يۇمۇرلاردىن ھوزۇرلىنىڭ

كەينىچە مېڭىش



     ئوقۇغۇچى دەرسكە كېچىكىپ قاپتۇ، مۇئەللىم سەۋەبىنى سوراپتۇ:

     --- بۈگۈن يول بەك تېيىلغاق بولۇپ كېتىپتۇ. ئالدىمغا بىر قەدەم ماڭسام، كەينىمگە ئىككى قەدەم چېكىنىپ كەتتىم.

     --- ئەگەر دېگىنىڭدەك بولسا، مەكتەپتىن يىراقلاپ كەتكەن بولمامسەن؟

     --- كېيىن ئامال تاپتىم، مەكتەپكە كەينىمچە مېڭىپ كەلدىم.



سېتىپ بېرىش



     بىر كىشى ماگىزىن ئارىلاۋېتىپ، چىرايلىق ھەم ئوماق بىر ئوغۇل بالىدىن سوراپتۇ:

     --- دادڭ سېنى ماڭا سېتىپ بېرەلەمدۇ؟

     --- كەچۈرۈڭ ئەپەندىم، ماڭا تېخى باھا قويۇلمىغان.



پەقەت بىرلا



     مېھمان قورۇمىدىكى بىر تال چىۋىننى كۆرۈپ قېلىپ، كۆڭلى ئېلىشىپ ئاشپەزنى چاقىرىپتۇ. ئاشپەز ناھايىتى خىجىل بولغان ھالدا:

     ---مېھمان، بىر تاللار چىۋىن ئىكەنغۇ، ئەنسىرەشنىڭ ھاجىتى يوق، ئۇ تەخسىدىكى قورۇمىنى سىزدىن بالدۇر يەپ بولالمايدۇ،- دەپتۇ.



مايمۇن



     بىر كۈنى باغدادتىكى بىر ئاقسۆڭەك بىرسىدىن سوراپتۇ:

     --- قانداق قىلسام مايمۇننى كۆرەلەيمەن؟

     --- ئەينەككە قارىسىڭىزلا.



مەست



     ئىككى مەست رېلىس ئۈستىدە كېتىپ بېرىپ قاقشاپتۇ:

     --- نېمانداق تۈگىمىگەن پەلەمپەي بۇ؟

     ---شۇنى دەيمەن، تۇتقۇچى تېخى يەردىكەن.



ئۇخلاپ قالدى



     ئوغلى ئۇخلىغىلى ئۇنىماپتۇ. دادىسى ئۇنىڭغا ھېكايە ئېيتىپ بېرىپ ئۇخلاتماقچى بوپتۇ. بىر سائەت ئۆتۈپ كېتىپتۇ، دادىسى ئوغلىنىڭ ھۇجرىسىدىن چىقماپتۇ. بىر چاغدا ئاپىسى ئىشىكنى ئاستا ئېچىپ پەس ئاۋازدا:

     --- ئۇ ئۇخلىدىمۇ؟- دەپ سوراپتۇ.

     --- ئۇخلاپ قالدى، - دەپ جاۋاب بېرىپتۇ ئوغلىمۇ پەس ئاۋازدا.



لوگىكىلىق خۇلاسە



پروفېسسورنىڭ قىزىنى مەكتەپتىكى ئوغۇل ئوقۇغۇچىلار ئىنتايىن ياخشى كۆرىدىكەن. بىر كۈنى پروفېسسور لوگىكا دەرسىدە: <<كىتاب ئۈستەلنىڭ ئۈستىدە، ئۈستەل يەرنىڭ ئۈستىدە، شۇڭا كىتاب يەرنىڭ ئۈستىدە>> دەپ سۆزلەۋېتىپ، ئالدىنقى قاتاردا ئولتۇرغان ئوقۇغۇچىغا مۇشۇنىڭغا ئوخشاش مىسال كۆرسىتىشنى بۇيرۇپتۇ. ئوقۇغۇچىسى جاۋاب بېرىپ: << مەن سىزنى ياخشى كۆرىمەن، سىز قىزىڭىزنى ياخشى كۆرىسىز، شۇڭا مەن سىزنىڭ قىزىڭىزنى ياخشى كۆرىمەن>>دەپ جاۋاب بېرىپتۇ.



