دىلداش: ئۆتىمەن دۇنيادىن ئىسمىڭنى يادلاپ

دىلداش · ۋاقتى: 2016-1-2 12:06:24


	ئۆتىمەن دۇنيادىن ئىسمىڭنى يادلاپ كامىلجان ناسىر دىلداش ئاشىقلىق دەشتىدە مەجنۇنمەن، مەجنۇن، سەۋدالىق جېنىمغا ئۈلپەتتۇر، ئۈلپەت. كۈتۈشتىن رەڭ ئالغان ئارمانلار ئۈنسىز، تاپقىنىم يەنىلا سۆيۈملىك ھەسرەت. ھەر باقسام ئالەمگە سۆيگۈ كۆزۈمدە، ئاشىقلىق زىكرىدۇر ھەر دەم لىۋىمدە. بەك يىراق ۋىسالنىڭ تاڭلىرى ئەپسۇس، مىڭ گۈلخان كۆيىدۇ تىنماي ئىچىمدە. ئۈمىدتىن ئۈمىدسىز بولمىدىم زىنھار، ئەڭ يۈكسەك ئارمانلار يۈرىكىمگە جەم. ئېھ يەنە سۆيگۈنىڭ شېرىن ئازابى، گۈللەردىن لېۋىمگە تامدۇرار شەبنەم. زارلىنىش، خارلىنىش... يۈتسۈن ھەممىسى، ئۆتكۈم يوق ھەي... ئەمدى قىسمەتتىن دادلاپ. مەيلى سەن ئىشەنگىن، مەيلى ئىشەنمە، ئۆتىمەن دۇنيادىن ئىسمىڭنى يادلاپ. بۇ يازمىنى ئاخىرىدا ARKZAT تەھرىرلىگەن. ۋاقتى 2016-1-2 15:11

MARYAM · ۋاقتى: 2016-1-2 19:52:16


	كامىلجان، بارغانچە پىششىپ كېتىۋاتىسىز جۇمۇ. بەك ياخشى چىقىپتۇ.

پىنھانى · ۋاقتى: 2016-1-2 23:29:57


	شېئىرنىڭ تېمىسىمۇ، شېئىر مەزمۇنىمۇ يېقىشلىق بوپتۇ، ئ‍اپىرىن !

yalguzak · ۋاقتى: 2016-1-3 12:03:55

qinmodan · ۋاقتى: 2016-1-3 22:41:42


	چىن تۇيغۇ بىلەن يۇغۇرۇلغان لىرىكىڭىزنى ياقتۇرۇپ ئوقۇدۇم.تېمىسىمۇ يېقىشلىق ئىكەن.لىرىك كۈيلىرىڭىز ئۈزۈلمىگەي، ئىزدىنىشلىرىڭىز ئۇتۇقلۇق بولغاي! بۇ يازمىنى ئاخىرىدا qinmodan تەھرىرلىگەن. ۋاقتى 2016-1-3 22:46

تۇرسۇنجان ھەسەن · ۋاقتى: 2016-1-4 10:40:12


	سۆزلەرنىڭ جىلۋىسىگە ئايلىنىپ كەتكەن قايماق ھېسىتاتتىن يۈرەكلەر لەرزىگە كېلىدىكەن...

شېرىن1 · ۋاقتى: 2016-1-4 17:53:59


	ھەر_بىر سۆز ، ھەر-بىر مىسرا شۇنچىلىك يېقىشلىق ، شۇنچىلىك يارقىن . كامىلجان يەنىلا شېئىر يېزىپ ئۆتسە بولغۇدەك .

دىلداش · ۋاقتى: 2016-1-16 17:48:59


	تىمامغا نەزەر ئاغدۇرغانلارغا رەھمەت

mahatjan · ۋاقتى: 2016-1-17 20:49:31


	شېئىرنىڭ مەزمۇنى ئادەمنى قايىل قىلارلىق چىقىپتۇ،بۇنىڭدىن كىيىنكى ئىجادىيەتلىرىگە ئۇتۇق يار بولسۇن.

ھەدىيە · ۋاقتى: 2016-1-20 19:48:56


	تولىمۇ ياخشى چىقىپتۇ ، قەلىمىڭزگە بارىكاللا !

DILQIN · ۋاقتى: 2016-1-21 22:24:31


	ياقتۇردۇم. مەزمۇندىكى ئۈمدۋارلىق بىلەن تىلدىكى گۈزەللىك جىپسىلىشىپ كەتكەن....

ھۈكەر · ۋاقتى: 2016-1-21 22:36:45


	تاپقىنىم يەنىلا سۆيۈملۈك ھەسرەت… بارىكاللا