شەيدائىي: ئ‍اشىق تىلىكى

ئ‍اشىق تىلىكى


قار ياغدى بۇ كېچە گۇمىدا لەپ-لەپ،
چاقىدۇ تېنىمنى ھەرىدەك سوغۇق.
بىر يۇچۇن قىسمەتتە كۆيسەم يېلىنجاپ،
سۆزلەشكە مەجبۇرلار مېنى يوقسۇزلۇق.

كۆز دېگەن كۆرمەيدۇ ئ‍ېيىتقىن نېمىنى،
سۆكۈتلەر كېكەچلەپ تۇرار تىلىمدا.
ۋاز كەچسەم ۋىسالسىز كۈتۈشلىرىمدىن،
نۇر سوراپ ئ‍ۆكسۈيدۇ تۈنلەر باغرىمدا.

ھەسرەتلەر ھەر ياندىن چېكىدۇ رۇجەك،
بىر شېرىن ئ‍ىستەكتە ئ‍ىنتىلسەم تاڭغا.
ئ‍اق چېچەك پەر قاققان باغلار پەرىشان،
دەرت تۆكەر زېمىستان سۆيگەن شامالغا.

يۇلتۇزى ئ‍اي كۆرگەن شەھەرلەر غېرىب،
ناتۇنۇش كوچىدىن يانغان ئ‍اھاڭدا.
چۈشلىرى بۇزۇلغان سەرسان بىر يۈرەك،
پىچىرلار قۇت تىلەپ ھەر كۈنى تاڭدا.

مۇڭلىنىپ كۆز قىسسا كوچا چىرىغى،
كۆڭۈلنى ئ‍ىزىدۇ جۇدالىق ھىدى.
ئ‍ۇپۇقتىن رەڭلەنسە غەمكىن ئ‍ايدالا،
مۇراتقا يېتىدۇ ئ‍اشىق تىلىكى !
بۇ يازمىنى ئاخىرىدا   shaidayi تەھرىرلىگەن. ۋاقتى  2016-1-23 02:47  

كۆز دېگەن كۆرمەيدۇ ئ‍ېيىتقىن نېمىنى،
  يۇقىرىقى مىسرانى  قايتا  ئوقۇپ  بېقىڭ،  ئازراق چىگىت  چېقىپ  قېلىشنى  ھېسابقا ئالمىغاندا باشقا  قىسىملىرى  بەك ياخشى  چىقىپتۇ  دەپ  ئويلۇدۇم  ئۆزەمچە.

يۇلتۇزى ئاي كۆرگەن شەھەرلەر غېرىپ،
ناتونۇش كوچىدىن يانغان ئاھاڭدا  .


بۇ مىسرالارنى بەك ياختۇردۇم ، يېڭىچە پىكىر  ئوتتۇرغا چىقىپتۇ مانا ！

مىنىڭچە ئاپتور  بۇ مىسرادا ، كۆز  ھەممە نىمىنى كۈرىدۇ  دەپ باقە نىمىنى كۆرمىگەن  دىگەن مەنىدە ئالغاندەك قىلىدۇ.

چۈشلىرى بۇزۇلغان سەرسان بىر يۈرەك،
پىچىرلار قۇت تىلەپ ھەر كۈنى تاڭدا.




                         بۇ مىسرانى بەك ياقتۇردىم. قەلىمىڭىزگە بەرىكەت  ئىجادىيىتىڭىزگە  ئىزچىللىق   تىلەيمەن.

ئەڭ ئاخىرقى كۇبلىتىنى بەكەرەك ياقتۇردۇم.دىدار غەنىمەت

   شەيدائىي ئاكامنىڭ  لىرىكىلىرى  ئادەمنى تۇيدۇرماي   گۈزەل  ھېسلارغا  باشلاپ كىرىدۇ.  تېىخىمۇ بەرىكەتلىك  بولۇڭ!

ئۆز يۇرتىغا بولغان مېھرى مۇھەببەتنى بەك ھېسياتلىق ئىپادىلەپسىز.

تىلەكلىرىڭىزگە يەتكەيسىز ئاكا! ئاشىقنىڭ ئوتلۇق لىرىكىلىرى ھەردەم ئۈزۈلمىگەي!

چۈشلىرى بۇزۇلغان سەرسان بىر يۈرەك،
پىچىرلار قۇت تىلەپ ھەر كۈنى تاڭدا.


بۇ مىسرالار ئۆزگىچە چىقىپتۇ ، سەرسان يۈرەك تاڭلاردا بەختىنى پىچىرلاپ تىلىگەن بولسا كەچ بولۇپ كەتكەن بولسىمۇ مەن ئۈنلۈك تىلەپ قۇياي     ، قەلىمىڭىز بەركەتلىك بولسۇن ....

تىلەكلەرنىڭ رىئاللىققا ئايلىنىشىغا تىلەكداشمەن.

شېئىر يامان ئ‍ەمەس چىقىپتۇ، لىكىن 1-مىسراغا گۇمىنى قىستۇرۇپ ئ‍ۆتۈشنىڭ ھاجىتى    يوقتەك تۇرامدۇ قانداق؟ شېئىردا بۇ يازمىنى ئاخىرىدا   پىنھانى تەھرىرلىگەن. ۋاقتى  2016-1-24 11:44  

   ئ‍ەسلىدە 1-مىسراسى:

قار ياغدى بۇ كېچە تۇيغۇمدا لەپ-لەپ

دەپ يېزىلغان ئ‍ىدى. بۇ شېئ‍ىرنى يوللىغان كۈنى كېچىدە گۇمىدا قار ياغدى. شۇنىڭ بىلەن شۇنداق ئ‍ۆزگەرتىپ يوللاپ قويدۇم. توغرا چۈشەنگەيسىز ! بۇ يازمىنى ئاخىرىدا   shaidayi تەھرىرلىگەن. ۋاقتى  2016-1-26 02:11  

مىسرالىرى بەكلا سۈزۈك، لىرىك چىقىپتۇ، ئ‍ىپادىلەش ماھارىتىڭىز بولىدىكەن، لىكىن ئ‍اخىرى سەل يىنىكلا ئ‍اخىرلىشىپ قالدىمۇ،،،