لاۋا : ئۈزۈلگەن كېچە

  ئۈزۈلگەن كېچە

ئوسمانجان زۇنۇن

سېنى چۈشەپ ئۈزۈلدى كېچە،
خىيالىمغا قامالغان جانان.
ئۇسۇل ئۇينار شىرىن نالەلەر،
قانلىرىمغا تۆكۈپ ھاياجان.
ئۈزۈك-ئۈزۈك ئوتتەك تىنىقتا،
چايقىلىدۇ دېڭىزدەك قىيان.
يۇلتۇزۇڭنى ئىزدەيدۇ چاپچىپ،
كىرىچلىرى تارتىلغان كامان.

ئەسلىرىمدە ئېچىلغان گۈلسەن،
ئالقىنىمغا ئۈنگەن تۆت قۇلاق.
كۆزلىرىمگە چېچىلغان قۇم سەن،
تەقدىرىمنى قىلىپ  پاتپاراق.
پەرىشتىلەر توۋلىغان ئۈن سەن،
بيىراقتىكى  ئالتۇن قوڭغۇراق.
ياكى قىسمەت تاشلىغان يەمچۈك،
بوينۇمدىكى مەۋھۇم سىرىتماق...

تارام-تارام ئۈزۈلگەن كېچە،
«نۆل» ئۈستىدە توختىدى سائەت.
مەنزىللەرنىڭ پايانى ئارا،
سەرسان بولۇپ يىغلايدۇ تاقەت.
نىم جېنىمغا سالسىمۇ ئىكەك،
باشلىرىمغا ياغدۇرۇپ ئاپەت.
مىنىڭدىكى بۇ« ساراڭ كۆڭۈل»،
ئاھ، شۇنىڭدىن تاپىدۇ لەززەت.


2015–يىل 20- سىنتەبىر ، ئاقتۇ
بۇ يازمىنى ئاخىرىدا   ARKZAT تەھرىرلىگەن. ۋاقتى  2015-10-12 23:58  

شېرىڭىزمۇ مىنىڭ بۇ كىچەمنى ئۈزۈپ  قويدىغۇ ئەمدى!

يەنە بىر ئىسىل شىېرىڭىزدىن ھوزۇر ئالغىنىمدىن خوشالمەن.

«ئۈزۈلگەن كېچە»نىڭ شېئىرىي تۇيغۇلىرى نېمەدېگەن ئېسىل چىققان ھە؟!

لېرىكلىق ، تىلى تاۋلانغان بۇ شىئېردىن ئۈزۈمگە يارىشا ھوزۇر ئالدىم .

شېئىرنى ئوقۇۋېتىپ مەنمۇ ھاياجانلىنىپ قالدىم

شائېر نىڭ ساداسى باشقىلارنىڭ قەلبىدىكى مەخپىيەتلىكنى پارتلىتالىسا  ئۇنداقتا ئۇ شىئېر بولىدۇ .

ياخشىلار توغرا ئېيتقاندە: شائىر ئۆزىنى ،يازغۇچى كىشىنى يازار دەپ ، لېكىن شېئىرنى گويا ماڭا دەپلا يازغاندەك ... بەلكى باشقىلارمۇ شۇ خىيالغا كەلگەن بولسا كېرەك ...مانا بۇ شېئىرنىڭ مۇۋەپپەقىيىتى.