قاسىم سىدىق: مومىيىمغا خەت

ق.سىدىق · ۋاقتى: 2015-12-31 20:40:54


	مومىيىمغا خەت -ئۆمۆرلۈك جاپاكەش ھەمراھىم ساھىپىجامال جالالىدىنغا يېڭى يىل مۇناسىۋىتى بىلەن تەقدىم قاسىم سىدىق نېمە ئۈچۈندۇر كۆڭلۈم پەرىشان، يېڭى يىلنىڭ بۇ ھارپا كېچىسى. گاھى كەڭرى ئىكەن، گاھى بەكمۇ تار، ئەجەپ سىرلىق ئىكەن ھايات كوچىسى. كەڭرى كوچىلاردا تاقلاپ كەتمىدۇق، تار كوچىلاردا ئالدىراپ ۋايساپ. چۈشىنىش، ئىشەنچتىن شەربەت تۇتۇشقاچ، تونۇردا كۆيسەكمۇ ئۆلمىدۇق ئوسساپ... ھەر قاچان ئىرادە كەمىرى باغلاپ، سەن ماڭا، مەن ساڭا بولۇشتۇق ھاسا. يۈكسەك غايە ئۈچۈن تۆلىدۇق بەدەل، تەتۈر قىسمەتلەرنى جېلە قىپ راسا!... يىللار كېتىپ قالدى، پۈتۈپ كۆپ ھېكمەت، كۆمەلمەس ئۆتمۈشنى كېچە ياققان قار. قار قانچە ياغسۇن، جۇت بولسۇن قانچە، يۈرىكىمدە ساڭا ساقلاقلىق باھار. ئۈرۈمچى ئاسمىنى يەنە گىرىمسەن، ئىلى ئاسمىنىدا كۆرۈنگەندۇ ئاي؟ ئۆرلىگىن پەلەككە ئەي ئايدەك موماي، ئاسمانغا تەلمۈرەر بىر غېرىپ بوۋاي... 2015.12.31 بۇ يازمىنى ئاخىرىدا ARKZAT تەھرىرلىگەن. ۋاقتى 2015-12-31 22:16

شەۋكەت ئىبراھىم · ۋاقتى: 2015-12-31 22:06:42


	چىن سەمىمى ھېسسىيات بىلەن يېزىلغان بۇ شېئىرنى ، بۈگۈن يىراق سەھرادا قايتا - قايتا ئوقۇدۇم . قاسىم ئاكا ! يېڭى يىلىڭىزغا مۇبارەك بولسۇن . ئامان بولۇڭ ...

ق.سىدىق · ۋاقتى: 2015-12-31 22:09:53


	شەۋكەت ئىبراھىم يوللىغان ۋاقتى 2015-12-31 22:06 چىن سەمىمى ھېسسىيات بىلەن يېزىلغان بۇ شېئىرنى ، بۈگۈن ... رەھمەت.بىرگە بولسۇن.

Gulnisa · ۋاقتى: 2015-12-31 23:08:42


	بۇ شېئىرىڭىز دىن بەكمۇ تەسىرلەندىم ،بولۇپمۇ ئەڭ ئاخىرقى كوبلىت ماڭا شۇقەدەر يارىدى .قەلىمىڭىزگە بەركەت ئەزىز تېنىڭىزگە ساغلاملىق تىلەيمەن.

ئوسمانجان زۇنۇن · ۋاقتى: 2016-1-1 00:07:05


	ماۋۇ بوۋاي يەنە ئازراق تېرىشسا شائېر بوپ قالغىدەك

ئا.جۇدۇن · ۋاقتى: 2016-1-1 00:38:02


	قاسىم سىدىق ئەپەندى تېچلىقمۇ ، بۇ ياخشى شېئىرنى يىلنىڭ تۈگەنچىسىسدە يېزىپ، ‹‹ كالىندارچە شائىر ››، بولۇپ قالمىغايسىز، ھە ،سىزنىڭ تەپەككۈر، تەتقىقاتىڭىزغا قايىل ئىدۇق ھەم مايىل ئىدۇق .

ئا.جۇدۇن · ۋاقتى: 2016-1-1 00:51:46


	ئا.جۇدۇن يوللىغان ۋاقتى 2016-1-1 00:38 قاسىم سىدىق ئەپەندى تېچلىقمۇ ، بۇ ياخشى شېئىرنى يى ... سىزنىڭ ‹‹ دوست ›› ناملىق شېئىرلىرىڭىز قەلبىمىز تۆرىدە ئۆلمەس ھەم ئۆچمەستۇر . 29- تېئورما تەتقىقاتى بۇ مۇنبەرگە مۇناسىۋەتسىز بولسىمۇ، 5000 نەپەر سىنچى كۆزلەرنىڭ نەزىرىدە باردۇر . سىزگە ئۇتۇق، ئامەت ، ھەققانىيەت تىلەيمەن! ھازىرچە، ‹‹ ئورۇق ئېيتىپ- سېمىز تۇرايلى ›› .

