تۇردى قۇتلۇق : پاشا يېتىپ كۆلچەكتە

پاقا يېتىپ كۆلچەكتە

تۇردى قۇتلۇق

پاقا يېتىپ كۆلچەكتە ،
ئالەم موشۇ دەيدىكەن .
كەلسە پاشا كۆلچەككە ،
كاپىلدىتىپ يەيدىكەن .

تۇتالمىسا پاشىنى ،
سۇنى ئىچىپ ياتاركەن .
بىلمىگەچكە كۆپ ئىشنى ،
كۆلچەكتىن چىقمايدىكەن .

يېتىۋىرىپ كۆلچەكتە ،
سىرىتقا چىقمايدىكەن .
سىرىتتىكى ئىشلارنى ،
ئۇ ئەسلا بىلمەيدىكەن .

ئۆيدىن چىقماي ياتقاننى ،
ئوخشىتامدۇق پاقىغا .
كۆپنى كۆرمەي يۈرگەننى ،
ئوخشىتامدۇق پاشىغا .

شۇڭا دەيدۇ بوۋىلار ،
بىلمەك بولساڭ كۆپ ئىشنى .
تۇرىۋەرمەي يۇرتۇڭدا ،
كۆرۈپ باققىن ھەر ياقنى .

كۆرۈپ باققاچ بار-يوقنى ،
كۆپنى كۆرگەن كۆكلەيدۇ .
قانى كۆكسى كەڭ بولۇپ ،
كۆزى كىچىك بولمايدۇ .

پەرق ئەتكەچكە ھەق-ناھەق ،
ئىشنى خاتا قىلمايدۇ .
كۆپنى بىلگەن كىشىنى ،
چىن دىلىدىن قوللايدۇ .

كۆپنى بىلىپ ھەممىمىز ،
ھاللىق جەميەت قۇرايلى .
ئەجداتلارنىڭ روھىنى ،
ئەۋلاتلارغا ئۇلايلى .

ياخشى چىقىپتۇ، بالىلارغا خاس تىلدا يېزىلىپتۇ.

باھاتىڭىزغا كۆپ رەھمەت .

داۋاملىق  يېزىپ  تۇرۇڭ!

مەدەت بەرگىنىڭىزگە كۆپ رەھمەت .
تىرىشچانلىق كۆرسىتىمەن .
سىزنىڭمۇ قەلەم تۇلپارىڭىز ھەرمىغاي .

چاۋاكقا ئاجىزلىق قىلدىم.

مەدەت بەرگەنلىكىڭىزگە كۆپ رەھمەت.
سىزگە ئۇتۇقلار يار بولسۇن .