پەرىدە ئىسمايىل مېھرى:ۋەيرانە- ۋەيرانە

ۋەيرانە -ۋەيرانە

پەرىدە ئىسمايىل مېھرى

ئېتىلغان قان كەبى جىرت-جىرت جېنىم ۋەيرانە -ۋەيرانە،
چېقىلغان  كۆك سۇنۇق جامدەك   دىلىم   ۋەيرانە- ۋەيرانە.

ئېتى ھىجران دېگەن مەلئۇن تېگى يوق دەردكە بەنت قىلدى،
قوياش پاتقان،تېڭى ئاتماس  يېرىم  ۋەيرانە -ۋەيرانە.

چۈشۈپ ئاشىق تومۇر باسقاققىدا ئىمكان چىقارىم يوق،
بۇراندەك ھۇشقۇتۇپ ،ئىڭراپ ... تىلىم ۋەيرانە –ۋەيرانە.

كاچاتلاپ بولدى قىلمايدۇ تېخى توقماقلىرى تىغلىق،
تۇرارغا نە مادار رۇسلاپ  بېلىم ۋەيرانە -ۋەيرانە.

سىقار غايىپ رەھىمسىز قول  يۈرەككنى دەمدە سىلكىشلەپ،
ئالارغا يوق نەپەس بىر پەس تېنىم  ۋەيرانە- ۋەيرانە .

تاپانغا قاققىنى قوزۇق توكۇر قىلماققا ھەقلىق دەپ،
بىخىدا نەپرىتىم قىم- قىم، تېرىم! ۋەيرانە -ۋەيرانە.

قوبۇل ئەتمەي يەنە شۇندا كېچەرى ۋازغا رايىم يوق،
ئىچىم  زار -زار كۈتۈپ  پۇرسەت سىرىم ۋەيرانە- ۋەيرانە.

ھامان بىر كۈن دىدارى بار ئاشۇ يار زۇلپىقارىمدىن،
ياسايمەن شۇ  كۈنى  جەڭگاھ ،قىرىم...ۋەيرانە -ۋەيرانە.

خەير ...ھىجران  مېنى قانچە مىجىپ مەلھەم قىلىپ چاينا،
ئەمەستۇر  كۈتكىنى مېھرى خېنىم ۋەيرانە -ۋەيرانە.

2015يىلى 2-ئۆكتەبىر (ئاتۇش)


بۇ يازمىنى ئاخىرىدا   bagyar تەھرىرلىگەن. ۋاقتى  2015-10-3 02:41  

ئومۇمىي قۇرۇلمىسى يامان ئەمەس چىققان غەزەل بوپتۇ، بىر قىسىم جايلىرىغا ئىشلەپ باقسىڭىز:
چۈشۈپ ئاشق تومۇر (تۆمۈر بولسا كىرەك) باسقاقى ... دىگەن جايلىرى.
ئۇنىڭدىن باشقا قاپىيە سۆزلىرىدىن :  تېرىم(تەرىم) ، قىرىم، خېنىم سۆزلىرى تازا جايىنى تاپالماپتۇ.

ئىزچىللىقىڭىز بىلەن نەتىنجە يارتىشىڭىزغا تىلەكداشمەن.

چۈشۈپ ئاشىق تومۇر باسقاققىدا ئىمكان چىقارىم يوق،
بۇراندەك ھۇشقۇتۇپ ،ئىڭراپ ... تىلىم ۋەيرانە –ۋەيرانە.

ياخشى يېزىپسىز، مۇبارەك بولسۇن

ھامان بىر كۈن دىدارى بار ئاشۇ يار زۇلپىقارىمدىن،
ياسايمەن شۇ  كۈنى  جەڭگاھ ،قىرىم...ۋەيرانە -ۋەيرانە.

خەير ...ھىجران  مېنى قانچە مىجىپ مەلھەم قىلىپ چاينا،
ئەمەستۇر  كۈتكىنى مېھرى خېنىم ۋەيرانە -ۋەيرانە.
شېئىرلىرىڭىزنى ياقتۇردۇم، تىرىشىڭ ۋە داۋاملاشتۇرۇڭ   ئىجادىيىتىڭىزگە بەرىكەت تىلەيمەن. تۇيغۇ گۈللىرىڭىز تېخىمۇ پۇرەكلىگەي!!  مېھرى خېنىم !!!!!!!!!!!!!!

قازاندا نىمە بولسا چويلىغا شۇ چېقىدۇ.ھايات دىگەن مانا شۇ.بىرگە قىلساڭ،بىردىن كۆرسەن.ياراتقۇچى بېرىپ سىنايدۇ،ئېلىپ سىنايدۇ.گاھى كۈلدۈرۈپ،گاھى قېڭغىر قاخشىتىپ.

ئۇزاقتىن بۇيان سزنىڭ شېئىر،غەزەللىرىڭىزنى سېغىنىپ قالغان ئىدىم .يېزىپ تۇرۇڭ

كىلاسسىكلارنىڭ بۇ ئەندىزىسى سىزدە ئوبدان ئۆزلىشىپتۇ، سىزدىن تېىىمۇ ياىشى غەزەللەر چىققۇدەك. شائىرەلەر ئىچىدە غەزەل يازىدىغانلارنىڭ ئاز بولۇشىدەك بوشلۇق سىزدەك تىرىشچانلار ئارقىلىق تولدۇرۇلسا -ھە.

سىزگە ئۇتۇق تىلىدىم

ئۇتۇق يار بولسۇن مېھرى

سىقار غايىپ رەھىمسىز قول  يۈرەككنى دەمدە سىلكىشلەپ،
ئالارغا يوق نەپەس بىر پەس تېنىم  ۋەيرانە- ۋەيرانە .

تاپانغا قاققىنى قوزۇق توكۇر قىلماققا ھەقلىق دەپ،
بىخىدا نەپرىتىم قىم- قىم، تېرىم! ۋەيرانە -ۋەيرانە.


ياخشى چىققان مىسرالار ئىكەن ، ئىلھام بۇلاقلىرىڭىزغا ئاپىرىن ، سىزگە ئوتلۇق تىلەكلىرىم يەتكەي !

ھامان بىر كۈن دىدارى بار ئاشۇ يار زۇلپىقارىمدىن،
دەپ تۇرۇپ« ۋەيرانە-ۋەيرانە»دىگەنگە مەن ھەيرانە.