مۇھەممەت پولات، 1941-يىلى تۇرپاندا تۇغۇلغان. 1964-يىلى شىنجاڭ ئۇنۋېرسىتىتىنىڭ ئەدەبىيات پاكۇلتىتىنى پۈتتۈرگەن. لۇشۈن ئەدەبىيات ئىنىستىتۇتىنىڭ ئاسپىرانتلىق كەسپىدە ئوقىغان. «تارىم»، «شىنجاڭ سەنئىتى» ژۇرناللىرىدا مۇھەررىر، ئاپتۇنۇم رايۇنلۇق ئەدەبىيات ـ سەنئەتچىلەر بىرلەشمىسى نەزەرىيە تەتقىقات باشقارمىسىدا تەتقىقاتچى بولۇپ ئىشلىگەن. 1958-يىلىدىن باشلاپ ئەسەر ئېلان قىلىشقا باشلىغان. 1988-يىلى جۇڭگو يازغۇچىلار جەمىئىيىتىگە ئەزا بولۇپ كىرگەن.
ئاساسلىق ئەسەرلىرىدىن: «چىن دوستلۇق»، «ياخشاراق يازايلى، قىسقاراق يازايلى»،
«ئەدەبىيات ۋە دەۋىر»، «ئەدەبىيات ـ چىنلىق ۋە گۈزەللىكنىڭ تۇپرىقى»، «كىتاپخانلىق تەسىراتلىرى»، «ئۇيغۇر پىروزا ئىجادىيىتى ھەققىدە» قاتارلىق ھېكايە، ئوبزورلار توپلاملىرى، «قىزىل ۋە قارا»، «ئون كۈنلۈك سۆھبەت» قاتارلىق تەرجىمە كىتاپلىرى بار. ئۇنىڭ «ئۇيغۇر شىئېريىتىنىڭ يېڭى تەرەققىياتى» ناملىق ماقالىسى شىنجاڭ ئاز سانلىق مىللەت ئەدەبىياتى مۇنەۋۋەر ئوبزورلىرىنى باھالاشتا 1-دەرىجىلىك مۇكاپاتقا ئېرىشكەن. ئايرىم ئەسەرلىرى يەنە مەملىكەتلىك ئاز سانلىق مىللەتلەر ئەدەبىيات تەتقىقات مۇكاپاتىغا ۋە مۇنەۋۋەر ئەسەر مۇكاپاتىغا ئېرىشكەن.
ۋاقتى: 2012-4-2 01:08:40