ئوقۇتقۇچىغا ئوخشايمەن



     ئوقۇتقۇچى: دەرس باشلانغاندىن تارتىپ توختىماي سۆزلەپ چىقتىڭ، قېنى دەپ باقە، سەن زادى ئوقۇغۇچىغا ئوخشامسەن؟

     ئوقۇغۇچى: ئوخشىمايدىكەنمەن.

     ئوقۇتقۇچى: ئۇنداقتا، سەن كىمگە ئوخشايدىكەنسەن؟

     ئوقۇغۇچى: ئوقۇتقۇچىغا.



نېمىنى ئويلىدىڭ



     قاتتىق سوغۇق بولغان بىر كۈنى، بىر ئوغرى پاختىلىق چاپان ئوغرىلاپ تۇتۇلۇپ قاپتۇ.

     سوتچى: بۇ چاپاننى ئوغرىلىغان چاغدا سەن نېمىنى ئويلىدىڭ؟

     ئوغرى: ئەگەر تۇتۇلۇپ قالمىسام ئىسسىق پاختىلىق ئېرىشىدىغىنىمنى، تۇتۇلۇپ قالسام ئىسسىق تۇرار جايغا ئىگە بولىدىغىنىمنى ئويلىدىم.



يەڭگە بىلەن سىڭىل



     سىڭلىسى: يەڭگە، سىز دەپ بېقىڭە، لايىق تاللىغاندا ئاپىسى يوقنى تاللايمۇ ياكى يەڭگىسى يوقنى تاللايمۇ؟

     يەڭگىسى: ئەڭ ياخشىسى سىڭلىسى يوقنى تاللاڭ



تەسىرات



     بىر ئايال ئاشنىسى بىلەن ئۆيدە ئولتۇرغاندا، تۇيۇقسىز يولدىشى كېلىپ قاپتۇ. ئايال دەرھال ئاشنىسىنى بۇلۇڭغا ئەكېلىپ تۇرغۇزۇپ، ئۇنىڭ بەدەنلىرىگە ئاق سىر سۈركەپ:
     --- مەن گەپ قىلمىغىچە مىدىرلىماڭ ھە! --- دەپ تاپىلاپتۇ.
     يولدىشى ئۆيگە كىرىپلا:
     --- بۇ ھەيكەلنى ئالدىڭما؟ --- دەپتۇ.
    --- ئۆتكەندە قوشنىمىزنىڭ ئۆيىگە كىرسەم باركەن، بەك چىرايلىق كۆرۈندى. شۇڭا مەنمۇ بىرنى سېتىۋالدىم، ---دەپتۇ ئايالى، يولدىشى گەپ قىلماپتۇ.
     ئەتىسى يولدىشى بىر بولكىنى ئېلىپ ھەيكەلنىڭ ئالدىغا كەپتۇ - دە پەس ئاۋازدا:
    --- چاققان يە، مەن قوشنىمىزنىڭ ئۆيىدە بىر كېچە تۇرغاندا، بىر ئىستاكان سۇمۇ ئىچەلمەي بەك قىينالغان، -دەپتۇ.



ياخشى ئۈلگە



     كىيىملىرى جۇل- جۇل بىر تىلەمچى خوجايىننىڭ ئالدىغا كەپتۇ.
     خوجايىن: مەن ساڭا پۇل بېرەلمەيمەن، بەرسەملا ھاراق ئىچەرسەن.
     تىلەمچى: مەن ئەزەلدىن ھاراق ئىچمەيمەن.
     خوجايىن: ئۇنداقتا قىمار ئوينامسەن؟
     تىلەمچى: ئەزەلدىن قىمار ئوينىمايمەن.
     خوجايىن: قىزلارنى ئىزدەرسەن ھەقىچان.
     تىلەمچى: مەن ئەزەلدىن قىزلار بىلەن ئارىلىشىپ باقمىغان.
     خوجايىن: ئۇنداقتا بەك ياخشىكەن، مەن ساڭا 100 كوي بېرەي. بىراق مەن بىلەن بىللە بىزنىڭ ئۆيگە بارىسەن، مەن ئايالىمغا ھېچقانداق كەمچىلىكى يوق ئادەمنىڭ قانداق بولىدىغانلىقىنى بىر كۆرسىتىپ قوياي.



