خالىدەم كەنجى: خىيال

بۇ يازمىنى ئاخىرىدا   Erchin تەھرىرلىگەن. ۋاقتى  2016-2-5 17:37  

خىيال(نەسىر)

خالىدەم كەنجى

ئەي خىيال، سەن گۈلگۈن سەھەردە بالقىغان قۇياشقا ئوخشاش شۇنچە گۈزەل، شۇنچە دىلرەبا سەن. قەلب بوستانىمنى ياشناتقان چەشمە بۇلاقتەك بىباھاسەن. ئارمانلىرىم كۆكىدە يامغۇردىن كىيىنكى ھەسەن-ھۈسەندەك جۇلالايسەن.
مەن سىنىڭ ئىللىق قوينۇڭدا، يېقىملىق پەپىلەشلىرىڭدە، شىرىن چۈش قاينىمىغا كىرىپ، چاك-چاك بولۇپ كەتكەن روھىمنى سۇغىرىمەن. بىخ سۈرۈۋاتقان يۇمران ھىسلىرىمنى غۇچچىدە گۈل- چېچەكلەرگە پۈركەيمەن. تەسەۋۋۇر ئالىمىمنى رەڭدار مەزمۇنلار بىلەن بىزەيمەن.
كەلگىنە خىيال، كەلگىن. يۇمران، مېھىرلىك قوللىرىڭنى ئۇزات. قوللىرىڭنى يۈرۈكۈمگە يېقىپ، يۈرەك تىۋىشىمنى سەزدۈرەي، ھاياجانلىق تۇيغۇلىرىمنى بىلدۈرەي. قۇلاقلىرىڭغا تاتلىق شىۋىرلاپ، ھاياتلىق مىلودىيەسىنى ياڭرىتاي. بىر جان بىر تەنگە ئايلىنايلى.
      كەلگىنە خىيال، كەلگىن. مىنى باغاشلا، ئوتلۇق نەپەسلىرىم باغرىڭغا سىڭىپ كەتسۇن. ئارزۇ-ئىستەكلىرىم سىنىڭ سۈزۈك، بىپايان، ساخاۋەتلىك ئاسمىنىڭدا چولپان يۇلتۇزدەك زۆھرە يۇلتۇزدەك.... چاقنىسۇن. سىنىڭ نەپىس، رەڭدار مارجانلىرىڭنى، دىل تارلىرىمغا  ئېسىپ بوينۇمغا تاقاي، گۈلدار جۇلاسى بىلەن قەلىبلەرنى لال قىلاي.
       كەلگىنە خىيال، كەلگىن. مەن غۇبارسىز ۋۇجۇدۇمنى، چاڭقىغان روھىمنى، يۇمران تۇيغۇلىرىمنى.... بارلىقىمنى ساڭا تاپشۇراي.  دۇنيا سىنىڭ ئىلكىڭدە نۇرغا پۈركەنسۈن.
مەن پەقەت سەن بولغاچقىلا، مەڭگۈلۈك ئەركىنلىككە ئىرشەلەيمەن.
سەن بولغاچقىلا ئەركىنلىكنىڭ چەكسىز سېھرى كۈچىنى ھىس قىلالايمەن.
سەن بولغاچقىلا ئەركىنلىكنىڭ تەسۋىرلىگۈسىز ھوزۇرىنى سۈرەلەيمەن.
كەلگىنە خىيال، كەلگىن. مىنى باغاشلا ! بىر جان بىر تەنگە ئايلىنايلى!  روھىمىز سىڭىشىپ كەتسۇن، روھىمىز بىپايان سامادا پەرۋاز  قىلسۇن!

خىيال تەسەۋۋۇرنىڭ خېمىرتۇرۇچى، تەسەۋۋۇر شېئىرنىڭ قانىتى .  ئەڭ قورقۇنۇچلىقى تەپەككۈرنىڭ

توختام سۇدەك تىپ-تىنىچ ھالەتتە تۇرۇپ قېلىشى .   ئەتراپىمدىكى بارلىق شەيئىلەرنىڭ

تەپەككۈرۈمنى غىدىقلىشىنى تولىمۇ ئۈمۈت قىلىمەن.

ئەسىرىمگە كۆز يۈگۈرتكىنىڭىزگە رەھمەت!..

ئىملانى ھېساپقا ئالمىغاندا بىر تېنىقتا ئوقىۋەتكۈدەك چېقىپتۇ-خانىم!

خىيال ھەققىدىكى سۈپ-سۈزۈك تۇيغۇلىرىڭىزنىڭ نەپىس خاتىرىسىنى،  ھېس-ھاياجان ئېلكىدە ئوقۇپ چىقتىم....

خىيال دېڭىزىنىڭ قايناملىرىدا چېنىقىپ يۈرۈكىڭىزنى ياشارتىدىكەنسىزدە. ،ھەي خىيال،
دەرەخ لىڭشىمايدۇ چىقمىسا شامال،تەپەككۇرنى غىدىقلىمىسا بىر ئىش قوزغالماس خىيال.

خىيال بىلەن تەسەۋۋۇر ياخشى بىرلەشتۈرۈلۈپتۇ. ياقتۇردۇم.

تۇيغۇلار شۇنچىلىك ياخشى ئىپادىلىنىپتۇ. ئوقۇپ ئاشۇ شېرىن تۇيغۇرلار ئىچىدىن ئۆزۈمنىڭ تۇيغۇلىرىنى كۆرگەندەك بولدۇم

ئۇستازلارنىڭ ۋە تورداشلارنىڭ ئەسىرىمگە  كۆز يۈگۈرتۈپ ، پىكىر بەرگىنىڭلارغا رەھمەت.

‹‹...مەن پەقەت سەن بولغاچقىلا مەڭگۈلۈك ئەركىنلىككە ئېرىشەلەيمەن...››دەر ھەقىقەت،خىيال ئادەمگە ئەركىنلىك ئاتا قىلغۇچى ئىلاھىي تۇيغۇ.نەسىرىڭىزنىڭ تىلىدىن تولىمۇ سۆيۈندىم.يەنىمۇ تىرىشىڭ،ئۇتۇق تىلەيمەن.