بەرگىيەنىڭ يېڭى رومانى «خىرۇستال قىز» نەشردىن چىقتى

تۇرسۇنئاي سۇلتان بەرگىيەنىڭ تۇنجى يېڭى رومانى نەشر قىلىنغانلىقىنى قىزغىن تەبىكلەيمەن، مۇبارەك بولسۇن!

ياش ئەدىبە تۇرسۇنئاي سۇلتاننىڭ ئەجىر مېۋىسىنى مۇبارەكلەيمەن ھەم بۇندىن كېيىنكى ئىجادىيىتىگە ئۇتۇق تىلەيمەن!

مۇبارەك بولسۇن بۇ قىزغا

«خروستال قىز»نىڭ مەتبۇئات يۈزى كۆرگەنلىكىگە مۇبارەك بولسۇن!

مەنمۇ ئەلكۈيى مۇنبىرىدە باش قىسمىنى ئازراق ئوقۇغان. ئەمدى ئاخىرىنى تېپىپ ئوقۇي.

مۇبارەك بولسۇن تۇرسۇنئاي، ئەسەرنىڭ مەزمۇنى ئىنتايىن ياخشى ئىدى، مۇقاۋا سۈپىتىمۇ قاراپ ئولتۇرغۇدەكلا چىرايلىق لايىھەلىنىپتۇ. قەلەملىرىڭىز يەنىمۇ ئىلگىرى باسقاي.

مۇبارەك بولسۇن. بۇ رومان ئوقۇرمەنلەر تەرىپىدىن ئالقىشلانغۇسى. مەنمۇ بۇ روماننىڭ بىر سادىق ئوقۇرمىنى بولۇپ قالىمەن. ئىجادىيەت مەنزىلىڭىزگە نۇرانە پەللە نېسىپ بولغاي!...

بەرگىيەنىڭ «خىرۇستال قىز» رومانىنىڭ مۇندەرىجىسىدىكى ئۆزگىچىلىكتىن  سۆيۇۈندىم . قۇت بولسۇن.

«خىرىستال قىز»غا مۇبارەك، بەرگىيەگە يەنىمۇ زور ئۇتۇقلار يار بولسۇن.

  مۇبارەك بولسۇن

بەرگىينى ۋە تۇنجى رومانىنى قىزغىن مۇبارەكلەيمەن. كىتاپ مۇقاۋىسى ئۆزگىچە چىقىپتۇ. شۇنداقلا بۇ روماننىڭمۇ ئېسىل چىققانلىقىغا ئىشىنىمەن. ئۇيغۇر رومانچىلىقى باغچىسىدا ئېچىلغان بۇ خۇشپۇراق گۈلدىن بالدۇرراق ھۇزۇرلىنىشقا ئالدىراۋاتىمەن.

