ئۆزيول : توي خېتى

ئۆزيول · ۋاقتى: 2016-1-20 20:31:16


	مۇختار داۋۇت ئۆزيول توي خېتى بوراننىڭ ھۇۋلىشى ئۆينىڭ ئىچىدە، تاملارنىڭ تېرىسى سويۇلغان قات-قات. ئىشىكلەر ئايلانغان ئاخىرقى يولغا، سۈكۈتتە بۇقۇلداپ يىغلايدۇ كارىۋات. چىراغلار سېلىۋەتكەن كىيىملىرىنى، چاچىدۇ ئېرەنسىز خىرە-شىرە نۇر. پەردىلەر رەڭگىنى يوقاتقان تامام، يوق بۇندا ھاياتتىن قىلچىلىك ھوزۇر. تۇرىدۇ قولۇمدا يېتىم بالىدەك، بىر ئاپقۇر مۇھەببەت، بىر جۇپ توي خېتى. كۆڭۈلنىڭ كوزىسى كەتكەن چېقىلىپ، قاچىمەن مەن ئۇنى تاشلىغان پېتى!... 2016-يىل 20-يانۋار، ئۇچتۇرپان بۇ يازمىنى ئاخىرىدا Erchin تەھرىرلىگەن. ۋاقتى 2016-1-21 10:36

تۆرىبەگ قىزى · ۋاقتى: 2016-1-20 23:39:00


	شېئىرىڭىز يامان ياخشى چىقىپتىكەن، ئەمما شەكلى، تەرتىپى قالايمىقان بولۇپ كېتىپتۇ ئۆز يول ئاكا. بىمالال ئوقۇپ بەھۇزۇر زوقلاندىم بولمىسا...

ھۈكەر · ۋاقتى: 2016-1-20 23:53:59


	شېئىرىڭىزنىڭ مەزمۇنى بەك ياخشى چىقىپتۇ... لېكىن سەل قالايمىقان بولۇپ قاپتۇ. تۇرىدۇ قولۇمدا يېتىم بالىدەك، بىر ئاپقۇر مۇھەببەت، بىر جۇپ توي خېتى. كۆڭۈلنىڭ كوزىسى كەتكەن چېقىلىپ، قاچىمەن مەن ئۇنى تاشلىغان پېتى!... بۇ مىسرالار ئادەمگە بىرخىل تۇيغۇ ئاتا قىلىدىكەن... ھارمىغايسىز!!

ياسنجان · ۋاقتى: 2016-1-21 00:06:40


	شېئىرنىڭ مەزمۇنغا قارغاندا يۇشرۇن مەنالار باردەك بىلىندى . ياخشى چىقىپتۇ شېئىرڭىز ، داۋاملىق ئىسىل شېئىرلىرڭىزنى سۇنغايسىز ...

Erchin · ۋاقتى: 2016-1-21 00:25:47

مۇھاجىر · ۋاقتى: 2016-1-21 01:12:06


	ياخشى چىققان تەرىپى ：ئىشىكلەر ئايلانغان ئاخىرقى يۇلغا ، سۈكۈتتە بۇقۇلداپ يىغلايدۇ كارۋت. بۇ مىسرادا غېرىپلىقنىڭ ،تەنھالىقنىڭ ھەسرىتى ئەكىس ئەتتۈرلۈپتۇ . شەخسىي پىكرىم ：چىراغلار كىيىملىرىنى سېلىۋەتكەندىن كىيىن ،تىخىۇ نۇر چاچسا بوپتىكەن . بۇ پىكرىم شېئىرنىڭ ئومومىي قۇرۇلمىسىغا تەسىر يەتكۈزىشى مۇمكىن ، لىكىن قارىشىسىدىن چىقىپ ئىسپاتلاشمۇ بىر خىل ئۇسلۇپ ！ ئاتىكاچىلىق قىلپ قويدۇم ھەرقايسى ئۇستازلار توغرا چۈشەنگەي ！！！

ئۆزيول · ۋاقتى: 2016-1-21 10:34:32


	ئاخشام يوللىغاندا ئاشۇنداق تەرتىپسىز بولۇپ كەتكەنىدى. مانا ھازىر ئوڭشىلىپتۇ. ھەرقايسىڭلارنىڭ كۆڭۈل بۆلۈپ، سەمىمىي تەكلىپ-پىكىرلەرنى بەرگىنىڭلارغا تەشەككۈر!

Gulnisa · ۋاقتى: 2016-1-21 13:35:39


	شېئىرىڭىز ماڭا ئىستىتىك ھوزۇر ئاتا قىلدى،قولىڭىزغا دەرد بەرمىسۇن ، داۋاملىق يوللاپ تۇرۇشىڭىزنى ئۈمىد قىلىمەن!!!

