ھەققانىي: ئەكرەمجان مەترۇسۇلغا خەت

ھە...ي...ي...! مەن  بۇ قېتىمقى- ھەققانىينىڭ ماقالىسىنى ئوغۇرلاش ۋەقەسىنى ئەكرەمجان مەترۇسۇل ئۈمىدىنىڭ قەستەنلىكىدىن ئەمەس، بەلكى تەساددىپىيلىقتىن ئوخشايدۇ، دەپ قاراپتىكەنمەن. ئەسلى ئۇنداق ئەمەسكەندە.
ئاسماندىكى قۇياشنى ئىتەك بىلەن ياپقىلى بولمايدۇ؛ ئەينەك ئادەمنىڭ نەق چىرايىنى كۆرسىتىپ بىرىدۇ؛ قۇدۇقتا ئولتۇرۇپ توۋلىغان پاقا، ئالەمنىڭ قانچىلىك كەڭرىلىكىنى بىلەلمەيدۇ؛ ئاشلىق ئوغرىلىغان چاشقان ھامان تۇتۇلماي قالمايدۇ...

ئۈمىدىنىڭ بۇ نۇمۇسسىزلارچە ئىشى مېنى بەك غەزەپلەندۈردى. ئۈمىدىگە قاتتىق ئېچىنىمەن!!!

ئوغرى دېگەننىڭ ئوغرىلىغان نەرسىسىنى ھېچكىمگە بىلدۈرمەي قوينىغا تىققىنىنى كۆرگەن ۋە ئاڭلىغان.بۇنداق باشقىلارنىڭ ئەسىرىنى خەلق-ئالەمنىڭ ئالدىدا ئۆزۈمنىڭ دېيىشتىن تەپ تارتمىغان ئادەمنى ئوغرى دېمەي، ئەدەبىيات ساھەسىدىكى بۇلاڭچى دېسەك تېخىمۇ توغرا بولۇشى مۇمكىن...

  بارلىق مەتبۇئاتلار بۇنداق كىشىلەرنىڭ ئەسىرىنى ئىشلىتىشنى چەكلىشى كېرەك، شۇنداق قىلغاندىلا ئۆزىنى تونۇيدۇ داپشاق كۆچۈرمىچىلەر. «كاشغەر مەدەنىيىتى» ژۇرنىلى ئالدىن شۇنداق قىلدى، مەزكۇر ئۈمۈدىينىڭ ھەر قانداق ئەسىرىنى ئىشلەتمەسلىك قارارىغا كەلدى ھەم توردىن كەلگەن ھامان كۆرمەيلا ئەخلاتخانىغا يولغا سېلىندى.

مەنمۇ خالتا كوچا ئەپەندىنىڭ پىكىرىنى قوللايمەن! زادى ھېچقانداق ئەسىرىنى ئىشلەتمەسلىك كېرەك!

مەن يېقىندا كەپتەر باققان ئىدىم. بۇ كەپتەرلەر بىر قانچە ئۇۋىداا باچكا چىقارغان ئىدى. مەن بەكمۇ خۇشال بولۇپ كەتتىم. لېكىن بۇ خۇشاللىقىم ئانچە ئۇزۇنغا بارماي يۇقاپ كەتتى. نېمىشقا دىمەمسىلەر؟ بىر كۈنى ئەتىگەندە كەپتەرخانىغا دان، سۇ بەرگىلى كىرسەم، ئۇۋىدا باچكىلار يوق تۇرىدۇ. نەگە كەتكەندۇ-دەپ ئىزدىسەم، ھەممىسىنىڭ پۇكىنى يېرىلغان ھالدا ئۇ يەر بۇ يەرلەردە كۆزى يۇمۇلغان ھالەتتە ياتىدۇ. ئاچچىقىمدا مىڭەمدىن تۈتۈن چىقىپ كەتتى. بۇ نېمە ئىشتۇ، دەپ كۈزىتىپ تۇرسام، كەپتەرخانىنىڭ بۈرجىكىدە بىر چوڭ تۇلۇم چاشقان كۆزىنى پارقىرىتىپ تۇرىدۇ، قۇلۇمدىكى دان ئېلىپ كىرگەن جاۋۇرنى غەزەپ بىلەن تۇلۇم چاشقانغا قارىتىپ ئاتتىم. ئاچچىقىمنىڭ ئاھى يەتتىمۇ قانداق، ئۇ چاشقان دۇم چۈشكەن جاۋۇرنىڭ ئاسىتدا قېلىپ، چىققىلى تۈشۈك تاپالماي يۈرگەندە مەن پەم بىلەن ئۇنى تۇتىۋېلىپ، يانچىپ ئۆلتۈرىۋەتتىم. بۇ ھەقىقەتەن راست بولغان ئىشلار. سىنچىلاپ قاراپ باقسام،  بۇ- ئامبار چاشقىنى ئەمەس، بەلكى كەپتەرخانا چاشقىنى ئىكەن. ئاشۇ پۇكىنى يېرىلغان باچىكىلار ھەر قېتىم يادىمغا كەلسە، قاتتىق ئېچىنىپ كىتىمەن.

