ئابدۇرېھىم زۇنۇن: ھاياتلىق يېشىمى

ئابدۇرېھىم زۇنۇ · ۋاقتى: 2016-1-6 17:03:28


	ھاياتلىق يېشىمى ئابدۇرېھىم زۇنۇن «گۈل» پۇرىغان چاغدا تۇنجى رەت، چۆمۈلىسەن تاتلىق تۇيغۇغا . تاتلىقلىقتا تەڭ كېلەلمەس ئۇ، سەھەردىكى شېرىن ئۇيقۇغا . كەچمىكىڭ تەس، تاتلىق بولىدۇ بىلسەڭ دوستۇم، غەپلەت ئۇيقۇسى . تاڭ بىلەن تەڭ ئېرغىپ تۇرمىساڭ، ئۇ ئۆمۈرلۈك داغدا قويغۇسى . ...................... تەققاسلىساڭ تاڭغا ياشلىقنى، بىر دەمدىلا بولار چۈش، پېشىم... بارماق چىشلەپ قالىسەن كەچتە، بېرەلمىسەڭ سەھەرگە يېشىم . ئاغرىنىش ئوت كەتتى كەڭ تەكلىماكانغا، ئەتراپ بۇ دەم ئاقارغان تونۇر . بارخانلارنى يالمايدۇ گۈلخان، يېرىلغۇدەك سوقىدۇ تومۇر . كۆككە ئۆرلەپ يالقۇنلايدۇ ئوت، كۆيەر ئالەم ئەركىسى قۇياش . پاناھىڭدا ساقلا ئىلاھىم، يۈرەك ئېغىپ، چىڭقالماقتا باش. ئاسفالت يول ياتار سوزۇلۇپ، بارخانلارنىڭ باغرىدا تەرلەپ . لېۋى گەز-گەز يېرىلغان كوڭكا، ئالغا قاراپ ئېتىلار ھەدەپ … ئوتقا چۈشكەن يېگانە قىلدەك پۇچىلاندىم، تولغاندى يۈرەك . كۆكسۈم ــ سەندەل، ئۇرۇلدى بازغان، نەپەس ئېلىش قىيىنلاشتى بەك . …………………… ئۆز-ئۆزۈمگە ئەيلىدىم خىتاب، ئېيتقىنا بۇ نېمە كارامەت ؟! توڭغانغا ئوت، ئۇسسىغانغا سۇ بەرمەس نېچۈن ئانا تەبىئەت ؟! 2006-يىلى 7- ئاينىڭ 17- كۈنى ئاپتۇۋۇز بۇ يازمىنى ئاخىرىدا Erchin تەھرىرلىگەن. ۋاقتى 2016-1-6 17:54

aqma · ۋاقتى: 2016-1-6 17:53:54


	بۇ ئىككى شېئىر ھەقىقەتەن ھەقدادىغا يەتكۈدەك ياخشى يېزىلىپتۇ. بۇ شېئىردىكى تۈۋەندىكى بىركۇبلىت بولسا ئاجايىپ يېزىلىپتۇ. ئوت كەتتى كەڭ تەكلىماكانغا، ئەتراپ بۇ دەم ئاقارغان تونۇر . بارخانلارنى يالمايدۇ گۈلخان، يېرىلغۇدەك سوقىدۇ تومۇر .

mahatjan · ۋاقتى: 2016-1-6 18:53:03


	ئۆز-ئۆزۈمگە ئەيلىدىم خىتاب، ئېيتقىنا بۇ نېمە كارامەت ؟! توڭغانغا ئوت، ئۇسسىغانغا سۇ بەرمەس نېچۈن ئانا تەبىئەت ؟! بۇ شىئېردا:- تەبىئەتتىكى ھاياتلىق ئامىللىرى بىز ئىزدەپ بېرىپ ئۇنىڭدىن پايدىلانمىساق،بىزنى ئۇلار ئىزدىمەيدۇ.ئېرىقتىكى سۇ ئۆز يولىغا ئېقىپ كىتىۋىرىدۇ.بىز ئۇسسىغاندا ئۇنى ئىزدەپ تېپىپ ئىچىشىمىز كىرەك،دىگەن ھەقىقەتنى ئىپادىلىگەنلىرىگە ئاپىرىن.

