نۇرتېكىن: پۇتىنى سىزدىم يىلاننىڭ

پۇتىنى سىزدىم يىلاننىڭ

نۇرتېكىن

جان دادامنىڭ پەرۋىشى،
بۇغدايلارنى ئوخشاتتى.
ئوغرى چاشقان ئوغۇرلاپ،
بىزنى ئەجەپ قاقشاتتى.

باغلاپ قويسام مۈشۈكنى،
ئۇخلاپ قاپتۇ سايىدا.
ئوغرى چاشقان ئۇيالماي،
يۈرەر داننىڭ كويىدا.

ئېتىزدىكى چاشقانلار،
قورقار ئىكەن يىلاندىن.
كۇشىلدىسا سۈر بىلەن،
چىقماس ئىكەن كامادىن.

يىلان جاننىڭ پۇتى يوق،
لېكىن چاشقان بەك يۈگىرەك.
يىتىشەلمەي قالارمۇ،
ئامال تاپاي مەن تېزرەك.

پۇتىنى سىزىپ قويايچۇ،
يۈگۈرەپ تۇتسۇن چاشقاننى.
جان دادامغا ئېيتىم مەن،
تاپقان ئاشۇ ئامالنى.

كۈلۈپ تۇرۇپ جان دادام،
دېدى: ئەجەپ ئۇماقسەن.
ياخشى ئوقۇ كەلگۈسى،
ئەل-ۋەتەنگە يارايسەن.
بۇ يازمىنى ئاخىرىدا   shaidayi تەھرىرلىگەن. ۋاقتى  2016-1-26 00:59  

بالىلارغا خاس ئۇماق يېزىلىپتۇ . رەسىم سىزىۋاتقان تاتلىق بىر بالىنى كۆرگەندەك بولدۇم .
ئىملاغا ئازراق دىققەت قىلىپ قۇيسىڭىزكەن .

« پۇتىنى سىزدىم يىلاننىڭ»نى « سىزدىم پۇتىنى يىلاننىڭ...» دەپ شېئىرىي ھالەتتە قويامسىزكەن-يا...ئامەت يار بولسۇن!

نىمىمۇ قىلارتىڭىز يىلاننغا پۇت چىقىرىمە دەپ ئۇ دىگەن ئۆمىلىىگۈچى تۇرسا ..............ئەمما ئۈمىتلىرىڭىز قاناتلانسۇن، سىز زامانىۋىي يىلان ياساپ چىقامسىز تېخى ماڭالايدىغان پۇتى بارچۇ !!!!!!!!!!!

تىلى راۋان، بالىلارغا خاس چۈچۈك شېئىر بوپتۇ. ئوقۇپ ھوزۇرلاندىم. قەلىمىڭىزگە بەرىكەت تىلەيمەن.

مەزكۇر شىئېرنى نۇرتېكىننىڭ مەن مۇنبەردە كۆرگەن باشقا ئەسەرلىرىگە سېلىشتۇرغاندا راۋۇرۇس ئۇتۇقلۇق چىقىپتۇ دەپ قارىدىم.

چاشقاندىن قاقشىماڭ،ئۇنىڭدا شۇنداق خىسلەت بار.

چاشقانلار ئالسىمۇ خامانلىقتىن جاي،
داننى ئوغورلاپ قاچىدۇ  كاماغا.
قۇچقاچتا بولغاچقا ئىرادە قانات،
داننى يەپ بولوپلا ئۇچۇدۇ ساماغا.
بۇ يازمىنى ئاخىرىدا   mahatjan تەھرىرلىگەن. ۋاقتى  2016-1-28 13:21  

چاشقاندىن قاقشىماڭ،ئۇنىڭدا شۇنداق خىسلەت بار.

چاشقانلار ئالسىمۇ خامانلىقتىن جاي،
داننى ئوغورلاپ قاچىدۇ  كاماغا.
قۇچقاچتا بولغاچقا ئىرادە قانات،
داننى يەپ بولوپلا ئۇچۇدۇ ساماغا.

تىرىشچانلىقىڭىزنىڭ مېۋىسى بارغانسېرى تەمگە تويۇنۇپ بېرىۋاتىدۇ، يەنىمۇ تىرىشىڭ!

بارىكاللا .  مانا بۇنى  بالىلار شىئىرى دەيمىز  رەھمەت