ئۇيغۇرىيە : زەپەر دۇمباقلىرى

زەپەر دۇمباقلىرى


گۈلبانۇم ئابابەكرى


تىللىرىم پالەچ، تىل سەزگۈلىرىم ئۆلگەن...
مەن پەقەت زەپەر دۇمباقلىرىغا ئۇسۇل ئويناشنىلا بىلىمەن. جان قەپەزلىرىم ئۆز قوۋۇرغامدىن ياسالغان. ئۇنىڭ ھەر بىر نەپىس رايكىللىرىغا يۈرۈكۈمنى گۈل قىلىپ ئويغان. كۆڭۈل شەھىرىمدە بۇ قەپەزلىرىمنى كۆتۈرۈپ يۈرىمەن. گاھ ئوتقا تاشلايمەن، گاھ مۇزلۇق ئوكيانغا...
گۈلدۈرمامىغا ئېسىلغان قانداق چاقماق، ئۇ؟
شارقىراپ قۇيۇلغان قانداق يامغۇر ،ئۇ؟
مەن بۇلارنى دەپ بېرەلمەيمەن.
مەن پەقەت زەپەر دۇمباقلىرىغا ئۇسسۇل ئويناشنىلا بىلىمەن.
«ئاق تاش، كۆك تاش، سەنمۇ ھۆسنۈڭدىن قالىسەن، قەلەم قاش» كىملەر بېلجىرلاپ ئېيتقان ناخشا بۇ؟
قۇدرەتلىك دۇمباق ئاۋازى ئالدىدا بۇ ناخشىلار نېمىتى؟
ئۇسسۇل ئوينىشىم كېرەك.
ئەنە، زېمىننى لەرزىگە سالغان دۇمباق ئاۋازى...
جان قەپەزلىرىمنى ئاتىمەن كۆككە،
بۇ قەپەزلەر چۈشەر نەلەرگە؟   
بۇنى بىلمەيمەن ،مەن پەقەت زەپەر دۇمباقلىرىغا ئۇسۇل ئويناشنىلا بىلىمەن.

« رايكىللىرىغا » دېگەن گەپنى چۈشىنەلمىدىمغۇ؟

سىزنىڭ نەسىرلىرىڭزنى ئىزچىل ئوقۇپ كېلىۋاتىمەن، ئۆزگىچە ئۇسۇل، ئۆزگىچە پۇراق قەلبىمنى لەرزىگە سالىدۇ.

جان ھەلقۇمغا يەتكەندەك ھېسسىياتقا كەلتۈرىدىكەن بۇ نەسرىڭىز، لېكىن « قەپەسلىرىم، يۈرىكىم، بىلجىرلاپ...» دېگەن سۆزلەرنىڭ ئىملاسىنى توغرىلاپ قويۇڭ. ئامەتلىك بولۇڭ.

‹‹زەپەر دۇمباقلىرى›› دېگەن بۇ نەسرنىڭ ئىپادىلەش شەكىلى ، ئۇتتۇرىغا قۇيغان مەزمۇننىڭ چۇڭقۇرلىقىغا چىن دىلىمدىن قايىل بولدۇم .

قەسىدە ئىچىدىكى پاجىئە ،پاجىئە ئىچىدىكى قەسىدە .ئامان بولغايسىز .

رايكا : ئەسلى رۇس تىلىدىن كىرگەن. مەسىلەن : دېرىزىنىڭ رايكىلىرى(راملىرى)
رايكا ياغاچ:  
رايكا تاشئالما(ئۇششاق تاش ئالما)

زەپەر دۇمباقلىرىغا قېنى كىم ئۇسۇل ئوينىمايدىكەن؟

ئۆزى قىسقا ئەمما ئادەمنى ئويغا سالىدىغان .... ياخشى نەسىر بوپتۇ.

      ياخشى چىقىپتۇ. بىرمۇنچە تەپەككۇر قىلىشمغا تۈرتكە بولدى...

بۇ نەسر نەچچە قېتىم ئەخلەتخانىغا چۈشۈپ كەتكەن ئىدى.بەگيار ئەپەندىنىڭ دادىللىقىغا رەھمەت ئېيتىمەن.شۇنداقلا ، ئالدىراش بولسىمۇ ۋاقىت ئاجرىتىپ قىممەتلىك پىكىرلىرىنى قالدۇرغان تارال،ئابدۇسالام ،ئەسما ،ئابدۇرېھىم زۇنۇن ،ئابلاجان بوۋاقى، خالىدەم، داڭگال  ، سەپەرۇپ، مەسئۇد ئىسا قاتارلىق ئۇستاز ،دوسلارغا سەمىمى سالاملىرىم يەتكەي.

زەپەر دۇمباقلىرىدىن ياڭرىغان سادا ئادەمنى چوڭقۇر ئويغا سالىدىكەن...

سونېتلىرىڭىزنىمۇ يوللاپ قويۇڭ ،ئوقۇپ تۇرايلى.

زەپەر دۇمباقلىرىغا ھەممىمىز ئۇسۇل ئويناشقا مەجبۇرمىز. قەلىمىڭىزگە ھەم ئۆزىڭىزگە كۆز تەگمىسۇن!

بەلكىم سىلەر پىكىردە كامالەتكە يەتكەن ئادەملەردۇرسىلەر... بىراق ئاپتور نېمىشقا زەپەر دۇمباقىلىرى دېگەن بۇ قاملاشمىغان سۆزلەرنى بۇ يەردە ئىشلىتىدۇ... ئۇ ئۈمۈدسىزلەنگە  تۇرۇقلۇق يەنە نېمىشقا زەپەر دۇمباقلىرىغا ئاۋاز قوشىدۇ.. بۇ قانداق مەنتىق؟ ياكى بۇ زەپەر دۇمباقلىرى دېگەن ئۇلۇغ سۆزلەرنىڭ تىگىگە يەتكىلى بولمايدىغان  سىموۋۇللۇق مەنىسى بارمۇ؟


ھۆرمەتلىك ئوقۇرمەنلەر ماڭا بىر چۈشەندۈرۈپ قويغان بولساڭلار.... بۇ يازمىنى ئاخىرىدا   تام تەھرىرلىگەن. ۋاقتى  2015-10-30 19:01