بۈزۆھرە تۇرۇپ سەھەر: شامالغا پىچىرلاش

sahar · ۋاقتى: 2015-10-11 00:54:33


	بۈزۆھرە تۇرۇپ سەھەر شامالنىڭ گۈللىرى ئىچىلارمۇ دەپ، پەنجىرە ئاراسى گىرۋەكلىرىدە. سېغىنىش گۈللەردەك پورەك- پورەكتۇر، سەھەرنىڭ «لىققىدە» ئىتەكلىرىدە، مەجنۇن دەرەخلەر، مەجنۇندۇر گۈللەر، ياپراققا توقۇلغان چىلتەكلىرىدە. شامالغا تىكىلەر سەھەرنىڭ كۆزى، چاڭباسقان تەمبۇردىن كۈي سىرغىغاندا. قۇشلارمۇ سۆزلەيدۇ رىۋايىتىنى، ھىلال ئاي بۇلاققا كۆز تاشلىغاندا، كەلمىسەڭ شامالىم چىچىمنى تاراپ، سەھەرنىڭ باغرىدۇر، باغرىدۇر يارا. گۈل بەرگى چېچىلدى كىلەر يولۇڭغا، كۆك يانتاق شېخىدا سەكپارە تورغاي. مەجنۇنتال سوزۇلار سۇنىڭ لېۋىگە، بىقارار سەھەر ھەم ساڭا بىقارار، كەلگىنە شامالىم گۇگۇمنى قايرىپ، تولۇنئاي يۈزىدىن جاھان بولسۇن لال. تەنھا بىر كىيىكمەن چۆللەردە مىسكىن، ئايىقىم ئاستىدا تاشلارمۇ تالقان. سەن سۆيگەن ياپراقتەك تىترەر يۈرۈكۈم، مىڭ خەنجەر باغرىمغا قادىلىپ تۇرغان. كەلمىسەڭ شامالىم باغرىڭنى ئىچىپ، ھىجراننىڭ مېنىڭدە قالغىنى قالغان. يۇلتۇزلۇق ئاسماننى قارا باسقاندا، گۈلزارغا يىيىلار بۇلبۇلنىڭ زارى. ئالتۇن چاچ قۇياشمۇ كۆرسەتمەيدۇ يۈز، يىشىلمەي سەھەردىن تۈننىڭ لىباسى، كەلگىنە شامالىم سۆيۈشەيلى بىز، زىمىننى پۈركىسۇن سۆيگۈ زىياسى. بۇ يازمىنى ئاخىرىدا shaidayi تەھرىرلىگەن. ۋاقتى 2015-10-11 01:47

gheyurani · ۋاقتى: 2015-10-11 08:54:49


	سەھەرنىڭ بۇلبۇلى سيراپتۇ ئەنە، ئوت-چوپكە پۈركەپتۇ دەرىزا ئالدىنى. چەكسىز قىياقلار يەلپۈنۈپ شۇندا، خۇش ھىدلار دۈپۈلدەر دەرىزە تەكچىنى. تەبىئەت نىمانچە گۈزەلدۇر دەيمەن، ساچىڭنى ئويناپتۇ تەلەيلىك شامال. كۆزلىرىڭ تەبىئەت قوينىدا ئىكەن، يىگىتلەر ھېس قىلماس ھۇزۇر ئال شامال... وبدان يېزىلغان لىرىكا ئەكەن سىڭلىم ھارمىغايسىز، ئالا ئىەەم مەڭگۈ بەختلىك قىلغاي ئىلاھىم.

