يولچى: بۇ ئائىلىگە قاراڭ

بۇ ئائىلىگە قاراڭ

61-قىسىم

ياسىن ئابدىكىرىم يولچى

1-كۆرنۈش

ئىلغار ئۆمۈچۈك پالۋاننىڭ كىيىمى بىلەن ئۈرۈمچىدىكى ئەڭ ئېگىز بىنانىڭ ئۈستىدە يىپىنچىسى شامالدا لەپىلدەۋات ھالەتتە ئىككى قولىنى قورۇشتۇرۇپ يىراققا نەزەر تاشلىماقتا ئىدى . ئارىسلان شەپەرەڭ پالىۋاننىڭ كىيمىنى كىيىپ ، ئۆمۈچۈك پالىۋاننىڭ  3-4 مېتىر كەينىدە گىگانت پالۋاندەك قەددىنى تىك تۇتۇپ تۇراتتى . ئارىدىن بىر ئاز ۋاقىت ئۆتكەندىن كىيىن ئۆمۈچۈك پالۋان كەينىگە بۇرۇلۇپ قەتئى تەلەپپۇزدا شەپەرەڭ پالۋانغا :
- بۇ شەھەرنىڭ كىشىلىرى تولىمۇ ئاقكۆڭۈل ، بىر – بىرىگە قەتئى يامانلىغى يوق ياخشى كىشىلەر ئىكەن ، ئەڭ ياخشىسى بىز باشقا شەھەرگە بىرىپ باقساق بولغۇدەك .
- راست دەيسەن ، بىز كەلگەندىن بىرى بىرەر كىشىمۇ بىزنىڭ ياردىمىمىزگە مۇھتاج بولمىدى . قارا نىيەت ، ئەسكى ئادەملەردىن بىرەرنىمۇ ئۇچراتمىدۇق .
- سىنىڭچە نەگە بارساق بولار ؟
- ئەڭ ياخشىسى نەدىن كەلگەن بولساق شۇ يەرگە كىتەيلى .
- بولىدۇ ، يۈرە ئەمىسە !- ئىككەيلەن تەڭلا ئۇچۇش ئۈچۈن بىنادىن ئۆزىنى ئاتتى...

2-كۆرنۈش

-ۋايجان!
ئىلغار چۈشىدە بىنادىن سەكرىدىم دەپ ، كارۋاتتىن ئۆزىنى ئاتقان ئىدى .
-نىمە بولدى ،-ئارىسلان كۆزلىرىنى ئۇۋىلاپ ، ئورنىدىن تۇردى ۋە كارۋاتتىن دۇمىلاپ چۈشكەن ئىلغارغا قاراپ كۈلۈپ كەتتى ،- قوپە ھەي ،نىمە بولدى ساڭا ؟

3-كۆرنۈش

مۇزەپپەر كومپىيوتىردا خەت ئۇرىۋاتاتتى ، ئىشىك چىكىلدى .
-كېرىڭ ،-مۇزەپپەر ئوغلى ئىلغارنى كۆرۈپ ،-ھە شا كىچىك ، كىلە ،-دېدى تەبەسسۇم بىلەن.
ئىلغار چاققانلىق بىلەن دادىسىنىڭ قۇچىغدا ئولتۇرۇپ بوياندىن ئىلىپ ئۈلگۈردى.
-ھە، پۇل ...
- ياق ،ماڭا ئۆمۈچۈك پالۋاننىڭ كىيمىنى ئىلىپ بىرە دادا .
- ئۇ كىيىم بىلەن يا مەكتەپكە بارغىلى بولمىسا ، نىمە قىلارسەن ئۇنى كىيىپ ؟
-ئۇ كىيىمنى كىيىپچۇ مەھەللىمىزدىكى ئەسكى بالىلارنىڭ ئەدىپىنى بىرىمەن .
-بالام، باشقىلار بىلەن ئۇرۇش-جىدەل قىلىش ياخشى ئىش ئەمەس ، يەنە كىلىپ مەھەللىدىكى ئاداشلىرىڭ خېلى ياخشىغۇ ، ھەممىسى شۇنداق ئەدەپ-ئەخلاقلىق .
-مەن شۇ كىيىمنى كىيىپ ئويناي دېگەن، ئىلىپ بىرە، ئومممماق...
-ماقۇل ، مەن ئىلىپ بىرەي ،-دادا ئوغلىنىڭ خۇشاللىقتىن سەكرەپ كەتكەنلىكىنى كۆرۈپ ئىختىيارسىز ئۆزىمۇ كۈلۈپ خۇش بولۇپ كەتتى .

