لاۋا: غەزەل

ئوسمانجان زۇنۇن · ۋاقتى: 2015-12-31 00:34:09


	غەزەل ئوسمانجان زۇنۇن كىرپىكىمنىڭ ئاسمىنىدا چاقنىساڭ چولپان بولۇپ، كۆزلىرىمنىڭ قەھرى كۆيدۈرسە سىنى چوغدان بولۇپ. لەۋلىرىم ئوكيانىدا ئالتۇن بېلىقتەك ئوينىساڭ، ھەر تىنىقتا سۆيگۈلەر كۈلسە سەدەپ-مارجان بولۇپ. كۆكلىسە باغرىمدىكى بەرنا چىچەك مۇدھىش دەرەخ، قۇنسا ھەربىرتال چىچەككە ھەرىلەر ھېجران بولۇپ. قانلىرىمنىڭ ئۆركىشى مەشرەپ چۆلىدە سايرىسا، قىپقىزىل يۇلغۇنلىرىڭنىڭ ئەۋجىگە ئېھسان بولۇپ. بۇ خىيالدۇر ئېھتىمال، قۇملۇقتىكى ئالۋۇن كەبى، ئارمىنىم شۇدۇر:خىياللار قالمىسا يالغان بولۇپ. 2015-يىلى 30-دېكابىر قەشقەر بۇ يازمىنى ئاخىرىدا Erchin تەھرىرلىگەن. ۋاقتى 2015-12-31 13:17

ئوسمانجان زۇنۇن · ۋاقتى: 2016-2-5 00:45:13


	بۇ يازمىنى ئاخىرىدا ئوسمانجان زۇنۇن تەھرىرلىگەن. ۋاقتى 2016-2-5 01:09 چىمەندە غۇنچىلار سەرسان ئوسمانجان زۇنۇن لاۋا ۋىلىقلاپ كۈلسە ئارمانىڭ،جېنىمدىن جەبرىلەر سەرسان، قاراقىڭ چاقمىقى چاقسا ،كوچايۇ-رەستىلەر سەرسان. ساتارىڭ مەڭزىنى بويلاپ ناۋايى كۈيلىرى ئۇچسا، دۇتارنىڭ دەستىسىن سۆيگەن سۆيۈملۈك پەنجىلەر سەرسان. شەپەقنىڭ رەڭگىگە يازغان لېرىكاڭ ساقىسا ئاستا ، شاراپتەك ئېرىگەي كۆڭلۈم ،كۆزۈمدە ئۈنچىلەر سەرسان. مۇقامنىڭ ئەۋجىدە شوخ-شوخ جىنەسستە لەۋلىرىڭ يانسا، رەشىكنىڭ باغرىغا ئۈنگەن چىمەندە غۇنچىلەر سەرسان. جېنىمنى باغلىغان يەتمىش تۈمەن ساچىڭنى ئويناتساڭ، ۋۇجۇدۇم بەھرىنى قاقلاپ قۇرۇتقان چۈنچىلەر سەرسان. 2016-يىلى 4- يانۋار .ئاقتۇ.

ABLAJAN.BOWAKI · ۋاقتى: 2015-12-31 11:03:11


	بۇ غەزەل قاناتلانغان تەپەككۇرنىڭ ياردىمىدە خېلىلا ياخشى يېزىلىشقا يۈزلىنىپتۇ. بىراق « قونسا، ھەر بىر تال، چېچەك، ھىجران، سېنى...» دېگەن سۆزلەر توغرا يېزىلماپتۇ. يەنە بۇ غەزەلنىڭ ماۋزۇسىنى ئۇنداق « غەزەل» دەپ قويماي، رادىف-«بولۇپ»نى ماۋزۇ قىلىپ قويسىمۇ بولغانىكەن، دەپ قالدىم...

