تېلۋىزىيە بەدىئىي فىلىمى «ئۈزۈلمەس كۈلكىلەر» نەشر قىلىندى

   غۇلجا ناھىيەلىك پارتكوم بىلەن خەلق ھۆكۈمىتى ئىشلىگەن، ئون قىسىملىق تېلۋىزىيە بەدىئىي فىلىمى «ئۈزۈلمەس كۈلكىلەر»  يېقىندا شىنجاڭ مىڭ ئۆي خەلقارا مەدەنىيەت تەرەققىيات چەكلىك شىركىتى ۋە ۋۇخەن كېنو-تېلۋىزىيە، سەنئەت، مېدىيە چەكلىك شىركىتى تەرىپىدىن نەشر قىلىنىپ تارقىتىلدى.
   مەزكۇر فىلىم مەدەنىيەت تارىخىمىزدىكى نەسردىن ئەپەندى، سەلەي چاققان، موللا زەيدىن، ھېسام قۇربان، مەشرەپ قاتارلىق گىگانت يۇلتۇزلىرىمىزنىڭ يۇمۇر-چاقچاقلىرىنى يورۇتۇشنى ئاساس قىلغان تېلۋىزىيە بەدىئىي فىلىمى بولۇپ، فىلىمنىڭ باش مەسلىھەتچىلىكى ۋە باش نازارەتچىلىكىنى دۆلەت ۋە ئاپتونوم رايونىمىزنىڭ سابىق رەھبەرلىرىدىن ئىسمائىل ئەھمەد ۋە مىجىت ناسىر ئاكىلار ئۈستىگە ئالغان. فىلىم ئىككى يىلدا غۇلجا، ئۈرۈمچى، تۇرپان، كورلا، ئاقسۇ، قەشقەر، خوتەن قاتارلىق جايلاردا سۈرەتكە ئېلىنغان. تۇرسۇنجان زۇنۇن، ئەلى زۇنۇن، رېشىت قاسىم، قېيۇم قۇربان، تۇرسۇن شەيىخ قاتارلىق سەنئەتكارلىرىمىز فىلىمدا باش روللارنى ئالغان.

ئۇيغۇر مەدەنىيىتىمىزنىڭ يەنە بىر يارقىن جۇلالسى كۆز ئالدىمىزدا قايتا نامايان بوپتۇ...

بۇ فېلىملەردىن ئالىدىغان زوقىمىز باشقىچە بولغۇدەك.

     ماۋزۇ ئۆزگىچە تۇيۇلدى ماڭا...

ھەقىقىتەن سۈيۈنگىدەك ياخشى خەۋەركەن،سۈيۈندۈم،

«ئۈزۈلمەس كۈلكىلەر» ئۈزۈلمىگەي!

مۇبارەك بولسۇن!

بۇ فىلىمنى قەشقەردە سۈرەتكە ئالغاندا مۆھتىرەملەر بىلەن بىللە بولالىغانلىقىمدىن سۆيۈنىمەن...

بۇ فېلىمنى كۆرۇشكە ئالدىراۋاتىمەن . بۇ تېمىنى يوللىغان ئادمىنغا رەھمەت !

بۇمۇ مەنىۋى-مەدىنىتىمىزدىكى يىڭىلىق ئىكەن.ئۈزۈلمەس كۆيلەر مەڭگۈ ئۈزۈلمىگەي.

كاتتا خوشخەۋەركەنغۇ بۇ؟ تىما يوللىغۇچىغا رەھمەت! مەن مۇشۇنداق فىلىملەرنى ياقتۇراتتىم.

مۇبارەك بولسۇن!

مۇبارەك بولسۇن! مۇشۇ تىمىدىكى كىتاپلارنى تاپماق تەس ئىدى