ئابلەت مۇھەممەت: غازاڭ بولۇپ چۈشمەكتە كېچىلەرنىڭ كىرپىكى

غازاڭ بولۇپ چۈشمەكتە كېچىلەرنىڭ كىرپىكى


               ئابلەت مۇھەممەت


بىخ سۈرىدۇ كېچىلەر ئۆمۈچۈكنىڭ پۇتىدا ،
ئۈندەرىگەن چىۋىنچاق يوتقىنىنى تاپالماس .
ئېشەكقۇرۇت تاملارنىڭ قۇلىقىغا پىچىرلار ،
تەشتەكتىكى سازاڭلار ئچى قىززىپ ياتالماس .


ھويلىلارنىڭ ئالقىنى سىقىمدايدۇ ئۈمۈدنى ،
ئاددىي -ساددا تېرەكلەر قورساق سالار ئەتىگە .
بىلجىرلىغاچ جان ئۈزەر تاز خىيالنىڭ سايىسى ،
ساۋادى يوق تىڭىرقاش يامىشىدۇ كۆرپىگە .


زەرەتلىنەر يوپۇرماق يۇلتۇزلارنىڭ نۇرىدا
ھاردۇق يەتكەن غۇنچىلار تېلىفۇننى تاقىدى .
ئۆز تەمىدىن كەتكەچكە كۆڭۈللەرنىڭ چۆرىسى ،
ئارىمىزدىن تۇيۇقسىز ۋاقىت ئاستا ساقىدى .


ساپما كەشتە تولۇنئاي شىپىرلايدۇ ئاسماندا ،
غازاڭ بولۇپ چۈشمەكتە كېچىلەرنىڭ كىرپىكى .
ئىشىكىمدە ئوقۇيدۇ مۇڭلۇق غەزەل ئەتىلەر ،
ياستۇقىمغا ياش تۆكەر تۆنۈگۈننىڭ شۆپىكى .


تۆت بۇلۇڭغا قايتماقتا كېچە سۆيگەن سوئاللار ،
تەقدىر قىزىل قەلەمدە چىمچىقلىتار كۆزىنى .
گۇناھ ئەمەس ئاۋاقلىق دەسلەپ قىلىپ ئاڭلايلى ،
توپا چاڭغا مىلىمەي رىئالللىقنىڭ سۆزىنى .


بۇ يازمىنى ئاخىرىدا   ARKZAT تەھرىرلىگەن. ۋاقتى  2015-11-23 08:31  

ۋاقىت كارۋانلىرى ئاشۇنداق بىر بىرنىڭ ئىزىنى بېسىپ ،قوغلۇشۇپ ماڭىدۇ-دە.بۇ مەزمۇننى تەبىئەتكە سىڭدۈرۈپ ئىپادىلەپسىز.  
                                             ۋاقىت كارۋانلىرى


                                                            
                            ۋاقىت كارۋانلىرى ئىچرە قەدەم تاشلاپ كىلەر يىللار،
                            دەقىقە  توختىماس  يولدا  نىشانى  بىخەتەر  يىللار.


                          مىسالى ئوق،ئېقىن دەريا سەپەردە كەينىگە يانماس،
                          ھاياتقا سوۋغىسى ھەقسىز،داۋام رەتلىك ئۆتەر يىللار.


                           يىغىپ سائەت بىلەن ئاينى،مىنۇتنى ئوينۇتۇپ ئوغلاق،
                            ۋاقىت سەيناسىدا جەڭگە تۈرۈپ يەڭنى چۈشەر يىللار.
                    
                          ۋىلىقلاپ شوخلۇنۇپ يۇلتۇز،كۈلەر شەمسى-قەمەر كۆكتە،
                          سىنىڭ نامىڭ بىلەن ئۆچمەس،ھاياتقا نۇر تۆكەر يىللار.
                        
                         پۈتۈن ئالەم ئۈچۈن چەكسىز بىرەر ئمكان بىلەن ئىلھام،
                          ھاياتقا جان- پىدا ئەيلەپ ئۆزىنى تۆت بۆلەر يىللار.


                         بىرى ئۇنىڭ باھار پەسلى،پۈتۈن جانلىق كۈلەر قەھ-قەھ،
                         زىمىندا ھەر گىياھ بەس-بەس بىلەن شاخلاپ ئۆسەر يىللار.