بىركۈن · ۋاقتى: 2016-1-1 07:41:03


	سالام قاسىمكا، سالامەتلىكىڭىز ياخشىمۇ؟ ئىشلىرىڭىز ئوبدان كېتىپ بارغاندۇ؟ 29-تىئورما ئىسپاتلىنىپ نەلەرگە بادى؟ ئىشلىرىڭىزغا ئۇتۇق تىلەيمەن...

ق.سىدىق · ۋاقتى: 2016-1-1 09:26:05


	ئا.جۇدۇن يوللىغان ۋاقتى 2016-1-1 00:38 قاسىم سىدىق ئەپەندى تېچلىقمۇ ، بۇ ياخشى شېئىرنى يى ... رەھمەت.ئەلۋەتتە تەتقىقاتىم ھاياتلا بولسام توختاپ قالمايدۇ.چوڭ ئىلگىرلەشلەر بار. بۇ يازمىنى ئاخىرىدا ق.سىدىق تەھرىرلىگەن. ۋاقتى 2016-1-1 09:27

ق.سىدىق · ۋاقتى: 2016-1-1 09:34:58


	بىركۈن يوللىغان ۋاقتى 2016-1-1 07:41 سالام قاسىمكا، سالامەتلىكىڭىز ياخشىمۇ؟ ئىشلىرىڭىز ئ ... رەھمەت.ياخشى تۇردۇم. 29 -تېئورېمىنىڭ دەسلەپكى تەجرىبىلىرىدىن بىر ئەمەس بىر قانچىسى بار بولدى.ھازىر شىنجاڭ ئونىۋېرىستېتدىكى بەزى ئوقۇتقۇچىلار بىلەن نەزەريىۋى جەھەتتىن تالاش-تارتىش قىلىۋاتىمىز.ئۇلارنىڭ ئۆتكەندە كۆرسەتكەن 29-تېئورېمىغا قارشى ئاساسلىرى پۇت تىرەپ تۇرالمىدى.بۇدا ئۆزلىرىمۇ تەجرىبە ئىشلەپ قايتىدىن يېڭى قاراش ئوتتۇرىغا قويماقچى.قالغان گەپنى ئۇلار يېڭى قاراش ئوتتۇرىغا قويغاندىن كىيىن ئەھۋالغا قاراپ ئاندىن قىلىشىمىز.

ئەدىھەم · ۋاقتى: 2016-1-1 14:43:24


	يېڭى يىلىڭىزغا مۇبارەك بولسۇن قاسىمكا... كەينىدىكى بىر كوبلىت مېنى مەست قىلىپ قويدى دىسە.جىق گەپلەر باركەن جۇمۇ بۇنىڭدا...

زەينۇللا · ۋاقتى: 2016-1-1 15:05:43


	ئوسمانجان زۇنۇن يوللىغان ۋاقتى 2016-1-1 00:07 ماۋۇ بوۋاي يەنە ئازراق تېرىشسا شائېر بوپ قالغىدەك قاسىمكام ئاللىقاچان شائىر بولۇپ بولغان، قايتا ئۈنۋان ئېلىشنىڭ ھاجىتى بولمىسا كېرەك.

uygurya · ۋاقتى: 2016-1-1 15:10:08


	ئاسمانغا تەلمۈرەر بىر غېرىپ بوۋاي... يېڭى يىلدىكى ئۆزگىچە تېما ئىكەن.ئوقۇپ سۆيۈندۈم. بۇندىن كېيىنكى تەتقىقات ئىشلىرىڭىزنىڭ تېخىمۇ ئوڭۇشلۇق بولىشىنى ،سىزگە ، سىزنى قوللاۋاتقان سۆيۈملۈك ھەدىمىزگە ئامانچىلىق،خاتىرجەملىك تىلەيمەن.

ق.سىدىق · ۋاقتى: 2016-1-1 15:14:30


	زەينۇللا يوللىغان ۋاقتى 2016-1-1 15:05 قاسىمكام ئاللىقاچان شائىر بولۇپ بولغان، قايتا ئۈنۋان ... ھەممەيلەننىڭ يېڭى يىلىغا مۇبارەك. چاقچاق قىلىۋاتىدۇ.ئۇسمانجان مىنىڭ ساۋاقدىشىم.

ئا.جۇدۇن · ۋاقتى: 2016-1-1 17:54:33


	ق.سىدىق يوللىغان ۋاقتى 2016-1-1 15:14 ھەممەيلەننىڭ يېڭى يىلىغا مۇبارەك. چاقچاق قىلىۋاتىدۇ. ... شائىر، پىداگوگىك ، ئىلمىي تەتقىقاتچى، ھارماس قەلەمكەش - قاسىم سىدىق ئەپەندىگە يېڭى باھار تىلەيمەن!