4-كۆرنۈش

بىر ئائىلە كىشىلىرى ئىشتىھا بىلەن پولو يىيىشكە تۇتۇش قىلدى . سانىيە پات-پات مۇزەپپەرگە قارايىتتى ، بىر نەرسە دىمەكچى بولاتتىيۇ ، ئېغىزىدىن چىقىرالمىدى . بۇنى سەزگەن مۇزەپپەر :
-سېلىنىڭ بىرەر گېپىڭلا باردەك قىلامدۇ –قانداق ؟
-شۇ دىسەم بولارمۇ ، بولماسمۇ ...
-دەڭ ، نىمە گەپ بولسا ، قېنى...
-بىزنىڭ ئىشخانىدىكىلەرنىڭ ھەممىسى نوركا كىيۋاپتۇ دەڭا، مەنغۇ شۇ دورىمۇچۇق ئەمەس ، لىكىن ...بوپتىلا  ، دىمىگەن بولاي ...-دېدى سانىيە ئۆزىنىڭ قىلغان گىپىدىن خىجىل بولۇپ .
-ئۆتكەن يىلى نوركا كىيمەيدىغان بولغانتىڭلاغۇ ، ئەمدى كىيگۈڭلا كەلدىما ؟
-بولدى ، كىمەي،-دېدى سانىيە خىجىل بولغاندەك.
-بىرىڭلا شەپەرەڭ پالۋاننىڭ كىيمىنى كىيىڭلا ، يەنە بىرىڭلا نوركا كىيىڭلا ، ماۋۇ ئۈچەيلەنمۇ چالا قالمايلى ، قېنى قىزىم شادىيە سىزچۇ ، سىزگە نىمە ئىلىپ بىرەي قىزىم ؟
-راستما ، ماڭىمۇ بىر نەرسە ئىلىپ بىرەمسىز ، ھىم...مەن ئويلىنىۋالاي –ھە ،-شادىيە بىر ئاز ئويلانغاندىن كىيىن :
-ماڭا ئالما يانفۇندىن بىرنى ،-دېدى خۇشال بولۇپ .
-ھە ،ئارىسلان ، سەن ئويلىنىپ بولغانسەن ھەقاچان ، دىگىنە ساڭا نىمە ئىلىپ بىرەي ؟
-دادا ، ماڭا بىر نەرسە ئىلىپ بەرمەي پۇلنىلا قولۇمغا بەرگىن ، ئۆزۈم بىلىپ بىر ئىش قىلاي .
-نىمە ئىش قىلدىغىنىڭنى ئاۋۋال ئېيىت ، ئاندىن پۇل بىرەي،-دېدى مۇزەپپەر .
-مەن مۇھەممەتجان ئابدۇقادىرنىڭ <<شۈكرى>>دىگەن ناخشىسىنى ئاڭلىدىم ، مۇشۇنداق قار-شىۋىرغانلىق كۈنلەردە پۇتىغا ئىسسىق ئاياق ،ئۇچىسىغا ئىسسىق كىيىم كىيەلمەي يۈرگەن بالىلار ، كىشىلەر ئاز ئەمەس ، مەن شۇ پۇلنى شۇنداق كىشىلەردىن بىرەرىگە ياردەم قىلالىسام دەيمەن ، مەن ئۇ ناخشىنى ئىلىپ كەلگەن سىلەرگە قويۇپ بىرەي، -دېدى دە ،تىلىۋىزۇرنى ئاچتى.

بۈگۈن ئامان يۈرگەنگە شۈكۈر،
كۈنلىرىمنى كۆرگەنگە شۈكۈر.
بىراۋلارغا مۇھتاج بولماستىن،
ھايات پەيزىنى سۈرگەنگە شۈكۈر.

گاھ يىغلىدىم يىقىلدىم تۇردۇم،
يەڭنى قايتا تۈرگەنگە شۈكۈر.
ئۆز تېنىمنى ئۆزۈم كۆتىرىپ،
ئۆرە مېڭىپ يۈرگەنگە شۈكۈر.

كۆز ياشقا قۇل ،غەمگە گول بولماي،
ئۈمد بولۇپ كۈلگەنگە شۈكۈر.
دوسلىرىمغا ئويۇن قويماستىن،
دەرتنى دىلغا كۆنگەنگە شۈكۈر.

ئاز بولسىمۇ ھالالدىن تېپىپ،
ئۆز رىسقىمنى يىگەنگە شۈكۈر.
شۈكۈر ئەتتىم نى قىسمەتلەرگە،
قانائەتنى بىلگەنگە شۈكۈر.

