ئېلى ھۇشۇر(ت):رولا.E.چارلىس ــ پەرىشتە

      پەرىشتە

       رولا.E.چارلىس(ئامىرىكا)

      (ئېنگىزچىدىن خەنزۇچىغا تەرجىمە قىلغۇچى: سۇن باۋچېڭ، خەنزۇچىدىن ئۇيغۇرچىغا تەرجىمە قىلغۇچى: ئېلى ھۇشۇر)


      -ئانا،-دېدى بالا،-راستىنلا پەرىشتە بارمۇ؟
       -ئىنجىلدا شۇنداق دېيىلىدۇ،-دېدى ئانىسى.
      -راستقۇ،-دېدى بالا،-مەن ئۇنىڭ رەسىمىنى كۆرگەن.بىراق ئانا،سىز پەرشتىنى ئۆز   كۆزىڭىز  بىلەن كۆرگەنمۇ؟
     - كۆرگەندەك قىلىمەن-،دېدى ئانىسى،-بىراق ئۇنىڭ كىيىمى رەسىمدىكىدەك ئەمەس.
     -مەن  پەرىشتىنى ئىزدەپ تاپىمەن ،-دېدى بالا-،مەن يولدىن چىقماي   يۈگرەيمەن،يۈگرەيمەن،چۇقۇم   پەرىشتىدىن بىرنى تاپالايمەن.
      -بۇ بىر ئوبدان نىيەتكەن،-دېدى ئانا،- مەنمۇ سەن بىلەن باراي،سەن بەك كىچىك،ئۆزۈك يالغۇز يىراققا بارساڭ بولمايدۇ.
      -مەن كىچىك بالا ئەمەس ،-دېدى بالا،- مەن  ئېغى يوق ئىشتان كىيىدىغان كىچىك بالا ئەمەس،ئەمدى چوڭ بولدۇم.
     -سەن راستىنلا چوڭ بولدۇڭ،- دېدى ئانا،-مەن ئۇنتۇپتىمەن.بىراق بۈگۈن كۈن شۇنداق بەلەن،مەن  سەن بىلەن ماڭاي  دەيمەن.
     -بىراق سىز بەك ئاستا ماڭىدىكەنسىز،يارىدار پۇتىڭىزنى سۆرەپ.
     -مەن سەن ئويلىغاندىنىمۇ تېز ماڭىمەن،-دېدى ئانا.
      ئۇلار يولغا چىقتى،بالا سەكرەپ-تاقلاپ   ماڭدى،ئانا پۈتۈن كۈچى بىلەن   ئاقساقلاپ ماڭاتتى،بالا ئانىسىنىڭ پۇتىنىڭ يارلىغىنى تىزلا ئۇنتۇپ كەتتى.
     بالا يۈگرەپ كېتىۋاتاتتى،ئۇزىمايلا شاش ئاق ئات قېتىلغان بىر مەپىنىڭ ئۇزى تەرەپكە قاراپ كېلىۋاتقانلىغىنى كۆردى.مەپىدە  ئۇچىسىدا ئاق مامۇق چاپان ۋە تىۋىت ياقىلىق  سۆلەتلىك گۈزەل بىر خانىم ئولتۇرغان بولۇپ،قاپ-قارا سۇمبۇل چېچى ئۈسىىدە ئاپپاق پەي يەلپۈنۈپ تۇراتتى.  مەپە ھەر بىر  چايقالسا ،  ئۇنىڭ  ئالماس ۋە ئالتۇن زىبۇ –زىننەتلىرى ۋالۋۇل چاقنايىتتى،بىراق ئۇنىڭ كۆزلىرى ئۇنىڭدىن تېخېمۇ چاقناپ تۇراتتى.
      -سىز پەرىشتىمۇ،-دېدى بالا مەپىنىڭ قېشىغا كىلىپ.
      خانىم جاۋاپ بەرمەستىن،بالىغا سوغۇقلا قاراپ قويغاندىن كېيىن،  مەپىكەشكە بىر نېمىلەرنى دېدى،مەپىكەش قامچىسىنى قاسىلدىتىۋىدى،مەپە چاڭ چىقىرىپ ئوچقانداق يۈرۈپ   كەتتى،بىردەمدە مەپىنىڭ قارىسىمۇ كۆرۈنمەي قالدى.
         چاڭ-تۇزاڭ بالىنىڭ ئېغىزى ۋە كۆزگە كىرىپ، گېلىنى ئېچىشتۇرىۋەتتى،بالا چۈشكۈرۈپ كەتتى. بالىنىڭ دىمى سىقىلىپ،كۆزلىرى قاراڭغۇلاشتى.  ئانىسى تېزلا يىتىپ كىلىپ،پەرتۇقىنىڭ ئېتىگى بىلەن ئۇنى يۆگەپ،چاڭ –تۇزاڭدىن دالدا قىلدى.
      -ئۇ پەرىشتە ئەمەسكەن،-دېدى بالا.
      -راست دەيسەن،پەرىشتە ئەمەسكەن،-دېدى ئانا ،- ئۇ پەرىشتىگە ئازىراقمۇ ئوخشىمايدىكەن.
      بالا يەنە سەكرەپ-تاقلاپ،يولنىڭ ئۇ يېقىدىن بۇ يېقىغا چېپىپ ماڭدى،ئانا پۈتۈن ماغدۈرىنى يارىدار پۇتىغا يىغىپ،بالىسىغا  ئەگەشتى.
