچكى ھېسسىياتلىرى سىڭگەن، ھەقىقىي تەربىيەۋى قىممەت يارىتىلغان ئۇشبۇ تەپەككۇر ئۈنچىلىرىگە قىزغىن تەشەككۇر ئېيتىمەن. يازمىلىرىنىڭ ھەممىسى ھەقىقەتەن تەربىيەۋى ئەھمىيىتى يۇقىرى دۇردانىلەردىن بوپتۇ. ئاپىرىن سىلىگە، تەپەككۇرلىرى مۇشۇنداق ئۈزۈكسىز قانات قېقىپ تۇرغاي.

mahatjan · ۋاقتى: 2016-2-10 14:40:31


	ئىمىر يوللىغان ۋاقتى 2016-2-10 12:01 تۇرمۇش تەجرىبىلىرىدىن ھاسىل بولغان، ئۆزلىرىنىڭ چو ... ماڭا ئېلھام بەرگەنلىرىگە رەھمەت.

ھەققانى1 · ۋاقتى: 2016-2-10 18:22:53


	ئالامەت ئېسىل ھېكمەتلەرنى خاتىرىگە ئەپ قويۇپسىز.تۇرمۇش تەجىرىبىسىدىن توپلانغان جەۋھەرلەر دىگەن دەل مانا شۇ.

ھەققانى1 · ۋاقتى: 2016-2-10 18:33:03


	تىل - گۇيا چالغۇ ئەسۋابى. مىسالى ئۇ غېجەكتىنمۇ نازۇك ۋە مۇرەككەپتۇر. يەنە شۇنىمۇ ئېيتىش كېرەككى، تىلنىمۇ، غېجەكنىمۇ چالا بىلىشكە تاقەت قىلغىلى بولمايدۇ. پ.يا.ۋيازېمىسكى

سۇتۇق · ۋاقتى: 2016-2-10 23:16:08


	خاتىرىڭىزدىكى تۇيغۇلار ئۈزلۈپ قالمىسۇن،چوڭقۇر مەنلارغا ئىگە پىكىرلەركەن.

تۇرغۇن مىجىت · ۋاقتى: 2016-2-10 23:42:03


	چۆچۈپ كەتسىڭىز....

taxkin888 · ۋاقتى: 2016-2-11 02:42:58


	ياش تۆككەنلەرنىڭ ھەممىسى ئاجىز ئەمەس،رەقىبى ئالدىدا باش ئەگكەنلەر ئاجىز كىشىلەردۇر. بۇ قۇرلار ئادەملەرگە قانداق ياشاشتىن بىشارەت بېرىپتۇ. رەھمەت.دۇردانىلىرىڭىز ئۈزۈلۈپ قالمىغاي!

mahatjan · ۋاقتى: 2016-2-14 00:20:25


	taxkin888 يوللىغان ۋاقتى 2016-2-11 02:42 AM ياش تۆككەنلەرنىڭ ھەممىسى ئاجىز ئەمەس،رەقىبى ئالدىدا ... ئۆزلىرىگىمۇ كۆپ رەھمەت.

ئۆزكۈي · ۋاقتى: 2016-2-14 12:21:22


	ئەھمىيەتلىك، چوڭقۇر مەنىلىك يازمىللىڭىز ئۈزۈلمىسۇن. سىزگە ئۇتۇق تىلەيمەن . ‹‹ئىلىمنى ئاساس قىلغان يۈكسەك بىرلىك ھامان غەلبىگە باشلايدۇ››.(خاتىرەمدىن)

mahatjan · ۋاقتى: 2016-2-14 14:13:18


	ئۆزكۈي يوللىغان ۋاقتى 2016-2-14 12:21 PM ئەھمىيەتلىك، چوڭقۇر مەنىلىك يازمىللىڭىز ئۈزۈلمىسۇن. ... مىنىڭ ئىجادىيتىمگە ئۇتۇق تىلەپ ماڭا ئېلھام بەرگەنلىرىگە كۆپ رەھمەت.