ئامال بار



     بىر كىشىنىڭ چىشى ئاغرىپ قاپتۇ، چىشىنىڭ ئاغرىقىدا ۋاي- ۋايلاپ قوشنىلارنىمۇ ئارامىدا قويماپتۇ. بىر قوشنىسى ئۇ كىشىنىڭ ئايالىدىن:
     --- يولدىشىڭىزنىڭ چىشىنىڭ ئاغرىۋاتقىنىغا بىر نەچچە كۈن بولدى، بىرەر ئامال قىلمىدىڭىزما؟ --- دەپ سوراپتۇ.
     --- قىلدىم، --- دەپتۇ ئايال، --- بىر نەچچە كۈن بولدى مەن قۇلىقىمغا پاختا تىقىۋالدىم.



ياردەملىشىش



     بىر قىز ئاغرىپ دوختۇرخانىدا يېتىپ قاپتۇ، شىركىتىدىكىلەر ئۇنى يوقلاپ كەپتۇ.
     --- دوختۇرخانىدا يېتىپ قېلىپ، خىزمەت جەھەتتە سىلەرگە ئېغىرلىقىمنى سالدىم، سەت بولدى - ھە، --- دەپتۇ قىز.
     --- ياقەي،  دەپتۇ بىر يىگىت، --- سىزنىڭ خىزمىتىڭىزنى بىر نەچچىمىز بۆلۈپ قىلىۋاتىمىز، مەن گېزىت ئوقۇيمەن، چوڭ خانقىز تېلېفون ئۇرىدۇ، كىچىك خانقىز باش لىدىر بىلەن كۆڭۈل ئاچىدۇ...



تۇغۇلغان كۈندىكى كۈتۈلمىگەن خۇشاللىق



      بىر لىدىر ئاغىنىسىگە مۇنداق دەپتۇ:
     --- تۈنۈگۈن تۇغۇلغان كۈنۈم ئىدى، كاتىپىم ئۆيىگە تەكلىپ قىلدى.
     --- نېمىدېگەن ياخشى - ھە! --- دەپتۇ ئاغىنىسى.
     --- ئۇنىڭ ئۆيىگە بارغاندا ئۇ ماڭا بەش مىنۇتتىن كېيىن ياتاق ئۆيگە كىرىشىمنى، كۈتۈلمىگەن سوۋغا بارلىقىنى ئېيتتى، --- دەپتۇ لىدىر.
     --- ۋاھ، نېمىدېگەن ياخشى، ھەقىقەتەن بەختلىكسەن، --- دەپتۇ ئاغىنىسى.
     --- مەنمۇ شۇنداق ئويلىغان، --- دەپتۇ لىدىر، --- بەش مىنۇتتىن كېيىن ياتاق ئۆيگە كىرسەم، كاتىپىم بىلەن باشقا خىزمەتداشلار بىرلىكتە شام ياندۇرۇپ تۇرۇپتۇ.
    --- راستما؟ ھەقىقەتەن بەختلىكسەن، خىزمەتداشلىرىڭنىڭ ھەممىسى سېنى ياخشى كۆرىدىكەن - ھە! خۇشال بولغانسەن؟ --- دەپتۇ ئاغىنىسى ھەۋەسلىنىپ.
     --- بىراق، ئۇ چاغدا مەن ياتاققا يالىڭاچ كىرىپتىكەنمەن، --- دەپتۇ لىدىر.



