بەرگىيەنىڭ يېڭى رومانى «خىرۇستال قىز» نەشردىن چىقتى

ياخشى خەۋەرنى كېچىكىپ كۆرگىنىمدىم ئەپسۇسلاندىم .
سىڭلىم بەرگىيەنىڭ ئۆزگىچە تىل قابىليىتى بىلەن ئەدەبىيات سەھنىسىدە جۇلالايدىغانلىقىنى بۇرۇنلا پەملىگەن . چۈنكى  بۇ ئېسىل رومانىنىڭ ئەلكۈيدىكى بىر نەچچە قىسمىدىن مەنمۇ ھوزۇرلانغان . بۇ رومان تور ئەدەبىياتىدىكى بىر مۇۋاپىقىيەت، ئۇيغۇر ئەدەبىياتىنىڭمۇ تەرەقيات قەدىمىگە ماس ھالدا بىر بالداق يۈكسىلىش پۇرسىتىگە ئېرىشكەنلىكىنىڭ نەتىجىسى دىيىشكە بولىدۇ . چۈنكى باشقا مىللەتلەر ئەدەبىياتىدا توردا ئېلان قىلىنغان رومانلارغا ئېتىبار بېرىپ نەشىرياتتا بېسىش پۇرسىتى بولغان بىلەن بىزدە بۇ تۇنجى قېتىملىقى .
ئىشىنىمەنكى  ئاياللار ۋە قىزلار تۇرمۇشىنى نەپىس ھالدا سۈرەتلىگەن  بۇ رومان ئۇيغۇر رومانچىلىغىنى ئۈزگىچە خاسلىقى بىلەن رەڭلەيدۇ .
ئىلى ئۇيغۇر ئايال ئەدىبەلەرنىڭ پەخرى بولغان تۇرۇسنايغا تېخىمۇ زور ئۇتۇق تىلەيمەن! بۇ يازمىنى ئاخىرىدا   قەلبىنۇر ئېلياس تەھرىرلىگەن. ۋاقتى  2015-12-6 11:35  

سلام بەرگىم،قاتىلاڭچىلىقلار ئارىسىدا بۇ تىمىغا بۈگۈن كىرەلىدىم،«خرۇستال قىز»ىڭغا مۇبارەك بولسۇن. ۋاپا تۇپرىقىنى قانچىلىك قىزغىنلىق بىلەن  ئوقۇغان بولسان بۇ قىزىڭغىمۇ شۇنچىلىك قىزىققان ئىدىم.. ئەپسۇس چالا ئوقۇپ ئاخىرى نەشىر قىلىنىشغا ئىشتەي ساقلاپ ئولتۇرغان،ئاخرى بۇ قىزىڭنىمۇ كۆرىدىغان بولدۇم. ئىجادىيىتىڭگە بەرىكەت ،تېنىڭگە سالامەتلىك،بارلىق ئىشلىرىڭغا ئۇتۇق،خەيرلىك تىلەيمەن،سېنى ئەڭ سەمىمى تىلەكلىرىم بىلەن قۇچاقلايمەن دوستۇم.قالغان كىتابلىرىڭنىڭمۇ تىزراق نەشىر قىلىنىشىنى ئۈمىد قىلىمەن.

بۇ رۇماننى مەنمۇ باشقىلاردەك ئوقۇماي تۇرۇپ  ماختاپ قويسام بولغۇدەك.  قالدىسى مۇشۇ نەچچە كۈن ئىچىدە بىر ئوقۇپ چىقىپ تەپسىلى ئىنكاس يازىمەن.  بۇ  ئابلا ئېسھاق پېروزەن ئاكىمىز ئېيتقاندەك مۇھىم ئەھمىيەتكە ئىگە رۇمان. بۇ يازمىنى ئاخىرىدا   arttekin تەھرىرلىگەن. ۋاقتى  2015-12-7 16:50  

تۇرسۇنئاي سۇلتاننىڭ بۇ رومانىغا مۇبارەك بولسۇن!

        مەنمۇ بۇ  كاتتا خوش خەۋەرنى بۈگۈن كۆرۈشۈم. سىڭلىمىز تۇرسۇنئايغا مۇبارەك بولسۇن، قەلىمىگە قۇۋۋەت،ئىجادىيەتلىرىگە تېخىمۇ كۆپ ئۇتۇقلار يار بولسۇن !

خرۇستال قىزغا پىچىپ گۈزەل تون،
بېرىپسىز ھاياتقا ئۆزگىچە مەنا.
تەسەددۇق سىزگە گۈل،گۈلدەستە مىليون،
گۈزەللىك كۈيچىسى مەستۇرە رەنا...

     بەرگىيەنىڭ تۇنجى رومانىنىڭ نەشىر قىلىنغانلىغىنى قىزغىن تەبرىكلەيمەن. مەن ئوقۇغان نەسىرلىرىمۇ شۇنچە تاتلىق ئىدى. بەرىكەتلىك بولۇڭ، بەرگىيە.