«ۋىجدان دېگەن نان، نومۇس دېگەن شان!» دەپ ياشايدىغان ئادەمنى نومۇس ئۆلتۈرەلمىسە كېرەك!

ھەي..........ئەكرەمجان مەترۇسۇل.
بۇ يازمىنى ئاخىرىدا   waris تەھرىرلىگەن. ۋاقتى  2015-12-9 13:01  

ئەلنىڭ كۆزى ئەللىك.

بۇ تېمىنى كېچىكىپ كۆرگەن بولساممۇ، ئانچە ھەيران قالمىدىم، چۈنكى، بىز بىر يۇرتتا ياشاپ يۈرگەن بولغاچقا، ئىلگىرىمۇ بۇ ھەقتىكى گەپ - سۆزلەرنى ئاڭلاپ قالغان ئىدۇق.  ھەتتا، بەزى ئاپتورلار ئەكرەمجانغا يۈزتۇرانە ياكى تېلېفون ئارقىلىق ئېتىراز بىلدۈرگەن. ئەمما، ئەكرەمجاننىڭ «ئىجادىيەت» قىزغىنلىقى زىيادە يۇقۇرى بولغاچقا، ئاقىۋەتتە مۇشۇنداق «سورۇن»غا چىقىپ قالدى.  «ئوغرىلىغان دۇمباقنى چالغىلى بولمايدۇ» دېگەن ماقالنىڭ مەنىسى ناھايىتى كەڭ دائىرلىك بولسىمۇ، مەدبۇئات ساھەسىگە ئەڭ ماس كېلىدۇ. ئەكرەمجاننىڭ بىلىم قۇرۇلمىسىمۇ خېلى يۇقۇرى، جەمئىيەتتە خېلى يۈز ئابرويى بار. ئۇنىڭ ئۈستىگە ھازىر ماقالە يېزىپ ۋەزىپە ئورۇنلاپ مائاش ئالىدىغان ئىدارىدا ئىشلىمەيدۇ. شۇنداق بولغان ئىكەن  چامىسى يەتكەنچە يېزىپ، يازالمىسا بەك كۈچەپ كەتمىسىمۇ، ھېچكىم ئەيىپلىمەيدۇ. ھازىرقىدەك سەتچىلىكلەرمۇ يۈز بەرمەيدۇ.
     مەن بۇ دوستىمىزنىڭ بۇ ئىشتىن ساۋاق ئېلىپ، بۇندىن كېيىن، ئۆز سالاھىيىتىگە ماس كېلىدىغان ئەھمىيەتلىك ئەمگەكلەر بىلەن شۇغۇللىنىشىنى سەمىمىي ئۈمىد قىلىمەن.

«ساخاۋەتچى ئاتىلار كوللېكتىپى»، «بىر سوم پىلانى» دېگەندەك كوللېكتىپقا قاتنىشىپ، يۈز-ئابرويىنى ئەسلىگە كەلتۈرىۋالسىمۇ بولىدۇ.

بولىدىغان تەكلىپ: شىنجاڭ يېزا مەكتەپ پىدائىيلىرىنىڭ رەئىسى يالقۇن ئوسماننىڭ تېلېفۇن نومۇرى:
18999966126  چ چ:1035485862
  مەنمۇ  بۇ جەمئىيەتنىڭ كونا ئەزاسى . بىلىپ بىلمەي ئۆتكۈزۈپ قالغان گۇناھلىرىم يۇيۇلۇپ كەتكەي دەپ ئىلتىماس قىلىپ قاتناشقان...

بۇ ئورۇن سىزدەك « گۇناھى» يېنىك بولغانلارغا ماس كەلگەن بىلەن، بىكاردىنلا كۆچەت قويماي باغقا ئېگە بولۇۋالغان، ئۆيلەنمەي بالىغا ئېگە بولۇۋالغان، تەر تۆكمەي تۆھپىگە ئېگە بولۇۋالغان كەبىرەلىرى ئېغىرراقلارغا ماس كەلمەي قالارمىكىن، ئەلتۇغ ئىنىم؟...جېلىتكىنىڭ ئورنىغا توننى كىيگىلى بولماس... بۇ يازمىنى ئاخىرىدا   ABLAJAN.BOWAKI تەھرىرلىگەن. ۋاقتى  2015-12-10 16:37