فىلىمنى كۆرۈپ بولغاندىن :
-مۇزەپپەر ، مېنى كەچۈرۈڭ ، مەن نوركا كىيمەي ،-دېدى سانىيە كۆزلىرىدىكى ياشنى سۈرتكەچ.
-مەنمۇ ئۆمۈچۈك پالۋاننىڭ كىيمىنى ئالماي ، دادا بىزمۇ باشقىلارغا يادەم قىلايلى ،-دېدى ئىلغار دادىسىغا ئېسىلىپ.

2016-يىلى يەكەن

بۇ يازمىنى ئاخىرىدا   Erchin تەھرىرلىگەن. ۋاقتى  2016-1-5 13:39  

بۇ ئائىلىدە چوڭ ئىككىسى كىچىكىنى ئۇرۇپ قالسا ‹‹سىلىنىڭ بالا بىلەن مېنىڭ بالام بىرلىشىپ، ئىككىمىزنىڭ بالىسىنى ئۇرۇپتۇ›› دېگەن گەپ چىقىدۇ.
بەلكىم بۇ دىئالوگ بۇ فىلىمنىڭ كېيىنكى قىسىملىرىدا ئوتتۇرىغا چىقىشى مۇمكىن.

توۋا، ماۋۇ تېما ھەققىدە بىر ئېغىز گەپ يوق، ئىنكاسلار نەگە كېتىپ بارىدۇ؟

گەرچە سىنارىيە تەلىپى بويىچە يېزىلمىغان بولسىمۇ 3- كۆرۈنۈش نەق فېلىمدىكى كۆرۈنۈشلەرنى كۆز ئالدىمغا كەلتۈردى. خاراكتىر جەھەتتىنمۇ شۇنداق. باشقا كۆرۈنۈشلەر ھەققىدە ئېغىز ئېچىشقا ئاجىزلىق قىلدىم.

بۇنى 3- بۈلۈمدە ئىشلىمەكچىمۇ ياكى، 2- بۈلۈمنىڭ بەزەن قىسىملىرىمۇ؟


ھەممىنى تولۇق كۆرگەندەك قىلغان ‹‹شۈكۈر›› دەيدىغان ناخشىنى باللىرىغا قويۇپ بېرىدىغان يىرى چىقمىغان، يا مەن كۆرمەي قالدىممۇ.


ئەگەر 3- بۈلۈمگە يېزىپ تەييار قىلغان دېسڭىز، ئۆمۈچۈكنىڭ، نوركىنىڭ گەپلىرى 1- بۈلۈم، 2-بۈلۈمدە بولۇنۇپ بولغان گەپلەر. يەنە قايتىدىن تەكرارلىنىپ يۈرسە، كۈندە 3 ۋاخ تاماققا ھالۋا يەۋەرگەندەك  ئىش بولامدۇ قانداق؟

بۇ مەزمۇنلار 2- بۈلۈمدە ئىشلىنىپ تىلىۋېزوردا قويۇلغاندا مەن كۆرمەي قالغان بولسام ئۇ باشقا، لىكىن 3- بۈلۈمدە ئىشلىنىش ئۈچۈن يېزىلغان بولسا، بۇ مەزمۇندا قىلچىلىك يېڭىلىق يوقكەن.

بىزنىڭ ئۆيدە تېلىۋېزۇر يوق، مەن ياسىن ئابدۇكېرىم يازغان ئاۋۇ سىنارىيەنى ياقتۇرۇپ ئوقۇدۇم، كۆرۈنۈشلىرىنى ئەينەن كۆز ئالدىمغىمۇ كەلتۈردۈم. بۇ كىنو قانداق تېلىۋېزۇردا چىقىدۇ. مۇشۇ كىنو چىقىدىغان تېلىۋېزۇر ئەزانراق بولسا بىرنى ئەپقوياي دېگەن.

