مەخەت ئابدۇرېھىم: مەندىكى ھايات

mahatjan · ۋاقتى: 2016-1-5 20:32:24


	مەندىكى ھايات مەخەت ئابدۇرېھىم مەن مۇئەللىم بىلىم ئىشقىدا يانغان، قەلبىمدە جۇش ئۇرار ئوتلۇق مۇھەببەت. بالىلار ئۈچۈن ھەم ئارزۇيۇم مەشئەل، بىلىم دەپ يۈرۈگۈم سوقۇدۇ پەقەت. مەرىپەت باغچىسى مىنىڭ ماكانىم تەپەككۇر قىلىمەن گۈللەرگە قاراپ. ھەر گۈلدە دەۋرىمنىڭ نۇرى جۇلاسى، چاقنايدۇ دىللارغا ئۈممۈت بېغىشلاپ. مەن مۇئەللىم قەلبىم گويا بىر بۇلاق، تەشنا دىللارغا ھەم بال بولۇپ ئاققان. خەلقىمنىڭ ئىستقبال كەلگۇسىنى دەپ، بالىلار قەلبىگە نۇر چىراق ياققان. ئالەمگە قارىسام سۆزلەيدۇ كۆزۈم، مەرىپەت باغچىسى بىر گۈزەل جەننەت. ھەسەلنى ھەرىلەر يىغمىسا گۈلدىن، بولمايدۇ چىچەكتە ھېچقانداق لەززەت. مەرىپەت ئۇرۇقىنى دىللارغا چاچسام، بالىلار ئۇچۇشقا چىقارسا قانات. يۇلتۇزدەك چاقنىسا بالىلار كۆكتە، قىممەتلىك بولاتتى مەندىكى ھايات. بۇ يازمىنى ئاخىرىدا Erchin تەھرىرلىگەن. ۋاقتى 2016-1-6 00:10

Erchin · ۋاقتى: 2016-1-5 23:21:56


	رېتىم، تۇراق ئىزچىللىقى قېنى؟

mahatjan · ۋاقتى: 2016-1-6 15:05:04


	كىسىۋەتمە تىرەكنى، تىشىۋەتمە چىلەكنى. دەسسىۋەتمە پىلەكنى، چىنىقتۇرغىن بىلەكنى. ئۇنۇتما بۇ تىلەكنى، ئۇنتۇپ كەتكىن بۆلەكنى، تاشلىما يار-يۆلەكنى. قارلار ياغدى لەپىلدەپ، قولۇڭغا ئال كۆرەكنى، كىيىمىڭنى قىلىن كىي، ئىسسىق تۇتقىن بۆرەكنى كىسىۋەتمە تىرەكنى مىۋىسىز دەپ ئالدىراپ كىسىۋەتمە تىرەكنى، ئىچىپ بولۇپ سۈيىنى، تىپىۋەتمە چىلەكنى. تىرەك بىلەن چىلەكنىڭ ئۆزىگە خاس رولى بار، سويمىسىنى يىگەندە ئەسلەپ قويغىن پىلەكنى. ساغلام ئۆسكەن تىرەكنىڭ غولى ئۆينىڭ تۈۋرۈكى، ھەتتا كىچىك شېخىدا سالالايسەن كىتەكنى . زىمىستاندا ۋە يازدا،يەر ئاستىدىن سۇ يىغىپ، يىلتىز شۇنداق مۇقەددىس،ئېچىلدۇرار چىچەكنى. ئىمىزگىدە ئىمىپ سەن،شۇ ئىنەكنىڭ سۈتىنى، ئارقىدىنلا كالا دەپ تىللايسەن شۇ ئىنەكنى. بارماق بىلەن بىلەك بىر،تومور بىلەن يۈرەك بىر، يالغان دىسەڭ سىناپ كۆر،باغرىڭدىكى يۈرەكنى. بۇ يازمىنى ئاخىرىدا mahatjan تەھرىرلىگەن. ۋاقتى 2016-1-6 15:08

mahatjan · ۋاقتى: 2016-1-7 19:21:41


	بىر جىڭ مەي چىقارمىش تۆت باش قوناقتىن، شۇڭلاشقا چىقمايمەن دائىم قاۋاقتىن. مەي ئىچسەم بەزىدە قالىمەن گاھى، ئەتىسى يەيدىغان ئۈچ ۋاق تاماقتىن. مەي ئىچسەم ئۇخلىماي كوچا كېزىمەن، گوياكى ئۆزۈمنى يولۋاس سېزىمەن. شىرلارنى كۆرگەندە ئۆتىمەن ئەگىپ، قويلارنى ئۇچراتسام بېشىنى ئېزىمەن

