ھەسەنجان تىلىۋالدى: كۆڭلۈم يوق

ھەسەنجان دانىش · ۋاقتى: 2016-1-22 22:36:14


	كۆڭلۈم يوق ھەسەنجان تىلىۋالدى مىنى يامان دەپ بىلىپ قاچقانلارغا كۆڭلۈم يوق، ئەيىبىمنى بىر -بىرلەپ ئاچقانلارغا كۆڭلۈم يوق. ئىغىر كۈنلەر كەلگەندە، قايغۇ باشقا يەتكەندە، غەيۋەت قىلىپ كەينىمدىن ساتقانلارغا كۆڭلۈم يوق. دوست بىلمەيمەن يالغاندىن ماڭا كۈلۈپ باققاننى، مەن يوق يەردە ئۆسەك سۆز تاپقانلارغا كۆڭلۈم يوق. ئىيتىپ بەرسەم سىرىمنى ، بىلىپ تۇرۇپ قەلبىمنى، كۈلۈپ تۇرۇپ يۈزۈمگە سالغانلارغا كۆڭلۈم يوق. ماڭا مېھىر بەرگەنلەر بىر ئۆمۈرلۈك سىردىشىم، يېرىم يولدا بەل قويۇپ قايتقانلارغا كۆڭلۈم يوق. سۇنغىنىمدا قۇلۇمنى، توسۇپ مىنىڭ يولۇمنى، مەنزىلىمگە ئاق تىكەن چاچقانلارغا كۆڭلۈم يوق. نىشانىم بار ھاياتتا ۋىجدان بىلەن ياشايمەن، چىن ئەخلاقتىن، سۆيگۈدىن تانغانلارغا كۆڭلۈم يوق. كۈنلەر غەمدە ئۆتسىمۇ، شادلىق كۆزدىن يۈتسىمۇ، مۇھەببەتتىن بىر قەدەم يانغانلارغا كۆڭلۈم يوق. بۇ يازمىنى ئاخىرىدا Erchin تەھرىرلىگەن. ۋاقتى 2016-1-23 21:30

پىنھانى · ۋاقتى: 2016-1-24 11:57:48


	نىشانىم بار ھاياتتا ۋىجدان بىلەن ياشايمەن، چىن ئەخلاقتىن، سۆيگۈدىن تانغانلارغا كۆڭلۈم يوق. كۈنلەر غەمدە ئۆتسىمۇ، شادلىق كۆزدىن يۈتسىمۇ، مۇھەببەتتىن بىر قەدەم يانغانلارغا كۆڭلۈم يوق. ياقتۇردۇم.

ھەسەنجان دانىش · ۋاقتى: 2016-1-31 10:37:30


	پىنھانى يوللىغان ۋاقتى 2016-1-24 11:57 نىشانىم بار ھاياتتا ۋىجدان بىلەن ياشايمەن، چىن ئەخلاق ... ياختۇرغىنىڭىزغا رەھمەت .

ھەسەنجان دانىش · ۋاقتى: 2016-1-31 10:38:49


	بۇ شېئىرىم ياش مۇزىكانت قۇربانجان دىلشاتنىڭ مۇزىكا ئىشلىشىگە بىرىلدى .