                         تومۇزدا جاللىنىپ ئىقلىم ئۇسۇلغا چۈشتى ئويناقلاپ،
                          تېپىپ قۇدرەت گۈزەل ھۆسنى بالاغەتكە يىتەر يىللار.


                          سېخى كۈز  كەلدى  ئالەمگە، قىيامىغا  تولۇپ  بارلىق،
                         بولۇپ خامان قوناق-بۇغداي،مىۋە شەربەت تۆكەر يىللار.


                         ۋاقىتنىڭ قىسمىتى شۇنداق كۈنىگە ئاي قوشۇلغان يىل.
                         بىرى  بىرسىگە  يول باشلاپ  ئەسىر-ئىرا  كىزەر  يىللار.


                          ۋاقىتنىڭ  ئۆلچىمى قاتتىق، ئۆمۈرگە چەك  قويالايدۇ،
                         كۈنى پۈتسە قاراپ تۇرماي ئېلىپ جاننى كىتەر يىللار.


                         يۈرەك ئويناپ كىتەر ھەردەم يېڭى يىلدىن خەۋەر كەلسە،
                          ھايات پەيزى سۈرەرمىز  دەپ خۇشاللىقتىن  كۈلەر يىللار.


                          مىنۇت ئىچرە بېسىپ ئۆتكەن ھاياتتىن قالدۇرۇپ ئىزلار،
                          بوران چاپقۇندىمۇ ئۆچمەس بۈيۈك تارىخ پۈتەر يىللار.


                         ئۆمۈرچەكلىك،ۋاقىت چەكسىز،بۇنىڭدىن قايغۇرۇپ بولماس،
                         مىنۇت،سائەتنى چىڭ تۇتسا چوقۇم ئىمكان بىرەر   يىللار.


                        تۆمۈرگە جان بىرىپ ئادەم ئۇچۇردى كۆكتە قۇشلاردەك،
                        ئەقىل-ئىدراك بىلەن ئۆڭمەس،زىمىنغا گۈل ئۈنەر يىللار.


                         سىزار رەسسام،يازار شائىر ۋاقىتنىڭ قوينىدىن ئوبراز،
                         ئۇلۇغ ئىنسان سىماسىغا گۈزەل نەققاش چىكەر يىللار.


                         قاچاندا بىر يېڭى ئەۋلات تۆرەلسە كۆز ئېچىپ شۇ ئان،
                         ئۇنىڭدىن بىر يېڭى ئىستەك،يېڭى مۆھجىز كۈتەر يىللار.


                                                     ئۆزەمنىڭ ئجادىيتى.


بۇ يازمىنى ئاخىرىدا   mahatjan تەھرىرلىگەن. ۋاقتى  2015-11-23 10:39  

ئاپتۇرلارنىڭ ئىجادىيەتلىرى ئۈزۈلۈپ قالمىغاي.ھەر ئىككىلىسى ئېسىل چىقىپتۇ.ئىلھاملىرىڭىزلەرگە بەركەت تىلەيمەن.

ياخشى يېزىپسىز.

سىزنىڭ خاس تىل قەسرىڭىزدە تولا ئادىشىپ...  مىڭ بالالىقتا ، كىرگەن ئىشىككە قايتىپ كەلدىم....ئەسەېلىرىڭىز بىلەن پات-پات ئۇچرىشىپ تۇرمىسام   راستىنلا ئاداشتۇرۇپ قويغىدەكسىز....

     پىنھان كېچىلەرنىڭ كىرپىكلىرى ئۈستىدە قاناتلانغان ئىزگۈ ئارمان، گۈزەل تىكەكلىرىڭدىن سۇيۇندۇم دوستۇم، ئىزدىنىش ئىچىدە ئۆتىۋاتقان ھەر بىر كۈن ۋە تۈنۈڭگە بەرىكەت يار بولسۇن!  

قايتا قايتا نەچچە ئوقىۋەتتىم . بۇنداق  يازسىمۇ  زور ئۈنۈم  ياراتقىلى  بولىدىكەنغۇ  ،  بەك  سۆيۈندۈم

لار، لەرنىڭ بىراز كۆپ بولۇپ كەتكىنىنى دېمىگەندە شىئېر ماڭا شۇنداق ياقتى. خېلى ئەجر بىلەن يېزىلغان تېتىملىق شىئېركەن.