بەرگىيە بۇ خەۋەرنى ماڭا يەتكۈزگەندە ھاياجاندىن كۆزلىرىمگە لىققىدە ياش كەلگەندى .  ئاياللارنىڭ بۇنداق چوڭ ئەجىملىك ئەسەرلەرنى يېزىشى ھەقىققەتەن ئاسان ئەمەس . بەرگىيە ھەم تىرىشچان ھەم ئۆزىنىڭ يازغانلىرىغا ئەمەل قىلىدىغان يازغۇچى . سىزگە بەخىت ۋە سالامەتلىك تىلەيمەن دوستۇم !

ئەينى ۋاقىتتا بەرگىيە سىڭلىمنىڭ ئەلكۈيىدە زىننەتلىك قىلىپ يوللانغان بۇ ئەسىرىنى ئازراق ئوقۇغانىدىم ۋە كۈنلەرنىڭ بىرىدە كىتاپ بولۇپ چىققان ھالىتىنى تەسەۋۋۇر قىلغانىدىم.
بەرگىيە سىڭلىم تىپىك «ياشلىق ئەدەبىياتى» ۋەكىللىرىدىن بىرى. تەسەۋۋۇرى مول، تىلى گۈزەل، رومانتىك. ئۆزىگە پىشقان ئەنئەنىۋىي رومانچىلاردەك تارىخ، سىياسىي ئارقا كۆرۈنۈش، دەۋر ئارقا كۆرۈنۈش...دېگەندەك مېردىيانلارنى ۋە ئاپتور بەلگىلىۋالىدىغان قاتمال ئوبرازلارنى يارىتىش يۈكىنى ئۆزىگە ئارتىۋالماي، تەسەۋۋۇر دەرياسىغا تەۋەككۈل دەپ تاشلىنىپ ئەركىن ئېقىشى بويىچە يازىدۇ. شۇنىڭ بىلەن نۇرغۇن ئىجادىي سەتىرلەر يېزىۋاتقاچ تىزىلىدۇ، ئاۋۇيدۇ. گاھىدا پەلسەپىۋىيلىك جۈملىلەرمۇ پارتلايدۇ...
«خىرۇستال قىز» كىتاپ تەكچىلىرىمىزدە خىرۇستالدەك چاقنىغۇسى! بۇ يازمىنى ئاخىرىدا   ئە.جۇلا تەھرىرلىگەن. ۋاقتى  2015-12-7 18:47  

مۇبارەك بولسۇن1

تۇرسۇنئاي سۇلتان بەرگىيەنىڭ تۇنجى رومانىغا مۇبارەك بولسۇن .كېيىنكى ئىجادىيەت -

ئىزلىنىش مەنزىلىنىڭ قۇتلۇق بولۇشىنى تىلەيمەن .

«خىرۇستال قىز»غا ئالقىش، مەدەتلەر بولسۇن. خىرۇستالدەك جۇلالانسۇن.

ئالدى بىلەن بەرگىيەنىڭ بۇ ئەسىرىنىڭ نەشردىن چىققانلىقىغا تەبرىكلەيمەن!
ئەنۋەر، بۇ يەردە بىر گەپنى دېگۈم كەلدى: ئاخىرىدا كىتاب ئىشكاپىمىزدا ئەتىۋارلىنىپ ساقلىنىدىغىنى يەنىلا تارىخىي رومانلار، ماقالىلار توپلاملىرى ئىكەن، بۇنداق توقۇلما تىپىدىكى ئەسەرلەر بىردەملىك ھاياجانغا ھامىلدار قىلالايدىكەن، ۋاقىت ئۆتكەنسىرى يادىڭىزدىن چىقىپ كېتىدىكەن...
ئەمما، بۇنداق توقۇلما ئەسەرلەرنى ئوقۇشنىڭمۇ پايدىسى باركى زىيىنى يوق ____ بىزنىڭ  ناشايان ئىشلارنى قىلىشقا ۋاقتىمىز يەتمەيدۇ...

روماننى كۆرمەي تۇرۇپ ماختاش، گوللۇقتىن دىرەك بەرىدۇ ئاشۇرۇپراق دىسەك خوشامەتچىلىكتىن دىرەك بېرىدۇ ئەگەر بۇ روماننى كۆرۆپ بولغاندىن كىيىن   بۇ روماننىڭ ھەقىقەتەن ساقلاش قىممىتى(بەدىى قىممىتى، ئۇچۇر قىممىتى) بار ئىكەنلىگىنى بايقالسا،قەدىرلەپ ساقلاپ قويۇسىمۇ بولىدۇ.روماننى ئوقۇپ كۆرمەمەي تۇرۇپ قىلىنغان پاراڭلارنىڭ سەممىسى ھاياجان پاراڭدىن ئىبارەت.