سەدەپ · ۋاقتى: 2015-12-31 11:40:16


	يارغا مەكتۇپ رابىيەم نىياز (سەدەپ) ئارمىنىڭدا كۆكلىسەم كۆكلەملىرىم بەختىم مېنىڭ، گۈل بولۇپ شاخىڭ ئارا يۈرمەكلىكىم ئەھدىم مېنىڭ. يامىشىپ ھىجرىڭ بويىغا چاچلىرىمنى باغلىسام، ھەر قېتى باغلاقتا گۈلخان شاھ سۈپەت تەختىم مېنىڭ. تەلمۈرۈپ ئىشقىمنى قوغلاپ ئۆزگىلەر سالسا ساراي، سەن ئۈچۈن كەپەڭدە جۇلدۇر ئۆتمىكىم رەغدىم مېنىڭ. ئول جۇنۇنلۇق ئوتكىلى كەلسە جېنىمغا تاغ تىزىپ، تىغ ئۇرۇپ تاغ كۆكسىگە كەلمەكلىكىم جەھلىم مېنىڭ. خاكىسار قىلغان باياۋان مىڭ مۇشاقەت بارىدا، جاي سېلىپ كۈلمەي بىتاقەت چىقمىغاي دەردىم مېنىڭ. سارغىيىپ يۈرمە جېنىم كەلگىن قولۇمنى تۇتقىنە، بىر ساڭا سالدى پايانداز ئۇل غېرىپ قەلبىم مېنىڭ. رابىيە ئىچسۇن شاراپ يۇتسۇن سەئىدى جامىدىن، لەڭ ئۇرۇپ كەلسە ئەلەملەر تاشىدۇ زەردىم مېنىڭ. 2015-يىل 12-ئاينىڭ 31-كۈنى(ئاۋات) ئۇستازنىڭ تاتلىق غەزەللىرىدىن ئىلھاملىنىپ يۇقارقى غەزەل يېزىلدى رەھمەت سىزگە!

ئاينۇرى · ۋاقتى: 2015-12-31 14:23:25


	لەۋلىرىم ئوكيانىدا ئالتۇن بېلىقتەك ئوينىساڭ، ھەر تىنىقتا سۆيگۈلەر كۈلسە سەدەپ-مارجان بولۇپ. غەزەلدە ئىشلىتىلگەن تىلنىڭ سۇمباتىدىن سۆيۈندۈم. بۇ يازمىنى ئاخىرىدا ئاينۇرى تەھرىرلىگەن. ۋاقتى 2016-1-1 00:54

ئوسمانجان زۇنۇن · ۋاقتى: 2015-12-31 19:09:52


	ABLAJAN.BOWAKI يوللىغان ۋاقتى 2015-12-31 11:03 بۇ غەزەل قاناتلانغان تەپەككۇرنىڭ ياردىمىدە خېلىلا يا ... كىچىككىنە سەۋەنلىكمۇ كۆزلىرىدىن قېچىپ قۇتۇلالمايدۇ جۇما سىلىنىڭ ئابلاجان، تەكلىپلىرىنى قوبۇل قىلدىم. رەھمەت .

ئوسمانجان زۇنۇن · ۋاقتى: 2016-1-1 01:08:18


	سەدەپ يوللىغان ۋاقتى 2015-12-31 11:40 يارغا مەكتۇپ مەن ئەسېر ئوسمانجان زۇنۇن لاۋا ئارمىنىمدا كۆكلىگەن كۆكلەملىرىڭگە مەن ئەسېر، شاخلىرىمدا سايرىغان ھەمدەملىرىڭگە مەن ئەسېر. ھەسرىتىمنى تىلغىسا راھەت بەخىش تىرناقلىرىڭ، كۆكتىكى قۇرغۇي كەبى بەردەملىرىڭگە مەن ئەسېر. سېغېنىشنىڭ جاملىرىدا كۆيسە ۋولقان ئوتلىسام، بىر دەقىق ۋەسلىڭ ئۈچۈن دەرقەملىرىڭگە مەن ئەسېر. ئۇل يۇسۇپنىڭ تاغلىرىنى تىترىتىپ قەھرىڭ بىلەن، مىڭ زىلەيخادەك سۇناي سۈرەنلىرىڭگە مەن ئەسېر. چاچلىرىڭنىڭ دارىغا تاشلاپ ئۆزۈمنى جان بىرەي، سەن خۇشال بولساڭ جېنىم ،خۇرسەنلىرىڭگە مەن ئەسېر. 2015-يىلى ئەڭ ئاخىرقى دېكابىر ئاقتۇ بۇ يازمىنى ئاخىرىدا ئوسمانجان زۇنۇن تەھرىرلىگەن. ۋاقتى 2016-1-6 19:16