uygurya · ۋاقتى: 2015-10-11 14:59:29


	كەچۈرگىن ،بارالماي قالدىم قېشىڭغا ، «دەرىخىم مارجىنى » بەرمىدى قويۇپ. قىزاردىم شەپەقتەك سۆيگۈ قەرزىدە، بۇ دۇنيا بىر قەپەز يۈردۈم سوقۇلۇپ. مۇھەببەت ئالمىسى كېسىلىپ كەتتى، «كەسمىنىڭ » يۈزىدە بىر نىگاھ قالدى. ئۇرۇلدۇم ھەر نۆۋەت قىيا تاشلارغا، سۆيگىنىم غېرىپلىق يۈرۈگۈم تالدى. ئەي سەھەر گۆزىلىم ساقلىغىن مېنى، بۇ ھىجران يۈرەكتە كۆيەر چوغسىمان. «چاڭ باسماس ئامدى تەمبۈرلىرىمنى» چىكىمەن زىل تارنى ساڭا شادىمان. « گۈل شامال » شىۋىرلاپ ئۇچار قېشىڭغا، گۈزەلدۇر بۇ دۇنيا، گۈزەل يەنىلا...

مېھراي · ۋاقتى: 2015-10-11 23:15:20


	سەھەرنىڭ لىرىكىسىدىن ھاياجان ئىلكىدە ھوزۇرلاندىم،ئىزچىللىق يار بولغاي.

ئەھمىدى · ۋاقتى: 2015-10-12 23:53:24


	مۇبارەك بولسۇن

mahatjan · ۋاقتى: 2015-10-13 00:02:12


	لىرىكىڭزدىن ھوزۇرلاندىم ، مۇبارەك بولسۇن

sahar · ۋاقتى: 2015-10-13 19:31:24


	ئاددى يازمامنى ياختۇرۇپ كۆرگەن ۋە ماڭا مەدەت بەرگەن ئۇستاز ۋە دوستلىرىمغا تەشەككۈرلىرىم يەتكەي.

qaraxan · ۋاقتى: 2015-10-13 21:58:48


	تېخىمۇ كۆپ ،يېقىملىق پىچىرلاشلىرىڭىزغا دىققىتىمىز دىققەتتە!

sahar · ۋاقتى: 2015-10-18 17:51:36


	uygurya يوللىغان ۋاقتى 2015-10-11 14:59 كەچۈرگىن ،بارالماي قالدىم قېشىڭغا ، «دەرىخىم مارجىنى ... سارغايسا بېغىمدا لالە ھەم ئەنبەر، باغرىمدا كۆكلەيدۇ ئۈمىدنىڭ گۈلى. قۇش بولۇپ قونىسەن بىشىمغا ھامان، باھارنىڭ قۇياشلىق ئىللىق بىر كۈنى. ئۈمىدىم بۇلۇتسىز بىر پارچە ئاسمان، كۈتمەن، كۈتىمەن ئەي شامال سېنى. ئۆزۈمنى ياقىمەن، ياقىمەن مۇزغا، تاقىتىم گۈرۈلدەپ بولغاندا گۈلخان. ھىلالئاي قاققاندا كىرپىكلىرىنى، يۇلتۇزنىڭ كۆزىگە چۆكىمەن پىنھان. تۈنلەرنىڭ باغرىدا تۈنەيمەن بىدار، گۈل يۈزۈم سارغىيىپ بولسىمۇ سامان. يامغۇرغا ئايلانسا كۈتۈش سىمىلداپ، ئىسمىڭنى چاقىرار ھەربىر دەقىقەم. كۈندۈزى توزىسا كېچە چېچەكلەر، رىشتىڭگە چىگىلگەن مېنىڭ ئەقىدەم. قەيەردە بولساڭ بول، ئامان بول چوقۇم، ئەي شامال جىلۋىگەر مېنىڭ بىر دانەم.

arkan.5 · ۋاقتى: 2015-10-19 00:13:18


	ياقتۇردۇم، ھەقىقىتەن ياخشى يىزىلىپتۇ، قەلەم تۇتقان قوللىرىڭىزدىن كۈچ-قۇۋەت، قەلىمىڭىزدىن جۇلالىق سىيا، ۋۇجۇدىڭىزدىن ئىلھاملار تۆكۈلۈپ تۇرغاي!

sahar · ۋاقتى: 2015-10-27 00:20:36


	ئۇستازلارنىڭ ئىلھام ۋە مەدەتلىرىگە كۆپ تەشەككۈر.