كۈيزار: چىرايلىق ئاخشام

ئابلەت.م.كۈيزار · ۋاقتى: 2015-12-28 14:38:33


	ئ‍ارىمىز.... ئ‍ابلەت مۇھەممەد كۈيزار كۆزلىرىڭدىن تۆكۈلمەكتە جۇت، يۈرىكىڭدە بارچىلەر پىنھان... ئ‍ارىمىزدا بەكمۇ چوڭقۇر ھاڭ، كۆكلىمەكتە سۆيگۈدىن خازان. ئ‍اھ! پىغانىڭ قالغان كىملەردىن؟ لەۋلىرىڭدە ئ‍ېغىر قورام تاش. ئ‍اچساڭمۇ گەر باغرىڭنى كەڭرى، سىرىق ئ‍ازاب تارىتار قۇياش! قار ياغماقتا شۇقەدەر سوغۇق، سۇلماقتا ئ‍اھ! ئ‍ەڭ قىزغىن گۈللەر. ئ‍ارىمىزنى باستى سۈكۈنات، تەنھا قالدى بىپايان يوللار.... 2015-12-22 چىرايلىق ئ‍اخشام سۈپسۈزۈك گۈللەردىن پۇرار سېغىنىش، كۈتۈشلەر تەپتىدە قېنىق ھاياجان. گۈلخاندەك چاراسلاپ كۆيمەكتە يۈرەك، كۈنلەرنىڭ بەرگىدىن سۇلماقتا ئ‍ارمان! سۆيگۈمنى يېمەكتە ئ‍ېچىرقىغان كۆز، ھىجرانغا ئ‍ايلاندى يولنىڭ داۋامى... يېرىلغان تاشلارنىڭ باغرىدا ئ‍وت بار، سۇلارنىڭ دەردىنى بىلەر قاينامى! چىرايلىق ئ‍اخشامدا قالدىم يېگانە، ئ‍ەڭ شېرىن خىياللار باقتى پەرىشان. كۆكسۈمدە ئ‍ىسمىڭنى ئ‍وقۇيدۇ لەۋلەر، ئ‍اپئاق چۈش بەرقىدە گۈزەل شىۋېرغان! 2015-12-23 ۋىسال رىشتى ئ‍اپئاق قار ياغماقتا سېغىنىش تامان، شىلدىرلاپ تاشماقتا سۇنىڭ ھەسرىتى. سۆيگۈدە يوللارنىڭ يۈرىكى چاك- چاك، ئ‍اھ! گۈللەر يادلايدۇ كۆيگەن كېچىنى... ھىلال ئ‍اي ئ‍اقماقتا سۈزۈك ۋە قارا، كۆزلەرنىڭ ئ‍ىچىدە شېرىن جىلمىيىش. يامغۇردەك ئ‍ەسەبىي دىدار دەملىرى، ئ‍ەقىدە بەرگىدە قىزغىن ئ‍ېچىلىش... لەۋلەردە چېچەكلەر نۇرانە باھار، مۇڭ بىلەن قانايدۇ دەرەخ كاۋىكى. چېچىڭنىڭ دولقۇنى ئ‍ۈزۈلمەس رىشتە، ھەر سەھەر پەسلىدە ۋىسال تىلىكى! 2015- 12- 25 بۇ يازمىنى ئاخىرىدا ئابلەت.م.كۈيزار تەھرىرلىگەن. ۋاقتى 2015-12-28 14:40

ئۇپقۇن1 · ۋاقتى: 2015-12-28 18:58:40


	بەك ياخشى يېزىپسىز قاقتۇرۇپ ئوقۇدۇم.سۆز ئىشلىتىشىڭىز بالاغىتىنى تېپىپتۇ. ئەمما تەكلىپ 1-سىرىق ئ‍ازاب تارىتار قۇياش! ماۋۇ مىسرانى قايتا بىر ئىشلەپ باقسىڭىز قۇياشنىڭ نورىنى سىرىق ئازاپ دېسىڭىز ئادەمگە سەل غەلىتە تۇيلىدىكەن. 2-بۇ بىر بۆلەك شېئىرلىرىڭىزنىڭ ماۋزۇسى ئوخشىمىغان بىلەن مەزمۇنى ھەممىسى ئوخشاشكەن.خۇددى ئۆزىڭىزدىن-ئۆزىڭىز كۆچۈرگەندەك بىرخىل تۇيغۇ بىرىدىكەن ئادەمگە

mahatjan · ۋاقتى: 2015-12-28 19:38:23


	دۇنيادا سەت نەرسىمۇ يوق،چىرايلىق نەرسىمۇ يوق،پەقەت شۇنى شۇنداق ھېس قىلىش ۋە ھېس قىلدۇرۇشتا.مەسىلەن،خالا گۈزەلمۇ،ئايۋان سارايمۇ؟

mahatjan · ۋاقتى: 2015-12-28 19:38:29


	دۇنيادا سەت نەرسىمۇ يوق،چىرايلىق نەرسىمۇ يوق،پەقەت شۇنى شۇنداق ھېس قىلىش ۋە ھېس قىلدۇرۇشتا.مەسىلەن،خالا گۈزەلمۇ،ئايۋان سارايمۇ؟

مۇھەممەدجان · ۋاقتى: 2015-12-28 20:50:04


	مۇبارەك بولسۇن كۇيزار

تۆرىبەگ قىزى · ۋاقتى: 2015-12-28 21:21:31


	مۇھەممەدجان يوللىغان ۋاقتى 2015-12-28 20:50 مۇبارەك بولسۇن كۇيزار نېمىگە مۇبارەكلەۋاتىسىز؟ كۈيزار خوتۇن ئالدىمۇ يا؟ مۇبارەكلەيدىغان ئىش بولسا بىزمۇ خەۋەر تېپىپ قالايلى...

مۇھەممەدجان · ۋاقتى: 2015-12-29 11:06:34


	تۆرىبەگ قىزى يوللىغان ۋاقتى 2015-12-28 21:21 نېمىگە مۇبارەكلەۋاتىسىز؟ كۈيزار خوتۇن ئالدىمۇ يا؟ مۇ ... سىز بىلمىسىڭىزمۇ بولىدىغان بىر ئىشقا مۇبارەكلىدىم .تۆرىبەك قىزى خاپا بولمىغانسىز

تۆرىبەگ قىزى · ۋاقتى: 2015-12-29 13:05:20


	مۇھەممەدجان يوللىغان ۋاقتى 2015-12-29 11:06 سىز بىلمىسىڭىزمۇ بولىدىغان بىر ئىشقا مۇبارەكلىدىم .ت ... مېنىڭ مۇشۇ خاپا بولىدىغان ھۈجەيرەم ئۆلدىمىكىن مۇھەممەدجان ، خاپا بولاي دېسەممۇ بولالمايمەن. باشقىلار تېرىكىپ كەتكەن گەپنى مەن ئاڭلىسام يۇمۇردەك بىلىنىدۇ. مەن تېخى سىزنى، كۈيزارنىڭ بىر پارچە شېئىر يازغىنىنى مۇبارەكلەپ«مۇبارەك»نىڭ كۇرسىنى چۈشۈرۋاتقان ئىنكاسلارغا يانتاياق بولۇۋاتقان ئوخشايدۇ، دەپقاپتىمەن ...