زوقلان · ۋاقتى: 2016-1-21 13:52:34


	يۇقارقى شېئىرىڭىز مەزكۇر تورغا يوللانغان تۆۋەندىكى شېئىرىم بىلەن مەسلەكداش بوپتۇ ئاجرىشىش پەرھات باھايىدىن ئاشۇ بىر پۈتۈككە يازدىم ئىسمىمنى، ھاياتىم بىردىنلا چوڭقۇر ئۆزگۈرۈپ. دىلىمدا يىنىك بىر ئىشىك غىچىرلاپ، تالانىڭ كەينىدىن كەتتىم يۈگۈرۈپ. زاۋال پەردىسى تارتىلغان كۈلبە، قەھرىتان ئۇۋىلار بىر تۈپ دەرەختە. ھىچنىمە قالمىدى كېچىدىن باشقا، كەچمىشلەر قاناتقان تەنھا يۈرەكتە. شىمال قېچىۋاتقان ، جەنۇپ توختاپ قالغان، تۆڭلۈكتىن نائىلاج چۈشىدۇ ئاپتاپ. زۇۋانغا كىلەلمەي قارا بەختتىن، مەجبۇرمەن ياشاشقا ئۆزۈمنى ئالداپ. 2015 – يىلى 3 – ئاينىڭ 1 – كۈنى ، كەچ

قەلئە · ۋاقتى: 2016-1-21 16:27:39


	تۇرىدۇ قولۇمدا يېتىم بالىدەك، بىر ئاپقۇر مۇھەببەت، بىر جۇپ توي خېتى. كۆڭۈلنىڭ كوزىسى كەتكەن چېقىلىپ، قاچىمەن مەن ئۇنى تاشلىغان پېتى!... مۇشۇ كۇپلېت بەك ياخشى چىقىپتۇ، تۇيۇقسىز بىر كۇپلېت شېئىر يېزىش ئىلھامىمنى ئويغاتتى. يۇقىرقى ئىنكاسلارغا ئۇلاپ: ئۇ پەقەت چۈشۈمدۇر ئوڭۇمدىن يىراق، ئۆتىمەن تۇرمۇشنى مەجبۇرى سۆيۈپ. كۆنۈپمۇ قاپتىمەن سۆيۈلمەي ياشاپ، مەۋھۇم بىر بەختنى خىيالىي كۈتۈپ.

ئەرتېكىن · ۋاقتى: 2016-1-21 17:04:42


	شېئىرنىڭ ماۋزۇسى «توي خېتى» بولغانىكەن، دېمەك، ئىپادىلىمەكچى بولغان مەزمۇن ۋە مەنە توي خېتىنى چۆرىدەپ بولىۋاتىدۇ دېگەن سۆز. ھىس قىلىشىمچە ئالدىنقى ئىككى كۇبلىت شېئىرنىڭ پوستى بولۇپ، يادروسى ئۈچىنچى كۇبلىت. ئالدىنقى ئىككى كۇبلىتتا ئىپادىلىمەكچى بولغان مەنە ئەمەلىيەتتە ئۈچىنچى كۇبلىتنىڭ ئۈچىنچى مىسراسىغىلا يىغىنچاقلانغان. «بوراننىڭ ھۇۋىلىشى، تاملارنىڭ تېرىسىنىڭ سۇيۇلۇشى، چىراغلارنىڭ قىپيالىڭاچ بولۇپ خوش ياقار-ياقماس نۇر چېچىشى، پەردىلەرنىڭ رەڭگىنى يوقىتىشى...» ئەمەلىيەتتە نېمە؟ - ئەمەلىيەتتە، تۇرمۇش ئۆز ھۇزۇرىنى يوقاتتى، مۇھەببەتسىز تۇرمۇشتىن كۆڭۈل سۇ ئىچمىدى دېگەنلىك. بۇنداق ئەھۋالدا توي خېتىنىڭ قانچىلىك ئەھمىيىتى بولسۇن؟!

ئابدۇرېھىم زۇنۇ · ۋاقتى: 2016-1-21 17:26:41


	ياخشى چىققان شېئىر ئىكەن، ياقتۇردۇم. قۇت بولسۇن ! بۇ يازمىنى ئاخىرىدا ئابدۇرېھىم زۇنۇ تەھرىرلىگەن. ۋاقتى 2016-1-21 17:27

تاشيولچى · ۋاقتى: 2016-1-21 17:30:00


	شېئىرنىڭ مەناسى ئىچىمنى ئازاپلىدى. ئاپتۇرغا يەنىمۇ بەرىكەت تىلەيمەن!

S.M.Ramizan · ۋاقتى: 2016-1-21 19:01:40


	ئەرتېكىننىڭ مۇلاھىزىسى ئۇرۇنلۇق بوپتۇ، سىنالمىغان مۇھەببەتتىن كېيىنكى توي، تويدىن كېيىنكى ئازاپ، بىزارلىق، مۇھەببەتسىز تۇرمۇش ..... ئوبدان ئىپادىسىنى تېپىپتۇ. ھارماڭ!

ئۆزيول · ۋاقتى: 2016-1-21 19:43:41


	رەھمەت ئەزىزلەر. قىممەتلىك ۋاقتىڭلارنى ئاجرىتىپ يازمامغا كۆڭۈل بۆلۈپسىلەر. ئەنۋەرجان 1-، 2-كۈبلېتتا يارىتىلغان شېئىرىي مۇھىت، دەل سىز دەۋاتقان 3-كۇبلېت 3-مىسرادىكى يادرولۇق گەپنى دېيىش ئۈچۈن بولسا كېرەك، دەپ ئويلىدىم.