«خۇ يۈ» ماركىلىق تېلېۋىزوردا بۇ كىنو چىقىدۇ. يەنە كەينىگە قايتۇرۇپ كۆرگىلىمۇ بولىدۇ. شۇنى ئېلىڭە بولدى. يەنە كېلىپ بىكارغىلا بېرىدۇ.
ماۋۇ ت ۋ تىياتىرىدا بالىلار ئوبرازى پەقەتلا چۈشمىگەندەك. مېنىڭچە تېخىمۇ ياخشى ئارتىست بالىلارنى تاپقىلى بولىدۇ. بالىلار ئابدۇكېرەم ئابلىز بىلەن خاسىيەت قۇربانغا ماسلىشالماي قاپتۇ. بەكلا سۈنئىي. 2- بۆلۈم تېخىمۇ سۈنئىي، يەنە كېلىپ سىياسىي تۈسى قويۇق. مېنىڭ نەزىرىمدە سىياسىي تۈسى قانچە قويۇق بولسا سەنئەتلىكى شۇنچە سۇسلىشىدۇ ھەمدە قوراللىق خۇسۇسىيىتى ئاشىدۇ.
2- بۆلۈمنىڭ يېڭىلىقى: ھە بىر قىسىمدا ھەر بىر پېرسوناژ بىر ھېكىمەتلىك سۆزنى قىلىدۇ. لېكىن تەبىي ئەمەس. كارتون فىلىم «خېمەن ۋە ئالەمنىڭ خوجايىنلىرى» دىمۇ ھەر بىر قىسىمدا ئاشۇنداق ھېكمەتلىك گەپلەر دېيىلىدىغان، بىراق دەل ئاشۇ يېرى بىزگە تولىمۇ تاتلىق تۇيۇلاتتى.

مەنمۇ مەشىق تەرىقىسىدە بىرە ئككى قىسىم يىزىپ باقايمىكىن  بۇ فىلىمنىڭ3. بۆلىمى قىلىپ.

قىرىنداشلارنىڭ سەمىمى تەكلىپ-پىكىرلىرىگە چىن دىلىمدىن رەھمەت .مىنىڭ يازغىنىمنى سىنارىيە دەپ كەتكىلى بولمايدۇ.مەن ‹‹بۇ ئائىلىگە قاراڭ›› فىلىمىنى ياقتۇرۇپ ، ھوزۇرلىنىپ ئولتۇرۇپ تولۇق كۆردۈم.بۇ فىلىمنى ئىشلىگەن بارلىق قىرىنداشلىرىمغا ئاپىرىن!
مەن كەسپى يازغۇچى ئەمەس،لىكىن چوقۇم تېرىشىمەن.شۈنچىلىك بولسىمۇ يازالىغىنىمدىن خۇشالمەن.تورداشلارنىڭ ماڭا ئوخشاش ‹دوراپ›ئەمەس،يېڭى-يېڭى تىمىلاردا يىزىپ مەزكۇر كىنونىڭ يەنە كەم بولغاندا 340قىسىم ئشلىنىشى ئۈچۈن كۈچ چىقىرىشىنى ئۈمىد قىلىمەن.

غەلبىلىك يېزىپ چىقىشىڭىزغا تىلەكداشمەن.

ئەگەر 3- بۈلۈمگە يېزىپ تەييار قىلغان دېسڭىز، ئۆمۈچۈكنىڭ، نوركىنىڭ گەپلىرى 1- بۈلۈم، 2-بۈلۈمدە بولۇنۇپ بولغان گەپلەر. يەنە قايتىدىن تەكرارلىنىپ يۈرسە، كۈندە 3 ۋاخ تاماققا ھالۋا يەۋەرگەندەك  ئىش بولامدۇ قانداق؟



-ئۆتكەن يىلى نوركا كىيمەيدىغان بولغانتىڭلاغۇ ، ئەمدى كىيگۈڭلا كەلدىما ؟

نوركىنىڭ گىپى چىقىپ بولغىنى راست،يۇقارقى دىئالوگ بۇنى ئىسپاتلاپ تۇرمامدۇ؟
بۇنى 3-بۆلۈمگە تەييارلىمىغان،سىزنىڭچە بىر بەتكىمۇ توشمايدىغان بۇ يازغىنىمنى بىر قىسىم قىلغىلى بولارمۇ قىرىندىشىم؟ مەن پەقەت قېزىقىشىم بىلەن يىزىپ باقتىم،سىزمۇ يىزىپ بىقىڭ ،مۆرىنى -مۆرىگە تىرەپ،قولنى-قولغا تۇتىشىپ،يازغىنىمىز مەيلى كىنو قىلىپ ئىشلەنسۇن-ئىشلەنمىسۇن كىيىنكى ئەۋلاتلارنىڭ ئەدەپ-ئەخلاغلىق،ھايالىق،مەدەنىيەتلىك بولۇپ چىقىشى ئۈچۈن ئاز بولسىمۇ كۈچ چىقىرالىساقكەن ،دەيمەن.‹‹بۇئائىلىگە قاراڭ››فىلىمى شۇنداق قىلالىدى،بۇ فىلىمنى ئىشلىگەنلەرگە چۇڭقۇر ئىھتىرام،ئالى سالام!

ئىجادى يېزىپ چىققنىڭىزغا تەشەككۇر.