شەيدائىي: ئەي جاھان!

shaidayi · ۋاقتى: 2015-12-24 15:38:23


	ئەي جاھان! ئاشىقنىڭ رەنجىگە يوقكەنغۇ داۋا، يۈرىمەن درتلەرگە باغرىمنى يېقىپ. ھىجراندىن رەڭ تۈزگەن مىسرالىرىمنىڭ بەرگىدە توزۇپ گاھ، قات-قات ئېچىلىپ. لالىزار سەھەرگە تۆكسەم يېشىمنى، يار كەتكەن مەنزىلدە ياڭرايدۇ ناخشام. گۇگۇمدا سايرىسام كاككۇكتەك بوزلاپ، ۋاپا دەپ يىغلايدۇ نۇر سۆيگەن ئاخشام. مەن كەزگەن قىيالار مەغرۇر سۈكۈتتە، ئاھىمدىن تۈن كېچە بولار پەرىشان. باغرىمدا لەڭ ئۇرۇپ ئۆكسۈيدۇ قۇياش، مەن ئۈچۈن مۇڭلىنىپ ياش تۆكسە ئاسمان. سەن سالغان پىراقتىن كېچەلمىسەممۇ، مەردلەردەك ياشىدىم كۈلۈپ شادىمان. ئۈمىدنىڭ باغرىدا ياشىرىپ مەغرۇر، تاڭلارغا يۈز يېقىش مەندىكى ئارمان. سۈكۈتلەر باغرىغا تاراملاپ ئ‍ۈنسىز، ئ‍اشىقلىق قەسرىنى كېزىمەن ھەر يان. يۇلقۇنسۇن كەچمىشلەر باغرىدىن تارىخ، يول ئالاي ئەتىگە، يول بەر، ئەي جاھان ! مىلادى 2015-يىلى 24-دېكابىر، چىڭقىچۈش، گۇمىدا قەلەمگە ئېلىندى. مەنبە شەيدائىي ئىجادىيەت مەشىق ئەسەرلىرىدىن تاللاپ يوللاندى بۇ يازمىنى ئاخىرىدا shaidayi تەھرىرلىگەن. ۋاقتى 2015-12-24 21:29

ئەنۋەر508 · ۋاقتى: 2015-12-24 16:05:34


	شېئىرىڭىز ئوقۇپ تۆۋەندىكى كۆز قاراشلىرىمنى سىز بىلەن ئورتاقلىشىشنى لايىق كۆردۇم. 1. « بەرگىدە تۇزۇپ گاھ، قات-قات ئېچىلىپ.» دېگەن مىسرانى « بەرگىدە تۇزۇپ رەڭ، قات-قات ئېچىلىپ.» دەپ ئۆزگەرتسىڭىز قانداق بولار؟ 2. ئەسەردىكى ئېملا خاتالىقلىرى بىر قەدەر كۆپ ئىكەن. دېققەت قىلىشىڭىزنى ئۈمىد قىلىمەن. 3. شېئىرىڭىزدىكى بىر پۇتۇن مەقسەت-مۇددىئا : « سەن سالغان پىراقتىن كېچەلمىسەممۇ، مەردلەردەك ياشىدىم كۈلۈپ شادىمان. ئۈمىدنىڭ باغرىدا ياشىرىپ مەغرۇر، تاڭلارغا يۈز يېقىش مەندىكى ئارمان.» دېگەن مۇشۇ نوقتىدا ھەقىقىي شېئىرىي بالاغەتكە يەتكەن دەپ ھېس قىلدىم. ئىجادىيىتىڭىزگە بەرىكەت تىلەيمەن !

shaidayi · ۋاقتى: 2015-12-24 16:10:33


	ئەنۋەر508 يوللىغان ۋاقتى 2015-12-24 16:05 شېئىرىڭىز ئوقۇپ تۆۋەندىكى كۆز قاراشلىرىمنى سىز بىلەن ... ئەسىرىمگە بەرگەن قىممەتلىك تەكلىپىڭىزگە رەھمەت! ئىملادىكى خاتالىقلارنى تەپسىلىي كۆرسىتىپ بەرگەن بولسىڭىز تولىمۇ مىننەتدار بولغان بولاتتىم!

ئۇپقۇن1 · ۋاقتى: 2015-12-24 16:21:43


	ئەنۋەر508 يوللىغان ۋاقتى 2015-12-24 16:05 شېئىرىڭىز ئوقۇپ تۆۋەندىكى كۆز قاراشلىرىمنى سىز بىلەن ... ئىملادىكى خاتالىقنى مەن ئۇچراتمىدىمغۇ.