2011- يىلى 11- ئايدا مەن كومپيۇتېرىمنى تورغا ئۇلاپ ئەمدىلەتىن مۇنبەر كۆرىدىغان بولغان ۋاقتلىرىمدا بەرگىيەنىڭ «ئىھ، خىرۇستال قىز» ناملىق ئەسىرىنى كۆرۈپ قالدىم. كېيىن بىلسەم بەرگىيە ئەلكۈيى تورىنىڭ مەخسۇس يازغۇچىسى ئىكەن. نۇرغۇن ئوقۇرمەنلەر بەرگىيەنىڭ ئەسەرلىرىنى ئوقۇش ئۈچۈن بۇ مۇنبەرگە كىرىدىكەن. ئەمما ئۇ چاغدا بۇ ئەسەر ئىنكاسلىرى بىلەن قوشۇلۇپ 70 بەتتىن ئېشىپ كېتىپتىكەن (چېكىلىش قېتىم سانى 500 مىڭدىن ئېشىپ كەتكەن ۋاقت ئىدى) ئوقۇمىغان ئىدىم. كېيىنچە تورداشلار مەزكۇر ئەسەر توغرۇلۇق بەكمۇ كۆپ گەپ قىلىپ كەتكەن بولغاچقا، بىر كۈنى مەخسۇس ۋاقت ئاجرىتىپ ئوقۇپ چىقتىم. بەلكىم ماڭا تور ئەدەبىياتىغا بولغان ئىشتىياق مۇشۇ دەملەردىن باشلانغان بولۇشى مۇمكىن. بۇ ئەسەردەك مېنى ئۆزىگە تارتقان ئەسەر ئاز دېسەم ئەلۋەتتە يالغان ئېيتقان بولىمەن. لېكىن شۇنچىلىك ھاياجان بىلەن ئوقۇپ چىققىنىم ھازىرغىچە ئېسىمدە. بولۇپمۇ تۈركىيىدىكى داچىدىكى ئىشلارنى، تۈركىيىلىك ئەزىزە ئوبرازىنى قانداقمۇ ياراتقاندۇ دەپ ھەيران قالغان ئىدىم.
لېكىن، ماڭا پايدا بولغان يېرى، مەن ئوقۇغان چاغدا بۇ ئەسەر ئاخىرلىشىپ بوپتىكەن. مەن باشقا ئوقۇرمەنلەردەك بۇ ئەسەرنى ئىنتىزارلىق بىلەن بىر يىل ساقلىماپتىمەن. (بەرگىيە بۇ ئەسەرنى 2010 - يىلى يېزىپ 2011 - يىلى يىل ئاخىرىدا ئاخىرلاشتۇرغان) كېيىن بەرگىيەنىڭ ئەلكۈيىدە ئېلان قىلىنغان بىر مۇنچە ھېكايە - پوۋېستلىرىنى ئوقۇدۇم. بەزى ئەسەرلىرىگە باھامۇ بەردىم. ئەلۋەتتە يېقىندىن بۇيان پىروزىنى تاشلاپ نەسىرگە ئۆتۈۋالغانلىقىنى تىللاپمۇ قويدۇم. ئىشقىلىپ بەرگىيە تەسەۋۋۇرغا باي، تىل ئىشلىتىشكە ماھىر يازغۇچى.
مەزكۇر ئەسەرنىڭ نەشىرگە تاپشۇرۇلۇش جەريانى ۋە باشقا ئىشلاردىن ئانچە - مۇنچە خەۋىرىم بار. بۇ كىتاب ئاخىر چىقىپتۇ. بۇنىڭدىن تولىمۇ خۇشال بولدۇم. مۇقاۋىسىمۇ بەك چىرايلىق ئىشلىنىپتۇ. نەشىرگە بېرىلگەن چاغدا مەزكۇر ئەسەر توردىن نەشىرىياتنىڭ تەلىپى بويىچە ئۆچۈرۈلگەن بولغاچقا (ئۆچۈرۈلۈشتىن بۇرۇن چېكىلىش قېتىم سانى 700 مىڭدىن ئېشىپ كەتكەن) بۇ ئەسەرنى توردىن تاپقىلى بولمايدۇ. لېكىن يۈزى قېلىن ئوغرى سالونچىلارنىڭ سالونلىرىدىن تاپالىشىڭىز مۇمكىن. مېنىڭ تەكلىپىم يەنىلا كىتاب نۇسخىسىنى ئوقۇڭ.

مېنىڭ كۆڭلۈمدىكىدەك گەپنى قىلىپسىز، مەنمۇ بۇ ئەسەر توغۇرلۇق يېزىلغان ئىنكاسلارنى كۆپ كۆرۈپ كەتتىم. لىكىن ئوقۇمىغان ئىدىم.
چۈنكى ئاخىرى بار ئەسەرلەرنى ئوقۇپ،ئاخىرنى ساقلاپ جىلە بولۇپ كېتىدىكەن ئادەم.


شۇڭا ھامىنى نەشىرىياتتىن بېسىلىپ چىققاندا ئوقۇي دەپ ساقلىغان، ئاخىرى نەشىردىن چىقىپتۇ. يېڭى يىلدا تارقىتىلىدىكەن. مەش تۈۋىدە ئولتۇرۇپ ئوقۇپ كەتكۈدەكمەن.



مۇبارەك بولسۇن كىتاۋىڭىزغا بەرگىيە ھەدە.

مۇبارەك بولسۇن !

    ئەسەرنىڭ تور نۇسخىسىنىڭ ئۆچۈرۈلگىنى بولماپتۇ، توردا ئەسەر ئوقۇش بىلەن كىتاپ ئوقۇش ئىككى گەپ، يەنە كېلىپ ھەممە ئادەمنىڭ توردىن ئەسەر ئوقۇپ كېتىشى ناتايىن. بولۇپمۇ چوڭلار توردىن ئاساسەن ئەسەر ئوقۇپ كەتمەيدۇ. روماننىڭ تور نۇسخىسىمۇ بولغان بولسا سېلىشتۇرۇپ بېقىش ئىمكانىيىتى بولاتتى ئەمەسمۇ؟
     تۇرسۇنئاينىڭ قەلىمىنىڭ كېيىنكى ئىجادىيەتلىرىدە تېخىمۇ بەركەتلىك بولۇشىنى تىلەيمەن!

مۇبارەك بولسۇن