جۇدا قىلدىڭ
نىگاھىڭدىن ئېتىپ بىر ئوق مېنى جاندىن جۇدا قىلدىڭ،
ۋۇجۇدۇمنى سېلىپ ئوتقا ئۆزۈڭ جىلۋە-جۇلا قىلدىڭ.
يېشىم ئاقتى بولۇپ ئەگىز، تېنىمدە سۇندى مەجنۇنتال،
بېشىمدا بىھىساپ كۈلپەت، جۇنۇنلۇقتا گادا قىلدىڭ.
چېكەرمەن نالەيۇ-پەرياد، ئۆزۈم ۋەيرانە-ۋەيرانە،
بېغىمدا سەن ئېتىپ قەھ-قەھ، تىتىپ باغرىم ئۇۋا قىلدىڭ.
ئەمەستۇرمەن ئۆزۈم، ئەمما خىجىلدۇرمەن بۇ ھالىمغا،
جاھان ئەھلى ئارا دىلبەر ماڭا بەكمۇ جاپا قىلدىڭ.
ئەجەپكىم، بەزدى دۇنيادىن، نە ئېمكان ئەرتېكىن ئەمدى؟
ئېلىپ بىر جاننى بىر تەندىن گۇناھ قىلىدىڭ، گۇناھ قىلىدىڭ!
2014-يىل 20-يانىۋار، ئونسۇ
(«ئاقسۇ گېزىتى» نىڭ 2015-يىل 10-ئاۋغۇسىتتىكى «جەنۇب شامىلى» بېتىدە ئېلان قىلىنغان)
بۇ يازمىنى ئاخىرىدا ئە.خ.ئەرتېكىن تەھرىرلىگەن. ۋاقتى 2015-11-27 13:38