mahatjan · ۋاقتى: 2016-1-7 19:21:49


	بىر جىڭ مەي چىقارمىش تۆت باش قوناقتىن، شۇڭلاشقا چىقمايمەن دائىم قاۋاقتىن. مەي ئىچسەم بەزىدە قالىمەن گاھى، ئەتىسى يەيدىغان ئۈچ ۋاق تاماقتىن. مەي ئىچسەم ئۇخلىماي كوچا كېزىمەن، گوياكى ئۆزۈمنى يولۋاس سېزىمەن. شىرلارنى كۆرگەندە ئۆتىمەن ئەگىپ، قويلارنى ئۇچراتسام بېشىنى ئېزىمەن مەيخۇمارىم بېسىلمايدۇ پاتپات ئوتلاپ تۇرمىسام، ئارقىدىنلا قەدەھنى مەي بىلەن لىقلاپ تۇرمىام. مەيگە بولغان تەشنالىقىمنى مەي بىلەن يۇيۇپ، ئارقىدىنلا يۈركۈمنى تاماكىدا ئىسلاپ تۇرمىسام. بۇ يازمىنى ئاخىرىدا mahatjan تەھرىرلىگەن. ۋاقتى 2016-1-7 19:24

mahatjan · ۋاقتى: 2016-1-9 17:44:29


	ناخشىلار. مەخەت ئابدۇرېھىم ھەرىجان كىچىككىنىە ھەرىجان، كۆكتە پەرۋاز قىلىسەن. كۆرۈپ گۈزەل چىچەكنى، باققا دەرھال كىلىسەن. سەيلە قىلىپ گۈللەرنى، گۈلدىن ھەسەل يىغىسەن. ئەجرىڭ بىلەن ئىسانغا، شىرىن لەززەت بىرىسەن. خۇشال بولسا ئىسانلار، سەنمۇ خۇشال بولىسەن. يەنە ھەسەل يىغاي دەپ، شاختىن-شاققا قونىسەن. باغۋەنگە سالام يۇلتۇز سۈپەت چېھرى بار، قوياش كەبى مېھرى بار. مەرىپەتتىن سېھرى بار، گۈزەل باغۋەنگە سالام. ئىلمى-ئىرپان بېغى بار، ئۇلەغ نىشان تېغى بار، نەۋ باھاردەك چېغى بار، گۈزەل باغۋەنگە سالام. تالاي تاغدەك ئەجرى بار، گۈزەل باغدەك مېھرى بار، ئەقىل-ئىدراك سەۋرى بار، گۈزەل باغۋەنگە سالام. ئانام ياققان بۇ توقاچ ئاچتى قوساق تالادا، تۇرغاچ سوغاق ھاۋادا. دىدىم؛-ئانا توقاچ بەر، دىدى؛-ئانام ئوتون تەر. ئوتون تەردىم بىر قۇچاق، توقاچ ياقتۇق بىر ئوچاق، ئانام شىكەر ماي سالغاچ، بەكمۇ تاتلىق بۇ توقاچ. قاتتىق سوغاق ھاۋادا. تۇرغاچ ئۇزاق تالادا، بەكمۇ تاتلىق تېتىدى، ئانام ياققان بۇ توقاچ. مەخەت ئابدۇرېھىم

