ئەركىن: قارا چېچىم خەيرى خوش

قارا  چېچىم  خەيرى   خوش  

ئەركىن  نۇر   تۆمۇريول  

مەنمۇ  تېخى  تۇرمۇشۇمدىن  غەملەر  يىمەستىن،
كېتىپ  قالدى  قارا  چېچىم  خوش-خوش  دېمەستىن  .
ئوخشاپ  قالدىم  بىر  بوۋايغا يىشىم  ئەللىكتە،
ئۈسسۈپ  كىرگەچ  ئاپئاق چاچلار  پوش-پوش  دېمەستىن.


كېرىپ كىلىپ  ئاپئاق  چاچلار  ياشلىق  يۈتمەستىن،
بىسىپ  ئالدى  باش  يۈزۇمنى كۆزگە  ئىلماستىن.
بۇ  ئۆتكۇنچى دۇنيا  ئىكەن  ئىنسانلار  كارۋان،
ئامال  يوقكەن  بىز  بۇنىڭغا   ماقۇل  دېمەستىن.

قاۋۇل  بەدەن، تەنلىرىمدىن  كۈچۈم  كەتمەستىن،
كېتىپ قالدى  قارا چېچىم  قېرلىق  يەتمەستىن.
بەلكى  شۇنداق  مۇساپىسى  ھايات  دېگەننىڭ،
نېمە  دەيمەن  مەن  بۇنۇڭغا  قايىل  بولماستىن.


بۇ يازمىنى ئاخىرىدا   bagyar تەھرىرلىگەن. ۋاقتى  2016-1-14 22:32  

ئىملا خاتالىقىنى ھىسابقا ئالمىغاندا  ياخشى يىزىپسىز. تىخىمۇ تىرىشىڭ. بۇ يازمىنى ئاخىرىدا   ئارف تەھرىرلىگەن. ۋاقتى  2016-1-15 14:00  

ئاق چاچنىڭ ئامالى،چاچ بويىقى;چاقچاق قىلىپمۇ قويدۇم،شېئىرىڭىزنىڭ پەلسەپىيلىكى يۇقىرى،يېقىملىقكەن،راستىنى دىگەندە  يىللارنىڭ بىزگە بەرگەن سوۋغىسىنى قۇبۇل قىلماي ئامالىمىز يوق.

ياخشى چىقىپتۇ، قەلەم ھارمىغاي!!!

ئەركىن نۇر ئەپەندى، ‹‹تەڭرىتاغ››دىن تۆمۈر يولغا چىقىپسىز-دە؟ تۆمۈر يولغا چىقىپلا رېلىسسىمان شېئىرلارنى تۈزگىنىڭىزنى قاراڭ؟! بۇرۇنقى ئەركىن نۇر بولۇڭ، ئەپەندى، بۇ ئىشلارمۇ ئۆتۈپ كېتىدۇ...

‹‹ قاۋۇل  بەدەن، تەنلىرىمدىن  كۈچۈم  كەتمەستىن،
كېتىپ قالدى  قارا چېچىم  قېرلىق  يەتمەستىن.
بەلكى  شۇنداق  مۇساپىسى  ھايات  دېگەننىڭ،
نېمە  دەيمەن  مەن  بۇنۇڭغا  قايىل  بولماستىن.››


بارىكاللا ، ياقتۇردۇم .  ھارمىغايسىز !!!

تورداشلارنىڭ  بەرگەن  قىممەتلىك  پىكىرلىرى  ماڭا  كۆپ  ئىلھام  بولغىسى  .قىرىنداشلار ھەممىڭلارغا
كۆپ  رەخمىتىمنى   بىلدۇرىمەن

ئاق  چاچنى  بوياق بىلەن  قارايتۋالغىنى  بولغىنىدەك  ،  ئۆتۇپ  كەتكەن  ئۆمۇرنىمۇ  ياندۇرۇۋالغىنى  بولسىدى  ھە  .سىزگە  رەخمەت  

رەخمەت  سىزگە