مىرئەھمەد مامۇت: مىرئەھمەد مامۇتنى تەسەۋۋۇر قىلىش

مىرئەھمەد مامۇتنى تەسەۋۋۇر قىلىش

مىرئەھمەد مامۇت

مېنى بىر تال تاش  دەپ ئويلاڭ
ئاندىن مېنى مەنزىلگە قارىتىپ ئېتىڭ .
قەلبىڭىزنى توسقان بۇلۇتلارنى
مەن ئارقىلىق چېقىۋىتىڭ .

مېنى بىر بۇردا نان دەپ ئويلاڭ
ئاندىن يالماپ يۇتىۋىتىڭ .
باھار مەڭزىڭىزگە سۆيگەندىن كىين
مېنىڭ نان ئىكەنلىكىمنى ئۇنتۇپ كېتىڭ .

مېنى بىر چىمدىم تۇپراق دەپ ئويلاڭ
ئاندىن يول-يوللارغا چېچىۋىتىڭ .
ئالتۇن رەڭ سىزنىڭ بولسۇن
ماڭا ۋاپا رەڭگىدە ھەل بېرىڭ .

مېنى بىر دەريا دەپ ئويلاڭ
ئاندىن ماڭا چۆمۈلۈڭ .
بىلىق ، سۇ ، قىرغاق سىزنىڭ بولسۇن
ماڭا بىر پارچە مۇھەببەت بېرىڭ .
2015-يىلى 11-دېكابىر
بۇ يازمىنى ئاخىرىدا   Erchin تەھرىرلىگەن. ۋاقتى  2015-12-14 18:26  

شېئىردىكى ئۆزگىچە ئىپادىلەش ۋە سەمىمى تىلەكلەر مېنى سۆيۈندۈردى.

بۇ شېئىرنى شۇنداق ياقتۇرۇپ ئوقۇدۇم. بىر خىل تاتلىق ھېسسىيات باركەن...
ئىلھامىڭىز ئۈزۈلمىگەي ئاكا!

مېنى بىر بۇردا نان دەپ ئويلاڭ
ئاندىن يالماپ يۇتىۋىتىڭ .
باھار مەڭزىڭىزگە سۆيگەندىن كىين
مېنىڭ نان ئىكەنلىكىمنى ئۇنتۇپ كېتىڭ .

مىننەتسىز مۇھەببەت خۇشپۇراق چاچقاي.

  تاش ،نان ،تۇپراق ، دەريا....
    شائىرنىڭ   مەۋھۇم دۇنياسىدىكى   تەسەۋۇر مەۋجۇتلىقىنى ئىنسانىيەتنىڭ مەۋجۇتلىقىدىن ئايرېۋىتىشكە ھەرگىز  بولمايدۇ،شائىردىكى مەۋجۇدىيەت تۇيغۇسى ھاياتىنىڭ مۇكەممەل، يارقىن نوقتىلىرىغا قارىتا ، ئۆزلۈكىگە قارىتا ئىزگۈ بىشارەت دەپ ھېس قىلدىم

ئاددى تىللار بىلەن لىرىكىغا تويۇنغان شېئىر بوپتۇ. زورۇقۇپ قاپىيەگە كىرىۋېلىش شەرت بولمىغاندىن كېيىن موشۇنداق شېئىرى تىل بىلەن يۈرەك قېتىدىكى ئىھاملار قەغەز يۈزىگە پۈتۈلسە تولىمۇ ياخشى شېئىر چىقىدىكەن. ئىلھاملىرىڭىز ئۈزۈلۈپ قالمىسۇن.

مىرەھمەتنى مۇنداق تەسەۋۋۇر قىلىدىكەنمىزدە؟

ئېسىل