mahatjan · ۋاقتى: 2016-1-9 18:40:20


	ئوقۇتقۇچى ئەجەپ يېقىملىق شۇ قەدەر، ‹‹ئوقۇتقۇچى››دېگەن بۈيۈك نام. ئوقۇتقۇچى ھېكمەت پۈتكۈچى، ئىنسان قەلبىگە چىراغ ياققۇچى، نۇر چاچقۇچى ،گۇيا شام. ئوقۇتقۇچى، يۇرۇقلۇق بەرگۈچى بىر قۇياش ئۇ. يۇرۇتار سەبىيلەرنىڭ دىلىنى، كۆرسىتەر ئادەم بولۇش يۇلىنى. ئۇ ھەم قۇرۇماس بۇلاق، چاڭقاپ كەتكەن دىللارغا بىرەر سۇ. ئوقۇتقۇچى، ئىلىم غەزىنىسىنى ئاچقۇچى. سەبىيلەرنىڭ ھامىيسى، ھېكمەت سىرىنى يەشكۈچى. ئۇ پىداكار جەڭچى، مېھرىبان ئانا، تەلەپچان دادا، ئەقىل دۇردابىلىرىنى چاچقۇچى. ئوقۇتقۇچى، ئۇ ئىنساننى كامەلەتكە باشلىغۇچى. بار ئۇنىڭدا پاك مۇھەببەت، ئىلىمگە ،كەسىپگە چوڭقۇر! ئۇ ئويغاتقۇچى، تەپەككۇرغا يېتەكلىگۈچى، ئەقىل ئىزدىگۈچى، جاھالەت ،نادانلىقنى دەپنە قىلىپ تاشلىغۇچى. ئوقۇتقۇچى، ئۇ مەرىپەت مەشئىلى، قەلىبلەرگە يول تاپقۇچى. ئاۋات شەھەر بازارلاردا، يېزا-سەھرا ،قىشلاقلاردا، چولپان كەبى نۇر چاچقۇچى. ئوقۇتقۇچى، تۆھپىكار ئىنسان، كىچىك پىئىل ، باشقىغا يول بېرىپ، يول تالاشمايدىغان. كەمتەر،ئەپۇچان، قول بېرىپ ئۆزگىگە، قول تالاشمايدىغان. ئوقۇتقۇچى، ئۇ ھارماس تۇلپار، ئۇنىڭ كۈنى ،تۈنى، ئۆتمەس راھەتتە. ئۇ ،ئالمايدۇ ئارام. چەكسىمۇ مىڭبىر جاپا، قىلچە ۋايسىماس، ھەمرادۇر ئاڭا، يۈكسەك غەيرەت ۋە چىدام. ئوقۇتقۇچى، كۈلسە سەبىيلەر، ئۇچسا سامادا بولۇپ نەۋقىران، يايرايدۇ تېنى بولۇپ شاد -خۇرام. لېكىن تىلىمەس، مەڭگۈ –مەڭگۈگە، شۆھرەت،تاما-نام. ئوقۇتقۇچى، مەن دەيمەن، ئولۇغلار ئىچىدىكى ئولۇغ ئىنسان. تۇرۇپ ھۆرمەتتە، قولۇم كۆكسۈمدە، ئاڭا بىلدۈرىمەن چوڭقۇر ئېھتىرام.

mahatjan · ۋاقتى: 2016-1-12 22:34:48


	ئاتىلار بايرىمىغا بېغىشلاپ سەن ئىدىڭ تاغدەك قەدىرلىك ئىنسان، باغرىڭدا كۆكلىگەن نوتا - سۇمبۇللار. ئاتەشلىك ھارارەت قەلبىڭدىن چىققان، مىھرىڭنىڭ بۇلاقىدىن ياشنىغان جانلار. سەن ئىدىڭ ۋاپادار ۋىجدانلىق ئىنسان، لەۋزىڭدىن يىتەتتى دىللارغا شاتلىق. قۇلۇڭدىن كەلگەننى ئاتايتتىڭ ئەلگە، سەن بىلەن ئۆتەتتى ئۆمرىمىز تاتلىق. سەن ئىدىڭ باغۋەن - شۇنچە مىھرىۋان، ئەجىرىڭدىن ئېچىلغان لالە - رەيھانلار. سەن بىلەن كۈلگەن خوشپۇراق چېچىپ، دىلىدا يالقۇنلۇق ئارزۇ - ئارمانلار..... ئەي ئاتا! ئۆچمەيدۇ نامىڭ يۈرەكتىن، ئۆلسەڭمۇ -كەتسەڭ بۇندىن كۆز يۇمۇپ. سەن بەرگەن غۇرۇر،ۋىجدان خىسلەت بىلەن، ياشايمىز بىر ئۆمۈر سەندەك تىك تۇرۇپ.... ئوغۇل قىزلىرىڭ ئەسلەيدۇ سىنى دائىم، -ئاتام: دەپ قۇلى كۆكسىدە ھۆرمەتتە. ئەسلەيدۇ بارچە قىز - ئوغۇللار دائىم، ئاتاسىنى ئەسلەپ دائىم يۈرەكتە.......

