ياسىن مىجىت: كەلدى يېڭى يىل مېھمان بولۇپ

كەلدى يېڭى يىل مېھمان بولۇپ

(مۇسەببە)

ياسىن مىجىت

زاتى ئۇلۇغ يېڭى يىل كەلدى بۈگۈن مېھمان بولۇپ.

ئالدىدا ئوينار لىۋەن تۆت پەرىزات تولغۇنۇپ،

ئاي قىزىدىن ئون ئىككىسى رەڭ تۈزۈشۈپ جابدۇنۇپ،

ئوتتۇز ئوغۇل نەۋرىسى تاڭ بىلەن تاڭ ئويغۇنۇپ،

ئالدىراقسان چەۋرىسى جىم تۇرالماس يۇلقۇنۇپ،

سان- ساناقسىز ئەۋرىسى قاچماقچى بوپ قوزغۇلۇپ ،

بار جەمەتى يىغىلىپ تىزىلىپ قىلدى سالام.

خۇش تەبەسسۇم ئىلكىدە كۈتتۈم قۇلۇم قوشتۇرۇپ،

ئەجىر - مىھنەت بابىدىن مالۇ چارۋا سويدۇرۇپ،

ئىجادىمنىڭ گۈلىدىن داستىخانغا لىق تولدۇرۇپ،

تىنىم تاپماس ئەمگەكتىن نان توقاچلار قىلدۇرۇپ،

پەزىلەتنىڭ جامىغا شەربەتتىن لىق قۇيدۇرۇپ،

پاراسەت ۋە ئەقىلدىن مىۋىلەرنى قوندۇرۇپ،

مىڭ خىل ھۆنەر ھۆسنىدىن ياندۇرۇپ قىلدىم سالام.

ناۋالارنىڭ ئەۋجىگە دۇتتار- تەمبۇرچالدۇرۇپ،

ھەر مېھماننى شادلىقنىڭ قاينىمىدا قاندۇرۇپ،

سالامىغا مېھماننىڭ گۈلدەستىلەر قايتۇرۇپ،

نەۋرە، چەۋرە، ئەۋرىگە ئېسىل سوغات ئالدۇرۇپ،

مېھىر- ۋاپا باغىغا تۈمەن سۆيگۈ سالدۇرۇپ،

سەۋر- تاقەت چىدامنى دەريا- دەريا ئاقتۇرۇپ،

قوچاغىمنى كەڭ ئېچىپ يېڭى يىلغا بەردىم سالام.

بۇ يازمىنى ئاخىرىدا   parhat kazim تەھرىرلىگەن. ۋاقتى  2016-1-1 00:47  

زاتى ئۇلۇغ يېڭى يىل كەلدى بۈگۈن مېھمان بولۇپ.
ئالدىدا ئوينار لىۋەن تۆت پەرىزات تولغۇنۇپ،
ئاي قىزىدىن ئون ئىككىسى رەڭ تۈزۈشۈپ جابدۇنۇپ،
ئوتتۇز ئوغۇل نەۋرىسى تاڭ بىلەن تاڭ ئويغۇنۇپ،
ئالدىراقسان چەۋرىسى جىم تۇرالماس يۇلقۇنۇپ،
سان- ساناقسىز ئەۋرىسى قاچماقچى بوپ قوزغۇلۇپ ،
بار جەمەتى يىغىلىپ تىزىلىپ قىلدى سالام.

سالامىڭغا رەھمەت. ساۋاقدىشىم... يېڭى يىلىڭغا مۇبارەك..

سىنىڭمۇ يېڭى يىلىڭغا مۇبارەك، يېڭى يىلنىڭ ئەۋرىلىرىگىچە سوۋغات ئېلىشىڭنى ئۈمىد قىلىمەن

ياخشى چىقىپتۇ بارچە ئەزىزلەرنىڭ يېڭى يىلىغا مۇبارەك بولسۇن！

رېتىم، تۇراق ئىزچىللىقى قېنى؟

راست  دەيسىز، رېتىم ،تۇراق ئىزچىللىقى سەل تۆۋەن بولۇپ قالدى ، بىراق شېئىردىكى شېئىرى پىكىر، مول تەسەۋۇر،  شېئىرى ئىماگ مېنى بۇ شېئىرنى تورغا يوللاشقا مەجبۇر قىلدى،  شۇڭا يوللاپ سالدىم، كەچۈرگەيسىز  

شېئىرىڭىزدا ھەقىقەتەن ئۆزىڭىز ئېيتقاندەك مول تەسەۋۋۇر، شېرىئىي پىكىر بار ئىكەن، ئەمما شېئىرنىڭ ئاھاڭدارلىقى ھە دېگەندە پەدە چېقىپ تۇرۇپتۇ، ئەرچىن ئاكام نەق گەپنى دەپتۇ، بولسا بىر تۈزىتىپ بېقىڭ.

بەزى مىسرالاردىكى كەمتۈك ۋە خاتا جايلارنى مەسىلەن، «تاڭ بىلەن تاڭ ئويغۇنۇپ» دېگەننى «تاڭ بىلەن تەڭ ئويغىنىپ» دەپ ،«سان- ساناقسىز ئەۋرىسى قاچماقچى بوپ قوزغۇلۇپ» دېگەننى «...قاچماقچى بوپتۇ قوزغىلىپ» دەپ تۈزىتىپ ئوقۇغاندىمۇ يەنىلا رېتىمنىڭ بۇزۇلغان جايلىرى كۆپ.
شېئىرىڭىزدىن سىزدە شائىرلىقنىڭ «خېمىرتۇرۇچ» ى بارلىقى مانا مەن دەپ بىلىنىپ تۇرۇپتۇ، سىز پەقەت «خېمىر»نى ئوبدان يۇغۇرسىڭىزلا«بولىدۇ»كەن...

ھە پىكىر بەرگىنىڭىزگە كۆپ رەھمەت ، سىز دېگەندەك نۇقسانلار ھەقىقەتەن بار، مەن شېئىرنى يېزىۋاتقاندىلا   بۇ نۇقسانلارنى سەزگەن، بىراق ئېلان قىلىشقا ئالدىراپ كېتىپتىمەن، سىز دېگەن مىسرالاردىن باشقا يەنە بىر قانچە مىسرادا شۇنداق ئەھۋال بار، ئەرچىن ۋە سىزنىڭ پىكرىڭىزنى قۇبۇل قىلمەن، سىلەرنىڭ سەمىمىي تەكلىپىڭلارغا كۆپ رەھمەت.