ئەنۋەر508 · ۋاقتى: 2015-12-24 16:30:20


	يۈرىمەن درەتلەرگە باغرىمنى يېقىپ. سۈكۈتلەر باغرىدا پۆرەكلەپ قاتا-قات، يول بەر ئەي، جاھان ! يول بەر ، ئەي جاھان ! سەل-پەل دېققەت قىلسا كۆرگىلى بولىدۇ. مەقسەت تەنقىد ئەمەس، بەلكى ئورتاق تەرەققىيات دەپ قارايمەن.

ئۇپقۇن1 · ۋاقتى: 2015-12-24 16:39:07


	ئەنۋەر508 يوللىغان ۋاقتى 2015-12-24 16:30 يۈرىمەن درەتلەرگە باغرىمنى يېقىپ. سۈكۈتلەر باغرىدا پۆ ... راس ئىھتىياتسىزلىقتىن شۇنداق بوپ قالغان ئوخشايدۇ.مەن موشۇ ئىملادىكى خاتالىقنى پەقەت بايقىيالمايمەن دېسە . شەيدائى ئاكامنىڭ بۇ كىچىككىنەك كەمچىلىكى.

دىلداش · ۋاقتى: 2015-12-24 16:49:46


	ئىلھاملىرىڭىز بەركەتلىك بولغاي

دىلداش · ۋاقتى: 2015-12-24 16:49:49


	ئىلھاملىرىڭىز بەركەتلىك بولغاي

بالقىشى · ۋاقتى: 2015-12-24 17:17:52


	سەن سالغان پىراقتىن كېچەلمىسەممۇ، مەردلەردەك ياشىدىم كۈلۈپ شادىمان. ئۈمىدنىڭ باغرىدا ياشىرىپ مەغرۇر، تاڭلارغا يۈز يېقىش مەندىكى ئارمان. ماۋۇ مىسرالارنى بەكىرەك ياقتۇردۇم، ئىلھاملار ئۈزۈلمىگەي!

qongkurqak · ۋاقتى: 2015-12-24 17:24:07


	چىڭقى چۈشتا يازغان بۇ شىئېرىڭىز كېچىسى ئۇخلىماي يازغان نۇرغۇن ئەسەرلىرىڭىزنى بېسىپ چۈشىدىكەن.

shaidayi · ۋاقتى: 2015-12-24 18:20:00


	ئەنۋەر508 يوللىغان ۋاقتى 2015-12-24 16:30 يۈرىمەن درەتلەرگە باغرىمنى يېقىپ. سۈكۈتلەر باغرىدا پۆ ... ئەستايىدىللىقىڭىزدىن تولىمۇ سۈيۈندۈم. ئالدىراشچىلىق تۈپەيلى سادىر قىلغان سەۋەنلىكىم ئۈچۈن خىجىلمەن! داۋاملىق مۇشۇنداق قىممەتلىك تەكلىپ-پىكىرلەرنى بىرىپ تۇرۇشىڭىزنى ئۈمىد قىلىمەن! بۇ يازمىنى ئاخىرىدا shaidayi تەھرىرلىگەن. ۋاقتى 2015-12-24 18:22

ئەنۋەر508 · ۋاقتى: 2015-12-24 18:35:32


	ئەمەلىيەتتە، بىز ھەممىمىز بۇنداق ئىشلاردىن مۇستەسنا ئەمەس. دوستلارچە بىرىلگەن ھەر بىر تەكلىپ، ئورتاق تەرەققىياتىمىز ئۈچۈن ئالغان قەدىمىمىزگە پەللەمپەي بولىدۇ، دەپ ئويلايمەن. سەمىمىيىتىڭىزدىن خۇرسەنمەن. ئىجادىيىتىڭىزگە بەرىكەت تىلەيمەن !

azizjan · ۋاقتى: 2015-12-24 19:11:56


	چۈش ۋاقتى قورساق توق ۋاقىتتا شېئىر يازسا باشقىچە چىقامدۇ نىمە؟ مەنمۇ كەچتە يازىدىغان ئادىتىمنى ئۆزگەرتىپ سىناپ باقمىسام.

ۋولقانى1 · ۋاقتى: 2015-12-25 00:15:08


	تېمىلىرىڭىز بارغانسىرى شېرىنلىشىۋاتىدۇ. سىزدە بىر گەپ بار جۇمۇ...

shaidayi · ۋاقتى: 2015-12-25 00:18:25


	ۋولقانى1 يوللىغان ۋاقتى 2015-12-25 00:15 تېمىلىرىڭىز بارغانسىرى شېرىنلىشىۋاتىدۇ. سىزدە بىر گەپ ... راسىتمۇ يا، توۋا ! تەنە قىلىپ دەۋاتمايدىغانسىز-ھە؟

شەيدائىي: ئەي جاھان!

باھالاش

باھا سۆز

باھا سۆز

باھا سۆز