شىرزات ئادىلجان ھۈكەر: قايسى چاغ

                       قايسى چاغ

              شىرزات ئادىلجان ھۈكەر


سېھىرلەيدۇ كۆزلىرىڭ جادۇ قىلدىڭ قايسى چاغ ،
يۈرۈكۈمنى پىچاقتا يەتمىش تىلدىڭ قايسى چاغ .

بۇلبۇل بىلەن نەغمىدە سەن تۇراتتىڭ بەسلىشىپ ،
بىر بېقىپلا دىلىمدا ئوتتەك ياندىڭ قايسى چاغ .

تاتلىق   بېقىپ  قارىما چىدىمايدۇ  بۇ  كۆزۈم ،
روھنى تەندىن چىقىرىپ جاننى ئالدىڭ قايسى چاغ.

مېھمان بولۇپ كەتمىگىن دىل خانەمگە ھەر قېتىم ،
بىر كۈن قونۇپ ماڭغىدەك بولۇپ كەلدىڭ قايسى چاغ.

سۆيۈپ تاشلاپ كەتكىنىڭ ئەسلى ئەمەس شۆپۈكۈم ،
يەردىن تېرىپ بىرەر رەت   رەتكە سالدىڭ قايسى چاغ.

ئىلتىماسىم   شۇ  جېنىم  ماڭا كۆڭۈل   بەر كېلىپ ،
سىقىمدىسام قولۇڭنى مەن بىرلە چاندىڭ قايسى چاغ .

2015-يىل 24- نويابىر، ئۈرۈمچى
بۇ يازمىنى ئاخىرىدا   ARKZAT تەھرىرلىگەن. ۋاقتى  2015-11-24 10:41  

قەدەملىرىڭگە مۇبارەك بولسۇن !!! مەن سەندىن سۆيۈنمەكتىمەن . تاپشۇرۇقۇم چوقۇم كىلاسسىكلارنىڭ غەزەللىرىنى كۆپ ئوقۇش بىلەن بىرگە دەۋرىمىزدىكى غەزەل ۋە باشقا ژانىردا ئەسەر يېزىۋاتقانلارنىڭ ئەسەرلىرىنى كۆپرەك ئوقۇپ ھەم يادلاپ ئۆزۈڭگە ئېنىرگىيە توپلا ، بولسا جۈرئەتلىك بولۇپ ئۆزۈڭ ئىخلاس قىلىدىغان ئۈرۈمچىدىكى يازغۇچى شائىرلارنىڭ يېنىغا بېرىپ ئۇلارنىڭ پىكىر -تەكلىپلىرىنى ئاڭلاپ كەل ، بۇ مەزگىل ئۆزۈڭنى تاۋلايدىغان ، ئاساسىڭغا ھۇل سالىدىغان ئالتۇندەك دەۋىر شۇنداقلا شارائىتمۇ بەك قولايلىق ، يەنە بىرى ئىزچىللىقنى تاشلىما داۋاملىق تىرىشقىن ھەرگىز يېرىم يولدا تاشلاپ قويىدىغان ئىشنى قىلما ، زورۇقىشتىن ساقلان يۈرىكىڭ لەرزىگە كەلگەندە قەلەم تەۋرەت ، ئۈگىنىشنى ،تىرىشچانلىقنى بوشاشتۇرما !!!

ياخشى تىلەكلىرىڭ  تۇرغان يەردە بۇ قەدىمىمدىن ۋاز كېچىش ئاقىلانىلىك  ئەمەس  ، چوقۇم تىرىشىمەن رەھمەت .

سېھىرلەيدۇ كۆزلىرىڭ جادۇ قىلدىڭ قايسى چاغ ---بۇ يەردىكى ئۇقۇم جادۇ كۆزلەرنىڭ سېھىرلىشى.يەنە بىر قاراپ باقىلى.
ئىلتىماسىم   شۇ  جېنىم  ماڭا كۆڭۈل   بەر كېلىپ - -«دىلبەر» دىمەكچى ئىدىڭىزيۇ «جېنىم» بىلەن قېيىپ كەتكەندەك.
سۆيۈپ تاشلاپ كەتكىنىڭ ئەسلى ئەمەس شۆپۈكۈم ،
يەردىن تېرىپ بىرەر رەت   رەتكە سالدىڭ قايسى چاغ. --بۇ كوبلىت زورۇققاندەك تۇيغۇ بېرىپ قويۇپتۇ.
ئەدەبىيات كوچىسى ئۇزۇن كوچا.بەل قويىۋەتمەي تىرىشقانلارلا بۇ كوچىنىڭ داغداملىقىغا يىتەلەيدۇ.

رەھمەت  ئۇستاز  ،  مېنىڭ ئىككىلىنىپ ، زورۇقۇپ قالغان يەرلىرىمنى تېپىپ بەردىڭىز  ،  مەن  تۈزىتىمەن .

غەزەللىرىڭ بارغانسىرى ياخشى چىقىۋاتىدۇ جۇما دوستۇم!

ياقتۇردۇم     داۋاملىق تىرشىڭ

رەھمەت

رەھمەت  ئاداش

رەھمەت  ئاداش