mahatjan · ۋاقتى: 2016-1-14 16:50:51


	رەمەل: فائىلاتۇن، فائىلاتۇن، فائىلاتۇن، فائىلۇن سەرۋى نازىم جىلۋە قىلماس ۋاھ نېتەي بوستان ئارا، ئول ئەلىف دەك قامەتى يوق ھەم بۇزۇلغان جان ئارا. ھەر نەچە سەركەشدۇرۇر بۇ سەرۋى قەدلەر ئاقىبەت، مۆمكىن ئىرمەس بىر بىلە تەڭ بولماغاي بوستان ئارا. ھىجىر تابىدىن ئىچىم بىر يان بىلىقتەك ئۆرتەنۇر، گەر ۋەتەن تۇتسام بىلىقتەك چەشمەئى ھايۋان ئارا. ۋائىزا دوزاخ ئوتى مۈھلىك ئىسە يۈز شۈكۈركىم، بىر يۈزى جەننەت غەمىدىن قالمادىڭ ھىجران ئارا. بىر باغىر پەرگالەسى ھىجرىدىن ۋەھ كىم قالمىشام، نۇھ ئۆمرى چاغلىق ئاھۇ ئېشقتىن تۇغان ئارا. ئەي مۇسۇلمانلار فىغان كىم يۈسۈفۈمنىڭ ھىجرىدىن، قالدى ھەر بىر قەترە باغرىم پارەسىدىن قان ئارا. مىڭ كەرە يۈز غەم بىلەن قالىپ يىگىت جانىم يا رەب، ساپ مۇنداق كىمسەگە تۈشمەي دۇرۇر دەۋران ئارا. گەر ھۈسەيىن دەردى ئىلە كۆڭلىن بۇزار ئىرمەس ئەجەب، نەغمەلەر كىم مۇڭ بىلە زاھىر قىلۇر ئەفغان ئارا. (2) رەمەل: فائىلاتۇن، فائىلاتۇن، فائىلاتۇن، فائىلۇن ئارەزىڭ مېھرىڭ ئاچىپ جىسمىم ئارا جان ئۆرتەمە، ئاشىكارا لۇتف ئېتىپ كۆڭلۈمنى پىنھان ئۆرتەمە. بەرقى ھىجران نال دەك جىسمىمدە بەسدۇر سەن داغى، ۋادەئى ۋاسىل ئەيلەبان ئەي ئەھدى يالغان ئۆرتەمە. كۇھى غەم بولدى تېنىم ئەتفال تاشىڭدىن يانا، لالەدەك كۆڭلۈمنى سەن ئەي ئوتلۇق ئەفغان ئەيلەمە. لالى جان بەخشىڭ ئۈزە سەن ھالى ھىجران قويماغىل، جانىم ئۈزرە ھەر زامان بىر داغى خېرمەن ئۆرتەمە. ئاتەشىڭ كۆڭلۈمدە خوشتۇر ناۋەقىڭنىڭ ھەسرەتى، بەرقى ھىجرانىڭ سالىپ كۆڭلۈمدە پىنھان ئۆرتەمە. سۈبھى ۋەسلىدىن مېنى ئول يار نەئۆمىد ئەيلەدى، سەن قارا بەختىم كەبى ئەي شامى ھىجران ئۆرتەمە. ئەي ھۈسەينى چەكمە ئانسىز ئاھ خۇبلارنى كۆرۈپ، بىر ۋەفاسىز ئوتىدىن يۈز نا مۇسۇلمان ئۆرتەمە. چاغاتاي ئۇيغۇرتىلىدىكى ئەسلى تېكىستى ۋە تۈركىيە تۈركچىسىدىكى تەرجىمىسىگە ئاساسەن ئابدۇمىجىت مۇھەممەت تەييارلىدى. مەنبە: تۈرك تىل قۇرۇمى نەشرىياتى، «تۈرك تىلى ۋە ئەدەبىيات ژۇرنىلى: تۈرك شېئىرى مەخسۇس سانى-2، دىۋان شېئىرى»، 2011-يىل، ئەنقەرە، 636-639-بەتلەر بۇ يازمىنى ئاخىرىدا ئابدۇمىجىت.م تەھرىرلىگەن. ۋاقتى 2016-1-8 13:19

azizjan · ۋاقتى: 2016-1-14 18:22:00


	مەخەتجان ئاكا، <مەندىكى ھايات> دېگەن بۇ شېئىرىڭىزدا ئۈچىنچى كۇبلېتقا كەلگەندە چاتما ناخشىنىڭ ئۇدارى ئۆزگەرگەندەك رېتىمىنى ئۆزگەرتىپىسزغۇ؟ قايتا قاراپ باقسىڭىز بولغۇدەك جۇمۇ. بۇ يازمىنى ئاخىرىدا azizjan تەھرىرلىگەن. ۋاقتى 2016-1-14 18:23

mahatjan · ۋاقتى: 2016-1-14 18:28:26


	azizjan يوللىغان ۋاقتى 2016-1-14 18:22 مەخەتجان ئاكا، دېگەن بۇ شېئىرىڭىزدا ئۈچىنچى كۇبلېتقا ... مەن قايتا تەھرىلەپ كۆرەي،سەمىمىي تەكلىپ بەرگەنلىرىگە رەھمەت،