سەدەپ · ۋاقتى: 2016-1-3 14:36:23


	* ھىجراندا بوستان ئ‍ىككىمىز * رابىيەم نىياز(سەدەپ) * سەن ئ‍ەسىر ھەم مەن ئ‍ەسىر بولدۇق ھىجىردە تويلۇدۇق، نە ئ‍ەسىر كۈلپەتكە مىڭ ئ‍ىشقى چىمەندە بويلۇدۇق. * ناخشىلار توۋلاپ مۇقامدىن چوغ تىزىپ بەرسەك خەۋەر، تولغۇنۇپ ئ‍وت ئ‍ۈستىدە لەرزى سامالار ئ‍وينىدۇق. * مەن شامالنىڭ پىشىگە چەگسەم ئ‍ېتەكىم پېشىنى، سەن تۆكۈپ ئ‍ەشئار شۇئ‍ان ئ‍ىزگۈ ئ‍ەجەمگە سويلۇدۇق. * بىخەۋەر بىزدىن بىراق ئ‍اتەشتە يانغان چېھرىمىز، قۇترىغان ۋىسالىغا كۈيلەردە ئ‍ىمكان ئ‍ويلۇدۇق. * قار گۈلى چۈشسە لىۋىڭگە بەرگىدىن ئ‍ەكسىمنى كۆر، سەن سۈزۈك ئ‍اسمان گويا ھىسلارنى يەكتا قويمىدۇق. * 2016-1-2

سەدەپ · ۋاقتى: 2016-1-3 14:39:11


	مەن تېلىفۇندا يوللىغان بولغاچقا خەت شەكلى نورمال چىقتىمۇ يوق بىلەلمىدىم

ئوسمانجان زۇنۇن · ۋاقتى: 2016-1-5 01:11:49


	مەزمۇندىن تارتىپ خەت شەكلىگىچە شۇنداق چىرايلىق چىقىپتۇ.ئاپىرىن!

ئوسمانجان زۇنۇن · ۋاقتى: 2016-1-5 01:59:29


	ئوت بولۇپ ياندى يۈرەك لاۋا قار گۈلى چۈشسە لېۋىمگە ئوت بولۇپ ياندى يۈرەك، قىپقىزىل مۇز ئۈستىدە ۋەسلىڭنى مەن قىلدىم كۆرەك. ئاي قوياشقا تەلمۈرۈپ ،ئەگىپ خېرامان لەيلىدى، تولغۇنۇپ ئۇچتى قۇيۇنلار ،ھۇشىدىن كەتتى پەلەك. بۇ غېرىپ خانەم كۆيۈپ،روھ كەتتى سۆيگەن شەھرىگە، ياپ -يىشىل كۈل ئۈستىگە بۇلبۇل بولۇپ قوندى مەلەك. ھېسلىرىم سۇندى شېخىڭدا، چۈشلىرىم كۆيگەن دېڭىز، غەيرىتىم تالقان بولۇپ،غەلياننى سەن قىلدىڭ بوزەك. كۆزلىرىڭ نەشتەر بولۇپ سانجىلدى جاننىڭ باغرىغا، قاپقارا زۇلمەت كۈيى تاڭ پەيزىدە ئاچتى پورەك . بۇ يازمىنى ئاخىرىدا ئوسمانجان زۇنۇن تەھرىرلىگەن. ۋاقتى 2016-1-6 01:17

ئوسمانجان زۇنۇن · ۋاقتى: 2016-1-5 02:28:15


	سەدەپ بۇ تىمامنى ماكان ئەتتى، سۈرلۈك قەلىمىدە تەمترەتتى. دىللار دىدارسىز تاپقاندا ۋىسال، گۈزەل بىيىتلەردىن ئەقلىم بولدى لال. يەلپۈندى كۈيلەردە دىل ئارامىم، ئاشتى ئىگىز تاغلار كەبى ئېھتىرامىم. بۇ يازمىنى ئاخىرىدا ئوسمانجان زۇنۇن تەھرىرلىگەن. ۋاقتى 2016-1-6 01:22