بىر دەمدىن كېيىن،بالا ئۇزۇن ئاق كۆينەك كىيگەن بىر گۈزەل قىزچاققا يولۇقتى.قىزنىڭ كۆزى يۇلتۇزدەك چاقناپ،كۈلگەندە  مەڭزى خۇددى قىزىل گۈلگە ئوخشاپ قالاتتى.
      -  سىز  بىر پەرىشتە ،شۇنداقمۇ؟-دەپ توۋلىدى بالا.
      قىزچاقنىڭ يۈزى قىزىرىپ،تېخىمۇ ئوماقلىشىپ كەتتى.
     -  نېمە دېگەن تاتلىق بالىسەن،-دېدى قىزچاق ،-تۈنۈگۈن كەچتە باشقا بىرسىمۇ شۇنداق دېگەنتى. مەنمۇ ئۆزۈمنى بىر پەرىشتە،دەپ ئويلايمەن .
      -سىز دېگەن  بىر پەرىشتە ،-دېدى بالا .
قىزچاق بالىنى قۇچاقلاپ  سۆيۈپ،نازاكەت بىلەن كۆتۈرۈپ قويدى.
       -  مەن ئۇچراتقان ئەڭ ئۇماق ساقامسەن،-دېدى قىز،-ئېيتقىنە،قانداق بولۇپ بۇنداق خىيالغا كىلىپ قالدىڭ؟
      ئۇشتۇمتۇت قىزچاقنىڭ چىرايى ئۈڭۈپ كەتتى.
     -ئاپلا !-دەپ توۋلىۋەتتى قىزچاق،-   ئۇياقتا سۆيۈملىكىم مېنى كۈتىۋاتاتتى.سەن مەينەت ئايىغىڭ بىلەن ئاق كۆينىكىمنى پاسكىنە قىلىپ،چاچلىرىمنى بۇزىۋەتتىڭ.تېز كەتكىن بالا،ئۆيۈڭگە قايتىپ ئاناڭنى تاپ.
      قىزچاق بالىنى يەرگە قويدى، يامان نىيىتى بولمىسىمۇ ،بەك ئالدىراپ قالغاچقا،بالا توپىلىق يولغا يىقىلىپ چۈشتى.بىراق قىزچاق بۇنى كۆرمەي،  سۆيۈملىكىنى كۈتىۋېلىش ئۈچۈن، ئالدىراپلا ئالدىغا قاراپ  ماڭدى، ئۇ كىشى بولسا ئۇنىڭغا قاراپ كېلىۋاتاتتى.
بالا توپا يولدا يېتىپ، ۋاقىراپ يىغلىدى،ئانىسى تېزلا  كېلىپ، ئۇنى يۆلەپ، پەرتۇقى بىلەن يېشىنى سۈرتتى.
      -ئۇمۇ  پەرشىتە ئەمەسكەن،-دېدى بالا.
      -شۇنداق ،-دېدى ئانا،-بىراق كۈنلەرنىڭ بىرىدە ئۇ قىز پەرىشتە بولالايدۇ. ئۇ تېخى ياش ئەمەسمۇ؟
      -مەن ھاردىم ،-دېدى بالا،-ئانا ،مېنى ئۆيگە ئېلىپ كېتەمسىز؟
      - بولىدۇ،-دېدى ئانا،-شۇڭا مەن كەلدىم-دە.
     بالا ئانىسىنىڭ بوينىغا گىرە سالدى،ئانا بالىسىنى چىڭ قۇچاقلاپ كۆتۈرۈپ، پۈتۈن كۈچى بىلەن ماڭغاچ،بالىسى ئەڭ ئامراق ناخشىنى ئيېتتى.
     بالا تۇيۇقسىز ئانىسىنىڭ يۈزىگە مېھرى بىلەن باقتى.
      -ئانا،-دېدى بالا،-سىز چۇقۇم بىر پەرىشتە،شۇنداقمۇ؟
-ھەي،نېمە دېگەن گۈدەكسەن ،-دېدى ئانا،-پەرتۇق تارتقان پەرىشتنى كىم كۆرۈپتىكەن؟
      ئانا داۋاملىق ناخشىسىنى  ئېيتىپ،پۈتۈن كۈچى يىغىپ، ئاغرىق پۇتىنى تەستە يۆتكەيتتى،  پۈتىنىڭ يارىلىغىنى  ھېچكىم بىلمەيتتى.
  ـــ «مىكرو ھېكايىلەردىن تاللانما» (2015-يىللىق 6-سانى) (“微型小说选刊”2015年6期) ناملىق زورنالدىن تەرجىمە قىلىندى.ئېلى ھۇشۇر   تەرجىمىسى.
        ئورۇن:ئاقسۇ تاشيول باشقۇرۇش ئىدارىسى  كەلپىن شۇبە ئىدارىسى
      ئادرىس:ئاقسۇ ۋىلايىتى كەلپىن ناھىيە ئاچال يېزىسى قەشقەر-ئۈرۈمچى يولى 8-نومۇر

بۇ يازمىنى ئاخىرىدا   Erchin تەھرىرلىگەن. ۋاقتى  2016-1-25 13:18  

بۇ يازمىنى ئاخىرىدا   خەنجەر تەھرىرلىگەن. ۋاقتى  2016-1-25 16:37