ھەسەنجان دانىش · ۋاقتى: 2016-4-2 00:09:05


	گۈلۈم سىنى سۆيۈپ قاپتىمەن ھەسەنجان تىلۋالدى باھار ھېدى كەلدى يىراقتىن ، مەن چۈشۈڭگە كىرىپ قاپتىىمەن. سەنمۇ ماڭا كۆنگەن ئوخشايسەن، فۈلۈم سىنى سۆيۈپ قاپتىمەن . شۇنچە ئىللىق بىلىنەر سۆزۈڭ ، گويا ئايدەك خۇش كۈلەر يۈزۈڭ، دىلغا سۆيگۈ قالدۇردۇڭ ئۆزۈڭ ، گۈلۈم سىنى سۆيۈپ قاپتىمەن . غەمكىن كۆڭلۈم بەخىتكە چۈمدى ، يۈزلىرىمگە تەبەسسۇم قوندى، بۇ ھاياتىم شادلىققا تولدى، گۈلۈم سىنى سۆيۈپ قاپتىمەن. ئارمانلىرىم قۇش بولدى گويا ، بەكمۇ گۈزەل تۇيۇلدى دۇنيا، قىزغانماقتا تاڭدىكى سابا، گۈلۈم سىنى سۆيۈپ قاپتىمەن. 2016-يىل 28-مارت بۇ شېئىرىم ياش مۇزىكانت ئابدۇراخمان ئابلەتكە بىرىلدى .

ھەسەنجان دانىش · ۋاقتى: 2016-4-4 16:49:25


	كۈتتۈم سىنى ھەسەنجان تىلىۋالدى يالغۇز قالغان چاغلاردا مەن، گۈل ئېچىلماس باغلاردا مەن، يۈرەك كۆيۈپ داغلاردا مەن، كۈتتۈم سىنى ،كۈتتۈم سىنى. جاندىن ئۆتتى تەشنالىقىم ، دىلنى قىينار سەۋدالىقىم، كۆزى قارا خۇمارلىقىم ، كۈتتۈم سىنى ،كۈتتۈم سىنى. كەتتى نەچچە ئىللىق باھار، قىلالمىدىم كۆڭۈل ئىزھار، ئاشىق بولۇپ ساڭا نىگار، كۈتتۈم سىنى ،كۈتتۈم سىنى. بولساڭمۇ يار مەندىن يىراق، ئۆرتەنسىمۇ ھەسرەت پىراق، ۋاز كەچمىدىم سەندىن بىراق، كۈتتۈم سىنى ، كۈتتۈم سىنى . كەلگىن نىگار يېنىمغا بىر ، بىرىپ ئۆتەي ساڭا مېھىر ، قالمىسۇن ھېچ يۈرەكتە سىر، كۈتتۈم سىنى ، كۈتتۈم سىنى . بۇ تېكىستمۇ ئىجادىيەت ئۈستىدە .

ھەسەنجان دانىش · ۋاقتى: 2016-4-7 10:27:00


	ئېلى دىيارى ھەسەنجان تىلىۋالدى قەلبى گۈزەل ئۇيغۇرنىڭ بېغى گۈلزارى ، ئۈزۈلمەيدۇ باغرىڭدا ھايات باھارى . يەتسۇن ساڭا ناخشامدا كۆڭۈل ئېزھارى، قەددى سۇنماس جانىمسەن ئېلى دىيارى . كەڭرى كەتكەن پايانسىز بوستانلىرىڭ بار، رىزۋانگۈلدەك تىللاردا داستانلىرىڭ بار، سادىر پالۋان، غېنىلاردەك ئوغلانلىرىڭ بار، مەڭگۈ شەرەپ -شانىمسەن ئېلى دىيارى. كۈتسىمۇ گەر بىر-بىرلەپ زامان مىڭ خىلنى، تارىخلاردىن ئەسلەيمەن سەن باسقان يىلنى، ئىش-ئىزلىرىڭ ھەرقاچان يۇرۇتار دىلنى، ئاسمىنىمدا ئايىمسەن ئېلى دېيارى . سىنى كۈيلەپ بىر ئۆمۈر مەردانە ئۆتەي، ئۆز بەختىمنى سۆيۈملۈك قوينىڭدا كۈتەي، سەن بىلەن تەڭ ئۆرلەشنى دىلىمغا پۈكەي، ھاياتىمسەن ، بارىمسەن ئېلى دىيارى . مەزكۇر ناخشا تېكىستى غۇلجا دىيارىدىكى ياش كۈيچى تاھىر شېرىپجانغا بىرىلدى .