سەدەپ · ۋاقتى: 2016-1-5 19:04:13


	نەيلەيىن رابىيەم نىياز(سەدەپ) تۈندە تاڭغا تەلمۈرۈپ قارچۇقلۇرۇمغا پاتتى جان، بوردىلاپ مەۋجۇتلۇقۇمنى ھەسرىتىمگە ئاتتى جان. لالىزار بولدى چىچەكلەپ كۆكلىگەن مەجنۇنلۇقۇم، شاخىدا گۈلباغىدا تويلاپ ئەجەمدە ياتتى جان. سارغىيىپ پىشقان ئەلەمنىڭ تامچىلاپ كۆز ياشلىرى، خال بولۇپ ئويغاقلىقىمغا كى لاتاپەت قاتتى جان. بەھرىدە قايناپ قىيان سەرسانلىقىمنى توۋلىسا، ۋەھدىتى دولقۇن ئۇرۇپ نىمجانلىقىمنى چاتتى جان. جان پىدا ئاشىق دىسە كۈلمەكلىكىمنى ئۆلتۈرەي، شۇل ئۆلۈم گىردابىغا جۈپ قوللىرىمنى تارتتى جان. 2016-يىل1-ئاينىڭ 5-كۈنى

yalguzak · ۋاقتى: 2016-1-5 22:36:19


	قەلەملەر تالمىغاي،ئوت يۈرەكلەر.

ئوسمانجان زۇنۇن · ۋاقتى: 2016-1-6 11:03:10


	جانىجان ئوسمانجان زۇنۇن لاۋا سارغىيىپ پىشقان ئەلەم جانىمغا ئامەت جانىجان ، سانجىلىپ تۇرغان تىكەن بۇلبۇلغا راھەت جانىجان . ئىپپىتىڭنىڭ نەۋكىرى تىغ ئۇرسا باغرىم ياشنىغاي ، ھەر قىلچنىڭ نەشتىرى تاپسۇن كامالەت،جانىجان . گەر سىنىڭ مەجنۇنلۇقىڭ يار قانلىرىمدا كۆكلىسە، ھەر تىنىق ئەييامىدا كۈلسۇن بالاغەت جانىجان. جان پىدا ئاشىقلىقىم كۆيسە جۇنۇنلۇق بەھرىدە، يالقۇنىدا سويلۇنۇپ سۈرگىن سائادەت جانىجان . يۈزلىرىمنىڭ تۇپرىقىنى كۈل قىلىپ چاچسۇن بوران، ئەھدىمىز پەرمانىغا قىلسام خىيانەت ،جانىجان . 2015 -يىلى 6-يانىۋار ئاقتۇ بۇ يازمىنى ئاخىرىدا ئوسمانجان زۇنۇن تەھرىرلىگەن. ۋاقتى 2016-1-6 19:13

سەدەپ · ۋاقتى: 2016-1-6 18:52:14


	بىر تىزىق مارجان رابىيەم نىياز سەدەپ بىر تىزىق مارجاندا ئۇز كۆردۈم ئۆزۈمنى چاقنىدىم، ھەر تېلى مەڭزىدە شوخ كۈلگەن جانان دەپ ساقلىدىم. سۆزلىسە كۈندۈز -كېچە يۇكسەكلىكىمدە ئولتۇرۇپ، قايرىلىپ ئەتراپ تامان لەپ بىر قىيادا باقمىدىم. ئۇستىخانلار شۇقىراپ ئاقسا زامانەڭ بەرقىگە، قانسىمان كۆكلەپ ۋەتەن دەپ بويلىرىڭنى ياقلىدىم. تاغلىرى تىكدۇر داۋان بوستاندا گۈلخان باغ-ۋاران، سۆھبىتىم مۈشكۈل ئارا باشىم ئېگىپ پەش قاقمىدىم. ئۇزلۇقۇم كۆركۈمدە گۈل ئىشقىڭدا نازۇك تاۋلىغان، چاچلىرىمغا قوندى يىل رەڭدار بېزەكلەر ياقمىدىم. مەنزىلىڭ يەتسە نىتەي يۈرسەم مومايلىق رەستىدە، ئونسەككىز ياشىم بىلەن يارىم يولۇڭغا تاقلىدىم. تائەبەتلىك لىقلىدى كۆيگەن جېنىمنىڭ تارىسى، مەرغۇلۇڭدا سايرىغاي ياتلارغا مەرغۇل قاتمىدىم. 2016-يىل1-ئاينىڭ6-كۈنى

لاۋا: غەزەل

باھا سۆز