خاتا ئاپتىمەن



     لاتارىيىدە بىر مىليون يۈەن مۇكاپاتقا ئېرىشكەن بىر كىشىدىن كىشىلەر سوراپتۇ:
     --- قانداق بولۇپ بۇ ساننى ئېلىشنى ئويلىغان؟
     --- مەن ئۇدا ئۈچ كۈن يەتتە دېگەن ساننى چۈشەپ قاپتىمەن، شۇنىڭ بىلەن يەتتىنى ئۈچ كۈنگە كۆپەيتىپ 24 دېگەن نومۇرنى سېتىۋالدىم، --- دەپتۇ ئۇ كىشى.
     --- بىراق يەتتىنى ئۈچكە كۆپەيتسە 21 بولىدىغۇ، --- دەپتۇ كىشىلەر ھەيران بولۇپ.
    --- شۇنداق بولامدۇ، ئەستا خاتا ئېلىپ قاپتىمەندە، --- دەپتۇ ھېلىقى كىشى ئەپسۇسلىنىپ.



بەلگە قويۇش



     دادا  بالا بېلىق تۇتقىلى بىر قولۋاقنى ئىجارە ئاپتۇ، ئۇلار كۆلنىڭ ئىنتايىن تىنچ بىر يېرىدە نۇرغۇن بېلىق بارلىقىنى بايقاپتۇ.
     --- نېمىدېگەن ياخشى، بىز بۇ يەرگە بەلگە سېلىپ قويۇپ ئەتىمۇ كېلەيلى! --- دەپتۇ دادىسى.
     --- ماقۇل، مەن بەلگە سالاي، --- دەپتۇ بالىسى.
     قايتىشتا دادىسى بالىسىدىن:
     --- نەگە بەلگە سالدىڭ؟ --- دەپ سوراپتۇ.
     --- مەن بوردا قولۋاق سىرتىغا بىر دۈگىلەك سىزىپ قويدۇم، --- دەپتۇ بالىسى.
     --- ھەي دۆت،--- دەپ ۋارقىراپ كېتىپتۇ دادىسى، --- ئەتە بىز بۇ قولۋاقنى ئىجارىگە ئالغىچە باشقىلار ئېلىپ كېتەمدۇ تېخى!



قانداق بولىدىكەن



     بىر چاشقان كىنوخانىدا كىنو كۆرۈۋاتسا، بىر پىل ئۇنىڭ ئالدىدىكى ئورۇندۇقتا ئولتۇرۇپ كىنو كۆرۈپتۇ. چاشقان كىنونى پەقەت كۆرەلمەپتۇ - دە، ئاچچىقىدا پىلنىڭ ئالدىدىكى ئورۇندۇققا كېلىپ ئولتۇرۇپ، ئۇياق- بۇياققا قىمىرلاپ، ئارقىسىغا قاراپتۇ - دە، پىلغا:
     --- ھە، تۇرۇۋالسا قانداق بولىدىكەن؟ --- دەپتۇ.



   نېمىنى تاشلىۋەتمەكچى



  — مەن ھاراق ئىچىش، تاماكا چېكىشنىڭ زىيانلىق ئىكەنلىكىگە ئائىت نۇرغۇن كىتابلارنى ئوقۇپ، ئاخىرى تاشلىۋېتىش قارارىغا كەلدىم.

  — سەن زادى نېمىنى تاشلىۋېتىش قارارىغا كەلدىڭ، ھاراقنىمۇ ياكى تاماكىنىمۇ؟

  — ياق، ھېچقايسىسىنى ئەمەس، كىتاب ئوقۇشنى.



دۇنيانى ئۆزگەرتىش



   جۇغراپىيە مۇئەللىمى جوندىن سوراپتۇ:

  — نېمىشقا دۇنيا خەرىتىسىنى سىزىش تاپشۇرۇقىنى ئىشلىمىدىڭ؟

   جون جاۋاب بېرىپتۇ:

  — سىزغان خەرىتەمنىڭ دۇنيانى ئۆزگەرتىۋېتىشىدىن قورقتىم.