مۇھەممەدجان · ۋاقتى: 2016-1-6 19:37:50


	تەققاسلىساڭ تاڭغا ياشلىقنى، بىر دەمدىلا بولار چۈش، پېشىم... بارماق چىشلەپ قالىسەن كەچتە، بېرەلمىسەڭ سەھەرگە يېشىم . ئېسىل

بالقىشى · ۋاقتى: 2016-1-6 20:36:58


	ھەقىقەتەن ئىسىل يېزىلىپتۇ ، چوڭقۇر ھايات ھىكمەتلىرىگە تويۇنغان شېئىرلىرىدىن سۆيۈندۈم!

ئابدۇرېھىم زۇنۇ · ۋاقتى: 2016-1-6 22:40:59


	ئۆزۈمگە دەرياغا كېمە سال، چىق ئۇ يان قاشقا، ئۇرما شۇ كېمەڭنى خەتەرلىك تاشقا. باش قاتۇر، ھەرئىشنى ئەقىل بىلەن قىل، بولمىسا تولىدۇ كۆزۈڭ لىق ياشقا.

ئابدۇرېھىم زۇنۇ · ۋاقتى: 2016-1-7 15:56:35


	aqma يوللىغان ۋاقتى 2016-1-6 17:53 بۇ ئىككى شېئىر ھەقىقەتەن ھەقدادىغا يەتكۈدەك ياخشى يېز ... مەرھابا ! ئىلھام-مەدەتلىرىڭىزگە رەھمەت!

ئابدۇرېھىم زۇنۇ · ۋاقتى: 2016-1-7 19:42:58


	نامەردلەر ھەمىشەم يېتىپ ياشايدۇ، رەقىبكە ئەل-يۇرتنى سېتىپ ياشايدۇ. نادانلىق تۇمانى تورىغاچ قات-قات، قەدەمدە قۇرۇق گەپ سېتىپ ياشايدۇ.

قىيان. · ۋاقتى: 2016-1-7 23:29:28


	ئىككى شېئىرنى ئوقۇپ سۆيۈندىم تەنلىرىگە سالامەتلىك ، قەلەملىرىگە ئۇتۇق تىلەيمەن .

ئابدۇرېھىم زۇنۇ · ۋاقتى: 2016-1-8 17:32:34


	mahatjan يوللىغان ۋاقتى 2016-1-6 18:53 ئۆز-ئۆزۈمگە ئەيلىدىم خىتاب، ئېيتقىنا بۇ نېمە كارامەت ؟ ... جاپا چېكىپلا. رەھمەت!

ئا.توختى · ۋاقتى: 2016-1-8 23:46:46


	گۈزەل مەنزىللەرگە يول باشلاپ كەلگەن گۈزەل ئەشئارلىرىنى سۆيۈنۈش ئىچىدە قايتا - قايتا ئوقۇپ چىقتىم ئۇستاز! كۆپرەك كۆرۈپ تۇرساق بولاتتى.

ئابدۇرېھىم زۇنۇ · ۋاقتى: 2016-1-9 18:40:13


	مۇھەممەدجان يوللىغان ۋاقتى 2016-1-6 19:37 تەققاسلىساڭ تاڭغا ياشلىقنى، بىر دەمدىلا بولار چۈش، پې ... ھارماڭ! ئىلھام بەرگىنىڭىزگە رەھمەت!

~مارشال~ · ۋاقتى: 2016-1-9 20:04:18


	ئۆز-ئۆزۈمگە ئەيلىدىم خىتاب، ئېيتقىنا بۇ نېمە كارامەت ؟! توڭغانغا ئوت، ئۇسسىغانغا سۇ بەرمەس نېچۈن ئانا تەبىئەت ؟! بارىكاللا !!

~مارشال~ · ۋاقتى: 2016-1-9 20:05:07


	نامەردلەر ھەمىشەم يېتىپ ياشايدۇ، رەقىبكە ئەل-يۇرتنى سېتىپ ياشايدۇ. نادانلىق تۇمانى تورىغاچ قات-قات، قەدەمدە قۇرۇق گەپ سېتىپ ياشايدۇ. رەھمەت !

ئابدۇرېھىم زۇنۇ · ۋاقتى: 2016-1-10 10:24:00


	تاغدەك زەر-گۆھەردىن قىممەتلىك پاكلىق، ئەقىلنى بۇلغايدۇ مەينەتلىك ــ چاكلىق . ئەزىزلە ئۆزۈڭنى، پاك تۇت گېلىڭنى، بولىمىز ئاخىرى توپىلىق ــ خاكلىق…