گرانات



   ئىككى ساقچى ئۈچ گىراناتنى بايقاپ قېلىپ، ئۇنى ساقچى ئىدارىسىگە ئاپىرىشقا تەييارلىنىپتۇ. ياش ساقچى سەل قورقۇپ، پېشقەدەم ساقچىدىن سوراپتۇ:

  — ئەگەر يولدا گىراناتنىڭ بىرى پارتلاپ كەتسە قانداق قىلارمىز؟

  — ئۇنداقتا ئىككىنىلا ئۇچراتتۇق دەيمىز – دە، — دەپتۇ پېشقەدەم ساقچى.

بەكمۇ قىزىقارلىق يۇمۇرلاركەن

   مۇشۇنداق يۇمۇرلار پات _ پات يوللانسا ئادەمنىڭ ھاردۇقى چىقىدىكەن ئەمەسمۇ ؟

كۈلكىمۇ ئادەمگە ئارام بېرىدىكەن . سىزگە تەشەككۈر

يۇقۇرقى يۇمۇرلارنى ھەمبەھرلۋالدىم.كۈلكىممۇ مېڭىگە ئارام بېرىدۇ.

يۇقۇرقى يۇمۇرلارنى ھەمبەھرلۋالدىم.كۈلكىممۇ مېڭىگە ئارام بېرىدۇ.

بۇ خىل دەم ئېلىشمۇ بولىدىكەنغۇ ، ئەمما راسلا قىزىق ئىكەن .

ئەجەپ قىززىق يۇمۇرلاركەن .تېما ئىگىسىگە رەمەت!

خاتا ئىلىپ قالغان لاتارىيەدىن كۈلۈپتىمەن،

سىڭلىسى يوقنى تاللاڭ دەيدۇ....ھاھاھا.....دىققەت قىلسام بولدىغان مەسلىمۇ نېمە بۇ؟؟؟        (چاخچاق)

بۇ مۇنبەرگە يومۇر يوللىسىمۇ بولىدىكەندە . بۇرۇنراق بىلگەن بولسام تۆكمە قىلىۋىتەتتىم يومۇر دىگەننى

قىزىقارلىق يۇمۇرلاركەن كۈلكە ئاتا قىلغىنىڭىزگە رەخمەت..

شۇنداق ياخشى يۇمۇرلاركەن بۇنى كۈرۇپ مېنېڭمۇ دېگۈم كېلۋاتىدۇ.
ئىككى بالا بىر كۈنى مەكتەپكە بېرىش بارماسلىق توغۇرلۇق ئويلىنىپ قاپتۇ، شۇنىڭ بىلەن بىر بالا بىز تەڭگە تاشلايلى ،تەڭگىنڭ ئوڭ يۈزى چۈسسە بارايلى،تەتۈر چۈسسە بارمايلى .دىيشىپتۇ .شۇنڭ بىلەن بۇلار ھەر كۈنى شۇنداق قىلدىغان بوپتۇ. بۇلارغا بىرھەپتىنڭ ھەممىسدە تەتۈر يۈزى چۈشۇپتۇ.بىر ھەپتە ئوتكەندىن كېيىن يەنە تاشلاپتىكەن ئوڭ يۈزى چۈشۈپتۇ مەكتەپكە بارسا مۇئەللىمى بىر ھەپتىنىڭ ياقى نېمىشقا مەكتەپكە كەلمەيسىلەر ؟دەپتىكەن بالا ھەممىنى دەپ بىرىپتۇ.بۇنى ئالىغان ئۇقۇتقۇچى تەڭگە قىنى دەپ تەڭگىنى ئىلىپ سىرتقا چۆرۋىتىپتۇ.بۇ چاغدا بىر بالا يەنە بىرسىگە
-ئاداش ھىلى قاراپ باقە ئەتە مەكتەپكە كېلەمدىكەنمىز كەلمەمدىكەنمىز.دپتۇ .
ياقتۇرشىڭلارنى ئۈمۈت قىلىمەن.

ئۇنداقتا يۇمۇرلىرىڭىزنى بالدۇرراق كۈرەيلى، بولۇڭ!!!.....